Þjóðfélag sérhyggjunnar, græðginnar

 

Og heimskunnar, segir upp lögreglumönnum, slökkviliðsmönnum, fólkinu sem heldur samfélaginu gangandi, svo hinir ofurríku geti haldið áfram að vera ofurríkari.  

Það skilur ekki að samfélögin eru hornsteinn þjóðfélagsins, í þeim fóstrar fólk börnin sín, enda samfélag ekkert annað en heild heimila á ákveðnum  stað.  

Samfélag án innviða er dauðdæmt samfélag.  

 

Það tók hina ofurríku aðeins 30 ár að eyðileggja Bandaríkin.  Voldugasta ríki heims sem hafði þróast og dafnað alla síðustu öld, í átt til velmegunar og velsældar, drifinn áfram af borgarlegum kapítalisma og siðfræði hins siðaða manns.  

Allt þar til að hinu ofurríku fannst ekki nóg að eiga aðeins 30% af þjóðarauðnum og lögðu drög að arðráninu mikla, að ræna sína eigin þjóð.  Til þess fjármögnuðu þeir hagtrúarbrögð, kennd við Nýfrjálshyggju þar sem  lögmálum hagfræðinnar var snúið á hvolf.  Lærdómur sögunnar hundsaður og sú samfélagssátt sem tryggði öllum líf og lífsgæði, var rofin. 

Þessi samfélagssátt kom ekki til að ástæðulausu, hún var svar hinnar siðvæddu borgarastéttar við um 200 ára átakferli þjóðfélaga Vesturlanda þar sem stéttirnar áttu stöðugt í átökum og vígaferlum.  Öld átakanna er þessi tími kallaður og lauk með samfélagsáttinni sem við köllum velferðarkerfi Vesturlanda.  

Þar sem öllum er tryggður lágmarks afkoma, menntun og heilsugæsla.  Og skapari velmegunarinnar er hinn kapítalíski markaður.  

 

Þessa sátt, þessa velmegun gerði Nýfrjálshyggjan að sínum sérstaka óvini og með því að höfða til hinna lægstu hvata mannssálarinnar, hvatanna sem sjá ekkert annað en sinn eigin rass, náði hún völdum.  

Og  árangurinn blasir við öllum í dag.

Arðrænd skuldum vafin þjóðfélög þar sem innviðir samfélaga eru miskunnarlaust skornir niður því ekki má skerða hár á höfði hinna ofurríku sem sífellt sösla undir sig stærri hlut af þjóðarauð Vesturlanda.  

Og nýjar átaklínur, því hinir rændu snúast alltaf til varnar, að lokum.  

 

Ný öld átaka er framundan, og hún verður ekki háð með sverðum eða lensum.  

Slík vopn eru á þjóðminjasafninu en nýjustu drápstólin ekki, þau búa yfir áður óþekktum drápsmætti sem maðurinn hefur aldrei áður kynnst.  Ef þau verða notuð er ljóst að maðurinn er blindgata þróunarinnar líkt og risaeðlurnar forðum daga.  

Enda er Nýfrjálshyggjan blindgata mannlegrar hugsunar, siðferðisleg úrkynjun hennar er ættuð úr neðra, ef það er þá ekki verið að ljúga uppá andskotann.  Jafnvel hann er ekki svo heimskur að telja fólki í trú um að forsenda markaðshagkerfis sé að allt sé leyfilegt ef hinir ofurríku græði á því.  

Hann veit eins og er að slíkt endar aðeins á einn veg, veg sem er kallaður Endir.  Og þar með útum nýjar og ferskar sálir til að pína og kvelja í helvíti.  

 

Nei, það er ekkert sem útskýrir Nýfrjálshyggjuna, af hverju við leyfðum henni að yfirtaka hugmyndaheim okkar, af hverju við leyfðum mannlegri úrkynjun sem við höfðum fram að þessu lokað inná hæli, að taka yfir stjórn þjóðfélaga okkar.  

Jafnvel botnlaus græðgi getur ekki skýrt hina óendanlega heimsku.  

 

En Tómhyggjan getur það.  

Þessi Tómhyggja að við stingum hausnum í sandinn, förum út í búð og verslum með Visa eða eyðum frítíma okkar í að grilla og leika okkur.  

Í stað þess að rísa upp á afturfæturnar, og verja framtíð barna okkar.  

 

Á laugardaginn þarf að verja Bessastaði fyrir atlögu 1001 milljarði sýndarkrónubraskarana.  

Í haust þarf að safna liði og koma Hreyfingu lífsins á fastan grundvöll.  

Næsta vor þarf Hreyfing lífsins að leggja undir sig Alþingi, að fá 62 af 63 þingmönnum.  Krónubraskararnir mega kaupa einn þingmann því það er jú lýðræði.  

Síðan þarf að safna liði meðal fólks um allan heim og marsera eftir lagi Cohen, "first we take Manhattan, then we take Berlín".  

 

Það er ekkert annað í boði, á meðan við dvöldum í sandinum með haus okkar, þá náði hin algjöra heimska völdum og  ógnar tilveru barna okkar. 

Við sem eigum líf sem þarf að verja, verðum þvi að gera það sem þarf að gera.

Og munum gera það.  

 

En byrjum á að verja Bessastaði.  

Kveðja að austan.

 

 

 

Borgin Stockton lýsir sig gjaldþrota

Athugasemdir

[Óskar Helgi Helgason (IP-tala skráð) 27.6.2012 kl. 12:38]

Heill og sæll Ómar; æfinlega !

Jú; ágæti Austfirðingur - nú einmitt, er upp runnin öld hefnda og réttmætra aðgerða, gegn hvítflibba gerinu, ágæti drengur.

Helvítis penninn; svo og lyklaborða ræflarnir, eru góð og gild, svo langt; sem þau ná, en stundum þarf að grípa, til mun harkalegri aðgerða.

Æskilegast væri fyrir Íslendinga; að taka upp góð og náin samskipti, við : Al- Kaída / Lashkar-e-Tayiba, Haqqaní feðga, auk annarra. Sameiginlegir hags munir okkar með þeim, gegn Vestrænni Heimsvaldastefnu - fjármála svindlaranna, meðtalinna, Ómar minn.

Tími miskunnsemi; - sem fyrirgefninga, ER LÖNGU LIÐINN, ágæti drengur !

Með; hinum beztu kveðjum, austur í fjörðu, úr Árnesþingi, sem oftar /   

[Ómar Geirsson, 27.6.2012 kl. 13:59]

Nei, Óskar núna duga ekki tök veimiltítunnar mikið lengur.  Sagði þetta núna nýlega, get alveg endurtekið.

"Þetta skrýmsli þarf að fella, eyða, útríma, en ekki mennina sem hafa látið glepjast til fylgis við það.  Þá frelsum við, gerum þá frjálsa, sanna, heiðarlega.  

Gerum þá að fólki á ný.  

Sem er líklegast það versta sem er hægt að gera þessum Óberum en það er annað mál."

Skrýmslið var útskýrt aðeins fyrr.  

"Þjófar og ræningjar, siðleysingjar og grimmdarseggir, ríða röftum í heiminum í dag undir merkjum alþjóðvæðingar sem er fínt orð yfir þrælahald og arðrán.  

Þeir virða engin landamæri, þeir stela öllu.

Fyrst og fremst ærunni, heiðarleikanum, réttsýninni, sem og innviðum samfélaga okkar á Vesturlöndum.  

Þetta eru mennirnir sem myrtu frelsið, stálu hræinu og vöktu það upp að hætti doktors  Frankenstein, og kenna svo öll illvirki sín við frelsi, frelsi í viðskiptum, frelsi til að rústa samfélögum fólks með því að flytja allt fjármagn úr landi, frelsi til að flytja inn örbjarga fólk og bjóða því smánarkjör í samfélögum þar sem velmegun ríkir.  Smánarkjör sem grafa undan atvinnu og rekstri heiðarlegs fólks.  

Skrýmslið kalla þeir frjáls viðskipti, frjálsan markað en í raun er þetta uppvakningur ættaður úr neðra, sem færir þjóðum heims aðeins auðn og dauða."

Þínir menn þarna suður frá, eins ágætir eins og þeir eru í gunguskap sínum og heigulshætti að vega annað hvort úr launsátri eða þegar þeir hafa töglin, þeir hafa ekkert í þetta skrýmsli að gera.

Og skrýmslið þarf að fella Óskar, og það munum við gera.

Með mætti orðsins og styrk hugans.

Kveðja að austan. 

[Óskar Helgi Helgason (IP-tala skráð) 27.6.2012 kl. 14:26]

Heill á ný; Ómar !

Þess vegna; stakk ég upp á Afghanskri og Pakistanskri aðstoð, í þessu samhengi öllu, fornvinur góður. Eru jú; Indó- Evrópumenn flestir, eins og þorri Íslendinga, þó það skipti nú ekki, neinu höfuðmáli, svo sem.

Hvað gerðist hér; á árunum 1560 - 1580, þegar almennur vopnaburður lagðist af á Íslandi, veit ég ekki Ómar - en síðan þá; hefir Mél- Ráfuhátturinn og þræls eðlið, undirlegið samfélagið, mestanpart, Austfirðingur vísi.

Ekki síðri kveðjur; - hinum fyrri /

[Ómar Geirsson, 27.6.2012 kl. 15:33]

Fólkið vitkaðist Óskar.

Kveðja að austan.