Pétur spyr eins og bjáni.

 

Hann er jú í Sjálfstæðisflokknum sem hefur aðeins eitt stefnumál, að koma skuldum braskara yfir á almenning.  

Af hverju vildi Pétur ekki leiðrétta skuldir heimilanna????

Kannski vegna þess að það gengur fyrir að leiðrétta skuldir auðmanna og annarra sem gripu gæsina í trausti þess að þeir þyrftu ekki að borga skuldir sínar, en gætu í boði ríkisstjórnar AGS hirt verðmætin sem braskið skapaði.  

 

Af hverju vill Pétur aflétta gjaldeyrishöftum á þann hátt að íslenskur almenningur skuldsetji sig fyrir froðuverðmæti krónubraskara???

Jú, svo þeir ríku verði ríkari.  Og þeir sem græddu á braskinu fyrir Hrun, geti breytt sýndarverðmætum sínum í raunpening.

 

Og fyrst það eru gjaldeyrishöft, hvað er þá næstbesta í stöðunni fyrir krónubraskara og leppa þeirra í stjórnkerfinu???

Jú, að hækka stýrisvexti.

 

Það mætti halda að Pétur væri ekki í vinnu sinni þegar hann spyr svona eins og bjáni.  

Það mætti jafnvel halda að hann væri í kostaðari byltingu andófsins, Dögun, og hann vissi ekki í sinn haus hvað væri að gerast, annað en það að auðmönnum þyrfti að hjálpa.  

Með því að rugla og afvegleiða almenning svo hann snúist ekki til varnar gegn þrælaöflum Nýfrjálshyggjunnarinnar.  

 

Maður spyr sig, hvað gengur að Pétri, að segja satt í þágu íslenskra athafnamanna.  Að setja spurningarmerki við heilbrigðan markaðsbúskap eins og AGS væri ekki æðstráðandi í tukthúsinu.  

Af hverju bendir hann á hið augljósa???, gleymdist að borga honum eftir sparisjóðsránið???

Vill hann virkilega að það sé von á Íslandi??, að atvinnulíf okkar og smárekstur fái dafnað??

 

Af hverju er hann þá í Sjálfstæðisflokknum þegar stefna forystu flokksins er að hjálpa AGS að leggja íslenskan almenning í skuldahlekki krónubraskarana???

Sá Pétur Blöndal ljósið???, er hann að rísa upp eins og fuglinn Fönix???

Vill hann virkilega að þjóðin geti lifað í landinu með reisn hin frjálsa sjálfstæða manns????

 

Hvað segir atvinnurekendavaldið sem hefur Bjarna greyið Ben í vasa sínum??

Hvað segja krónubraskararnir sem eyddu öllum þessum milljónum í að kaupa upp æru flokksins???

Þurfa þeir að eyða milljörðum af braskarakrónum sínum til að kaupa upp það sem þeir héldu að þeir hefðu keypt með þúsund köllum???

Hvers á AGS að gjalda, forysta Sjálfstæðisflokksins skrifaði jú uppá samkomulagið um örbirgð landsmanna???

 

Maður bara spyr sig hvað er að Pétri, að standa með þjóð sinni.  

Að segja satt og rétt frá.  

Það er alveg eins og maður geti ekki hætt að skrifa þennan pistil, maður er svo hissa.  

Hvar endar hann, hvar endar Pétur Blöndal???

 

Ætlar hann að segja sig úr flokknum??

Að hafna Nýfrjálshyggjunni og styðja heilbrigðan kapítalisma????

Að jafnvel að fyrirtæki fái þrifist á Íslandi fyrir vöxtum og arðráni skuldaeiganda.  

Ætlar hann jafnvel að leggja til að heimilum landsins verði hjálpað????'

 

Ég get ekki hætt, ég er svo hissa.  

Það er eins og að bylting lífsins hafi náð í raðir kjarna stuðningsmanna AGS.  

Hvernig endar þetta??

Að Sjálfstæðisflokkurinn vilji ekki skuldaánauð þjóðarinnar???

 

Hart er í heimi.

Íhaldið gliðnar.

Vonin kviknar.

Óbermi (AGS) tapa.  

Pétur elskar lífið.

 

Hvað er að gerast??

Ég bara spyr.

Kveðja að austan.

 

PS.  Það er eins gott að forysta Sjálfstæðiflokksin taki ekki líka upp á að standa við stefnu Landsfundar um sanngjarna afskriftir skulda heimilanna.  

Þá yrði pistillinn ekki langur, hann yrði ekki neitt, ég yrði orðlaus.  Að þjóðin ætti stuðning hjá þeim sem síst skyldi.  

Hvað næst???  Réttlæti??? Nýtt og betra Ísland????  Engir skuldaþrælar, aðeins vonin eina.  

Þá yrði maður fyrst hissa.

Önnur kveðja að austan.

 

 

„Hvers lags peningastjórnun er þetta?“

Athugasemdir

[Jón og Gunna (IP-tala skráð) 14.6.2012 kl. 17:36]

Gunnar Tómasson: Bréf til Alþingismanna

13. júní 2012 | Gunnar Tómasson / vald.org

Ágætu alþingismenn.

Í innleggi kollega ykkar Lilju Mósesdóttur á Facebook fyrr í dag (Afskriftir í nafni mannúðar) segir m.a.:

„Í stað þess að gera fátækum evrulöndum í vanda kleift að auka útflutning og afskrifa ósjálfbærar skuldir hafa Þjóðverjar neytt þessi lönd til að auka skuldsetningu ríksjóðs og skera niður ríkisútgjöld til að endurfjármagna töpuð lán banka.Töpuð útlán bankakerfisins eru þannig gerð að skuld skattgreiðenda.‟

Þessi orð Lilju urðu mér tilefni til innleggs um málið frá hlið sem er jafn óvænt og umsögn mín er óvægin.

Virðingarfyllst,

Gunnar Tómasson, hagfræðingur

* * *

Umsögn.

Glæpir gegn mannkyni (e. crimes against humanity) eru af ýmsu tagi. Atburðir líðandi stundar í Sýrlandi eru dæmi um verklag níðinga á valdastóli þegar um völd og hagsmuni er að tefla.

Alþjóðdómstólar hafa verið settir á fót til að láta viðkomandi svara til saka en aðrir, og nýstárlegri, glæpir gegn mannkyni hafa enn ekki vakið alþjóðasamfélagið til meðvitundar um siðferðilega ábyrgð sína og skyldur þaraðlútandi.

Orð Lilju Mósesdóttur hér að ofan—„Töpuð útlán bankakerfisins eru gerð að skuld skattgreiðenda.“—vísa til myndbirtingar eins slíks glæps gegn mannkyni.

Hér er djúpt tekið í árinni, en staðreyndin er sú þegar grannt er skoðað að útlán alþjóðapeningakerfisins eru búin til úr ENGU.

Alþjóðapeningakerfið er LOKAÐ KERFI þannig að eignir/útlán og skuldir/innstæður í efnahagsreikningi kerfisins eru alltaf í jafnvægi; hver lánveiting eykur jafnt eignir og skuldir lánastofnana innan kerfisins.

Fyrir 30 árum átti ég í skoðanaskiptum við þáverandi bankastjóra Landsbankans á síðum Morgunblaðsins og benti m.a. á þessa staðreynd.

Bankastjórinn svaraði því til að hér væri sagan einungis hálfsögð, og átti þar við þjónustu bankakerfisins við móttöku og útlán sparifjár.

Það má flækja einfalda hluti, en hvert sem hlutverk peninga kann að vera eftir að þeir hafa orðið til úr ENGU breytir ekki umræddri staðreynd.

Allt frá upphafi áttunda áratugar síðustu aldar hefur vaxtarhraði útlána alþjóðapeningakerfisins og vaxta verið langt umfram vaxtarhraða heimsframleiðslu á vörum og þjónustu.

Það hefur jafnlengi blasað við að svo gæti ekki orðið til eilífðar ÁN þess að eitthvað léti undan—að sívaxandi skuldir sem sprottnar eru af ENGU myndu sprengja skuldaþol framleiðslu sem byggir á vinnuafli, hugviti, tækni og náttúruauðlindum.

Þegar hið óumflýjanlega verður ekki umflúið lengur hafa stjórnvöld um tvennt að velja:

1. Að horfast í augu við nauðsyn breytinga á leikreglum alþjóðapeningakerfisins.
2. Að umbreyta óreiðuarfleifð peningakerfisins í skuld skattgreiðenda.

Fyrri valkosturinn er raunhæfur—sá síðari er glæpsamlegur.

[Ómar Geirsson, 14.6.2012 kl. 18:33]

Blessuð Gunna.

Þetta er svo ítarlegt bréf að það er ljóst að Jón hefur ekki verið heima.

Er svo satt og segir svo margt, að það er ljóst að langt er í land að það verði lesið á Íslandi, það er af íslenskum almenningi.  

Þess vegna heldur maður sig við raunveruleikann, og gerir pínulítið grín af því fólki sem skammar ríkisstjórn AGS á þeim forsendum að vitlausir flokkar skipi hana.  Að hún verði miklu skilvirkari ef Sjálfstæðisflokkurinn myndi skipa VG út, þá tæki það innan við ár að gera þjóðina að skuldaþrælum fjármagnseigenda í stað þeirra 5 ára sem ætlað er að það taki eftir að VG kom inní ríkisstjórnina.  

Það er eins og VG virði ekki samkomulagið við AGS um skuldarþrælkun og ánauð almennings.  Það er engin afsökun að Steingrímur hafi gert sitt besta, og kenna síðan villiköttum um tregðu og flækjufót, hann lofaði ICEsave og hann lofaði að borga út krónubraskara, og samt gat hann ekki neitt.  

Þess vegna er Sjálfstæðisflokkurinn með yfir 40% fylgi, þetta gengur alltof hægt.  

En Pétur hreinlega ruglar mig.  

Þegar ég yfirgef skotgrafir skæruliðans og fer í borgaralegan klæðnað og tala um mikilvægi jarðganga og siðlega hegðun fólks sem þekkir muninn á lífi og limum, versus spillingu og atkvæðasnapi, þá rekst ég sí og æ á Pétur Blöndal.  

Og er sammála kallinum.  

Hvað gengur á, er hann að blekkja, eða er hann að brenna til ösku á altari sannsögli og réttsýni, og eigi þá í kjölfarið vísa endurlausn eins og fuglinn Fönix???

Af hverju eru landamæri góðs og ills ekki skýr, af hverju getur Pétur Blöndal alltí einu tekið upp stefnumál lífsins, og látið það hljóma eins og hann meini það???

Þetta er svo erfitt Gunna mín, það er svo erfitt að eiga andstæðinga sem maður líkar við.  

Sem segja jafnvel satt.

Og þar sem ég hef ekki átt neitt annað en gott samstarf við grasrót Sjálfstæðisflokksin í ICEsave andstöðunni þá spyr ég mig hvort henni hljóti ekki að líða hroðalega.  

Ég meina að aðför AGS að þjóðinni er jú í boði forystu Sjálfstæðisflokksins, bæði núverandi og fyrrverandi, það var aðeins þessi gleymni uppí Móum sem var á móti.  

Svo er Pétur alltí einu farinn að halda sig við staðreyndir mála, jafnvel farinn að segja satt, og það grillir jafnvel í hið fjarstæðukennda, að hann meini það sem hann segi. 

Til dæmis þegar hann talaði um stjórnsýsluspillinguna kennda við Vaðlaheiðargöng, þá talaði hann eins og hann væri með heimilisfesti í mínu hjarta.  

Það er hvorki gott fyrir hjarta mitt eða grasrótina í Sjálfstæðisflokknum.  Hún gæti jafnvel farið að trúa að það sé líf eftir Nýfrjálshyggjuna.  Að þjóðir heims, að kapítal heims, að atvinnurekstur heims eigi sér von.  

Nei, Pétur er á hálum ís, hann þarf að fara að passa sig. 

Eins gott að Bjarni Ben viti ekki að þessu.  

Hann gæti fölnað.

Kveðja að austan.

[Jón Jón Jónsson (IP-tala skráð) 14.6.2012 kl. 19:01]

Sannir sjálfstæðismenn kjósa ekki Bjarna Ben. og sérhagsmunaklíkurnar,

sem leynt og ljóst stefna að aðlögun að ESB.

Og vitaskuld kjósa sannir sjálfstæðismenn alls ekki stalínista VG

og alls ekki hina samfylktu og samtryggðu í Ójafnaðarmenn Samfylkingar.

Og sannir sjálfstæðismenn kjósa vitaskuld alls ekki Hreyfinguna/Dögun

Sannir sjálfstæðismenn mega mín vegna kjósa framsóknarfjósið og verðbréfasalann frá Wall Street, ef þeir af barnaskap treysta honum

EN

eina vitið fyrir sanna sjálfstæðismenn er vitaskuld að mynda Samstöðu, til lýðræðis og velferðar okkar.