Halló, það kostar 10,5 milljarða að gera Norðfjarðagöng.

 

Ekki 3,7 milljarða.

Er það syndaaflausn fyrir hina gjörspilltu sem ákváðu að lána 8,5 milljarða til Vaðlaheiðarganga sem nákvæmlega stytta leiðina milli Húsavíkur og Akureyri um 5 mínútur að teknu tilliti til tafar við tollhlið, að þeir ætli að bora sirka 2 kílómetra á næstu 2 árum???

Er þetta hugsað sem skjól fyrir íbúa Norðfjarðar ef til kjarnorkustyrjaldar kemur????  Allir inní göng, það er búið að bora smá holu, en ekki í gegn.  

Er ekki takmörk fyrir lýðskrumi hinna gjörspilltu sem taka atkvæðasnap í stóru byggðarlagi fram yfir líf og limi fólks í samfélagi sem borga upp Norðfjarðargöng á um það bil einu ári með sköttum sínum????

 

Hvað er lengi hægt að spila sig hálfvita án þess að fólk sjái í gegnum hálfvitaskapinn???

Hvað duga 3,7 milljarðar í framkvæmd sem kostar 10,5 milljarða???

Er þetta syndaaflausn þegar næsta rúta fýkur út af og lánið muni þá ekki bjarga mannslífum??

 

Hvenær fýkur næsta rúta út af á fjallvegi þar sem vetrarveður leyfa ekki daglegar samgöngur fólks sem sækir vinnu sína í næsta byggðarlag???

Það er ekki rök í málinu að fólk eigi ekki að fara á fjallið, að það eigi að láta næstu vakt í álverinu vinna 24 tíma í strait, það er þannig að það veit enginn um næstu vindhviðu, vindmælirinn sýnir kannski ásættanlegan vind, en næsta fjallaskarð er bara ekki inní þeirri mælingu.  

Forsenda Fjarðaáls, sem skapar ómældan gjaldeyri í þjóðarbúið, var að samgöngur á MiðAusturlandi yrðu færðar í nútímahorf, með öðrum orðum að þær yrðu færðar frá fjallaskörðum niður á láglendi. 

 

Það er gjaldeyrisöflunin sem ræður kaupmætti þjóðarbúsins, ekki kaffidrykkja 101 Reykjavík, ekki 5 mínúta tímasparnaður við að fara Vaðlaheiðargöng í stað Víkurskarðs.  

Fjarðarál skapar  gjaldeyri og það er ekki forsvaranlegt að fólk sem heldur starfseminni þar gangandi sé í lífshættu við að sækja þar vinnu.  Aðeins geðsjúklingar eða siðlausir villimenn telja það eðlilegt að taka styttingu á rúnt milli byggðarlaga um 5 mínútur, fram yfir samgöngubót sem kemur nauðsynlegri umferð úr 630 metra hæð niður á jafnsléttu.  

Jú, og hinir gjörspilltu sem taka atkvæði fram yfir mannslíf.  

Sem og samlandar okkar sem er það ofviða að mótmæla augljósu ranglæti og skilja svo ekkert í að þeir voru rændir af útrásarvíkingunum.  

Það er þannig að sá sem hugsar ekki, að sá sem skilur ekki, sá sem finnur ekki til með öðrum, að hann er dæmdur til að verða undir í lífsbaráttunni, að enda sem skuldaþræll krónubraskara og fjármagnseiganda.  

Tómhyggjan elur aðeins af sér fórnarlömb.  

 

Og hinir gjörspilltu gera út á hana.  

Þeir blekkja með yfirlýsingu um að þeir setji brotabrot kostnaðar við lífsnauðsynleg jarðgöng eins og að jarðgöng í annan endann, sem enda inní ekki einu sinni miðju fjalli, að það sé frétt, að það sé tíðindi.  

Og hinir tómu fagna, klappa, hrópa húrra, en á meðan fer lifandi fók á rútum yfir fjallveg í misjöfnum vetrarveðrum, með þá einu vitneskju, að öllum er sama þó illa fari.  

Hinir gjörspilltu og hinir tómu ráða för.  

Vissulega getur það hætt að sækja vinnu yfir Skarðið, en við hvað á það þá að vinna???  Og ekki rekur Fjarðaál sig án starfsmanna, það var vitað þegar álverið var reist.  Enda öllu fögru lofað um samgönguúrbætur.  

 

Heimskan, tómhyggjan, gjörspillingin er eina skýring þess að Norðfjarðargöng eru látin bíða á meðan ríkissjóður fjármagnar gælugöng kennd við Vaðlaheiði.  

Og aðeins siðblindan telur slíkt eðlilegt.  

En hvað með restina af þjóðinni, sem er hvorki gjörspilltur stuðningsmaður fjórflokksins eða siðblindt afkvæmi tómhyggjunnar, hvað finnst henni???

Af hverju segir hún ekki neitt???

Getur hún ekki sett sig í spor náungans, eða er henni alveg sama á meðan ranglætið snerti ekki hennar eigin rass???

 

Hvað með fjölmiðil eins og Morgunblaðið sem þykist taka sig alvarlega????

Hefur hann enga skoðun ef málið snertir fleiri en Jóhönnu Sigurðardóttir???

Eða þarf ritstjórinn að skora pólitískar keilur til að láta sig mál varða???

Er hann jafn aumur og þeir sem hann skammar blóðugum skömmum???

 

Eða hvað með forseta vorn sem ætlar fram til að verja rétt þjóðarinnar gegn stjórnsýsluspillingunni??'

Fylgdi með í smáaletrinu að rétturinn takmarkaðist við byggðarlög með meir en tíuþúsund íbúa???

Eða sannleiksleitendurna í blaðamannastétt Reykjavíkur, sem mega ekki sjá spillingu án þess að fordæma hana.  Var skilyrði þess að hin meinta spilling væri falin í skurði Rarik sem grafin væri í 101 Reykjavík, nær vitund þeirra ekki út yfir Öskjuhlíðina????

 

Yfir hvaða mörk þarf rangsleitni og spilling að fara til að hinir gjörspilltu þurfi standa skil á gjörðum sínum???

Eru mörkin Öskjuhlíðin, Árbærinn, Hellisheiðin, eða er miðað við 5.000 íbúa, 10.000 þúsund íbúa eða jafnvel 100.000 þúsund íbúa????

Er nauðsynleg forsenda að tengja Davíð Oddsson við gjörðir hinna gjörspilltu til að vel meinandi fólk rétttrúnaðar vinstrimennskunnar láti sig málið varða???

Eða sægreifa, eða útrásarvíkinga???, mun þá hið réttsýna íslenska Andóf láta í sig heyra????

 

Af hverju er ranglæti látið viðgangast í Íslandi á 21. öldinni.  Ranglæti sem 1.100 ára saga landsins kann fá dæmi um, jafnvel þegar konungsvalið var sem spilltast.  

Allavega er ljóst að það er engin innistæða fyrir kjöri Ólafs Ragnars ef hann samþykkir Vaðlaheiðarstjórnsýsluspillinguna.  Og það er ljóst að hið íslenska andóf, sem hugsar ekki út fyrir 101 Reykjavík, að það á enga siðferðislega innistæðu fyrir gagnrýni sinni á fjórflokkinn.

Því spilling er spilling, sama hvar fórnarlamb hennar býr.  

Þögnin gagnvart Vaðlaheiðargjörspillingunni segir því allt sem segja þarf um þá sem hrópa hæst.

 

Þeir eru hávaði um ekki neitt.

Kveðja að austan.

 

 

 

3,7 milljörðum varið í Norðfjarðargöng

Athugasemdir

[Arnar Grétarsson (IP-tala skráð) 19.6.2012 kl. 18:07]

Þú gerir þér væntalega grein fyrir því að það getur tekið lengur en 2 ár að gera göngin.

Skilst að þessar 3,7 miljarðar sé kostnaðurinn við gröftin fyrstu 2 árin, restin verður svo væntanlega borguð 2015 og 2016 eða eftir því hve langan tíma tekur að grafa. Auk þess er lokafrágangurinn lang dýrastur (lagnavinnan og malbikið).

Hef heyrt að Vegagerdin reikni með að gera þau á c.a. 4 árum.

[Ómar Geirsson, 19.6.2012 kl. 18:16]

Já, ég geri mér grein fyrir því Arnar.

En málið er að þessi göng áttu að vera búin núna, þau voru á áætlun 2009.  Hvert ár sem þau dragast um er ávísun á hugsanleg slys, við fengum aðvörun í vetur sem aðeins mannvesalingar sem skilja ekki gildi mannslífa, hundsa.  

Það tekur 2 ár að bora og ganga frá göngum, það sannaðist þegar Reyðarfjarðargöng voru boruð.  Þau voru tafin um tæplega 2 ár vegna þess að vegagerðin vildi gera þau á 4 árum í stað tveggja.  

Vegagerðin er nýhætt að nota hesta við vegaframkvæmdir, hún er dragbítur á nútímasamgöngur, til dæmi hvarflar ekki að henni að vegriða hættulega kafla á veginum yfir Oddskarð, vísa í fræg ummæli hennar þegar banaslys varð í blindaþoku.  "af hverju áttu að vera vegrið þarna, það eru svo margir aðrar stórhættulegar beygjur á veginum", haft eftir þáverandi umdæmisverkfræðingi hennar.  

Eftir Vaðlaheiðarstjórnsýsluspillinguna er aðeins ein syndaaflausn, tafarlaus framkvæmd, og tilbúin göng eftir 2 ár.

Það var nefnilega lygi að það væru ekki til peningar.

Kveðja að austan.

[Óskar, 19.6.2012 kl. 18:32]

ææ það er nú einmitt veiðigjaldinu sem þú ert svo á móti því að þakka að það eru til peningar fyrir þessu.  Ekkert veiðigjald = engin göng.   Farinn að skilja ??

[Ómar Geirsson, 19.6.2012 kl. 18:45]

Elsku besti Óskar minn, ertu þú blindur á raunveruleikann ef hann hentar ekki pólitísku hatri þín á Sjálfstæðisflokkinn???

Ég á nýlegt blogg um lánið frá AGS sem er verið að endurgreiða, þar voru óþarfa vaxtagreiðslur margföld Norðfjarðargöng.  

Ég á eldri blogg um skaðsemi hávaxtanna, þar eru óþarfa vextir handa bröskurum tripföld Norðfjarðargöng.

En fyrst og síðast á ég blogg þar sem ég bendi á að fyrst það er til peningur í ríkisframkvæmdina Vaðlaheiðargöng uppá 8,7 milljarða, þá er það siðleysi að setja ekki sambærilega fjárhæð í Norðfjarðargöng, ef hún er ekki til tvöföld, þá lána menn Norðfjarðargöngum fyrst, enda greiðslur öruggar, það er framlög á samgönguáætlun.  

Hvað kemur eitthvað af þessu ofurskattlagningu við???

En ofurskattlagningin hefur þau langtímaáhrifin, og þá til sirka 10 ára, að það verður ekki til peningur til að reka nútímaþjóðfélag.

Óskar, mig skortir vit til að tengja Davíð Oddsson við alla þessa skynsemi, og þá að óskynsemin sé honum að kenna.  Ímyndaðu þér bara Davíð, og þá skilur þú einfalda lógík.

Bara spurning um vilja.

Kveðja að austan.

[Hrólfur Þ Hraundal, 19.6.2012 kl. 19:54]

Óskar kl. 18.32.  Peningarnir fyrir Norðfjarðargöngum eru til og þarf þess vegna ekkert að kreista þá af heiðarlegu fólki sem nennir og kann að vinna á landsbyggðinni.  En þeir peningar sem til eru verða notaðir í Vaðlaheiðagöng og samkvæmt fréttum þá skiptir engu máli hvenær eða hvort þeir verða greiddir til baka.

Ég hef nokkrum sinnum þurft að ganga Oddskarð fyrir utan annað bras og stundum tafist á Fagradal en aldrei á Víkurskarði en á stundum í Möðrudalsfjallgörðum og í Heljardal en aðeins einu sinni tafist á Vaðlaheiði en það var ekki  vegna ófærðar heldur vegna þess að mótorinn í rútunni gafst upp á erfiðinu og bræddi úrsér.  Vaðlaheiðarvegurinn gamli er að líkindum með Oddskarðvegi, Hrafnsheiðarvegi, Hellisheiðarvegi eystri  og Fjarðarheiðarvegi, en líkist í engu vegi þeim vegi sem nú liggur um Víkurskarð.  Svo Andskotin vorkenni þeim sem þar þora ekki yfir.

  

[Óskar, 19.6.2012 kl. 20:52]

Síðast þegar ég fór til Norðfjarðar þá keyrði ég í gegnum göng.  Hvað er vandamálið, eru þau horfin eða viljið þið bara lúxusgöng þó það fari 2 bílar þarna um á klukkutíma ?

Varðandi Vaðlaheiðargöngin þá er ég meiraðsegja sammála ykkur, þau eru dæmi um svæsið kjördæmaplott sem öll kjördæmi landsins stunda nema höfuðborgarsvæðið enda berjast þingmenn þess fyrst fyrir þjóðarhag og síðast ef þá nokkurntímann fyrir eigið kjördæmi og íbúana þar.  

En það breytir því ekki að veiðileyfagjaldið sem ykkur er svo óskaplega illa við er einmitt leið til þess að fjármagna framkvæmdir úti á landi en þið viljið frekar að þessir peningar verði faldir á Kýpur eða keyptar þyrlur til að kaupa pulsur eins og dæmin eru um hjá pakkinu sem þið verjið.  Þetta eru sanngjörn gjöld á ofsagróða og eina leiðin til að koma í veg fyrir að hann endi í vösum örfárrra einstaklinga. -- Það hlýtur að mega koma einhverju af hagnaði þessarar auðlindar í hendur þjóðarinnar.  

[Ingvar Kristjánsson (IP-tala skráð) 19.6.2012 kl. 20:55]

Mikið fagna ég því að það á loksins að veita fé í Norðfjarðargöng, enda eru þau gerð fyrir landsmenn alla, ekki bara neikvæða og svartsýna austfirðinga sem fara hamförum á bloggsíðunum þessa dagana og finna sér allt til að nöldra og tuða útaf.

Til hamingju allir Íslendingar með að það á loksins að byrja á Vaðlaheiðar og Norðfjarðargöngum, það var löngu tímabært.

[Sigurjón Þórðarson, 19.6.2012 kl. 20:58]

Breytt forgangsröðun Steingríms J. og meirihluta Alþingis er óskiljanleg og útreikningarnir sem lagðir eru með Vaðlaheiðagöngunum sem er í sjálfu sér ágætt framkvæmd en ekki komið að, sína að stjórnmálastéttin hefur ekkert lært.

[Hrólfur Þ Hraundal, 19.6.2012 kl. 21:26]

Óskar, fyrstu orð þín í Nr. 6. dæma öll hin.   

Göng og göng eru ekki endilega það sama, eins og byssa og byssa er ekki endilega það sama samanber Kalashnikof AK 47 og teygjubyssa. 

[Eggert Guðmundsson, 19.6.2012 kl. 21:37]

Ekki veit ég hvernig veiðigjaldið geti greitt fyrir göngum og /eða annari uppbyggingu.  Allur umframpeningur sem tilfellur hjá útgerðarmönnum mun fara í nýfjárfestingar og viðhald skipa, tækja og tóla,sem þarfnast endurnýjunar. Hluthafar munu ekki greiða sér neinn arð út greininni, því enginn afgangur / hagnaður verður af útgerðinni né fiskvinnslu næstu 3-5 árin.

Ríkisstjórnin er einungis með skrumskælingar á sannleikanum og menn eins og Óskar nr. 6 kokgleypa öngulinn eins og heilaþveginn krakki. 

[Óskar, 19.6.2012 kl. 22:57]

Eggert segir að allur umframpeningur sem til fellur hjá útgerðarmönnum muni far í nýfjárfestingar etc.. já við höfum nefnilega séð nýfjárfestingar í þyrlum og í sjóðum í skattaskjólum. -  Það er greinilegt að Eggert og reyndar fleiri hér hafa ekki hugmynd um út á hvað þetta frumvarp sem nú er orðið að lögum gengur.  Það er verið að skattleggja HAGNAÐ eftir að öll gjöld hafa verið greidd og því er útilokað að sú þvæla fái staðist að þetta setji útgerðir á hausinn eða að enginn hagnaður verði í greininni.  Það er með ólíkindum að menn sem geta lagt saman 2+2  reyni að halda svona andskotans bulli fram.

[Hrólfur Þ Hraundal, 19.6.2012 kl. 23:32]

Það er hagnaður sem stendur undir uppbygging og viðhaldi, ekki rekstrarfé. 

Ég bjó í um  30 ár  á Nesi við Norðfjörð og mann  ekki til að á þeim tíma ættu útgerðarmenn þyrlur og ég hef nú búið í 20 ár hér við Grundarfjörð og en þá á engin þyrlu hér, en sjálfsagt fremja þeir þann glæp að kaupa sér pulsu við og við af launum sínum.      

[Óskar, 20.6.2012 kl. 00:43]

Og nákvæmlega hvað er að því að greiða einhvern hluta hagnaðar til samfélagsins ?  Ég veit ekki betur en venjulegur launamaður þurfi að greiða um 40% tekna sinna í skatta burtséð frá því hvort heimilishaldið skili hagnaði eða ekki.  Það að fara fram á að útgerðin skili um 30% skatti í stað innan við 10% eins og hún gerir núna er bara svo sjálfsagt að það á ekki einu sinni að þurfa að ræða það.

[Ómar Geirsson, 20.6.2012 kl. 08:20]

Takk fyrri góða umræðu heiðurskallar. 

Þakka hrósið Ingvar, bæði þykir mér vænt um að þú skulir tala um mig í fleirtölu sem og hitt að kenna skrif mín við hamfarir, einhver hefur þá tekið eftir þeim þó ekki verði ég var við að núverandi íbúar í Neskaupstað hafi nokkurn áhuga að fá ný göng.  

Allavega virðast þeir hæstánægðir með sömu loforð og notuð voru fyrir kosningarnar 2007, Kristján Möller þarf ekki einu sinni að nota nýjan texta, aðeins að breyta ártalinu um fyrirhugaðan framkvæmdartíma.  Sveitungar mínir virðast ekki átta sig á því að sá sem gerir sig ánægðan með loforð, hann uppsker aðeins loforð en aldrei efndir.

Eitthvað sem þið Akureyringar vitið og hafið því fengið í hendi pening með lygum og undirmálum, en pening engu síður.  Og það hvarflar ekki að ykkur að skipta á þessum peningum og loforðum sem engar forsendur eru fyrir.  

Félagi Óskar, það er ekkert að því að útgerðin greiði 30% tekjuskatt eins og annar atvinnurekstur en annar atvinnurekstur greiðir ekki 30% tekjuskatt.  Og auðlindagjaldið er ekki sérstök tekjuskattsprósenta, þá væri frumvarpið aðeins ein lína og héti frumvarp um sérstaka skattprósentu tekjuskatts á sjávarútveg.  

En þú áttar þig ekki á þessu frekar en öðrum staðreyndum um þau mál sem þú tjáir þig um.  

Takk Hrólfur fyrir að verja hagsmuni þinnar gömlu byggðar, og ykkur Eggert og Sigurjón fyrir ykkar góðu innlegg.

Kveðja að austan.