Er efnahagslegt gjaldþrot ekki nóg???

 

Haustið 2008 féll Sýndarhagkerfið kennt við útrásina.  

Með sér í fallinu tók það fjármálakerfi landsins og stórskaðaði margar aðrar atvinnugreinar.  Einnig urðu heimili landsins fyrir miklu áfalli.

En þjóðin stóð samt í lappirnar og munaði þar mestu um viðspyrnu útflutningsgreina hennar.  

 

Sem er verið að reyna að eyðileggja í dag með ofurskattlagningu sjávarútvegsins.

Sem er verið að reyna að eyðileggja með því að koma landinu í evrusamstarfið.

Sem er verið að reyna að eyðileggja með því að koma froðukrónu Sýndarhagkerfisins yfir á almenning með útgáfu evruskuldabréfa.  

 

Og í kjölfarið verður þjóðin gjaldþrota.  Það er efnahagslega gjaldþrota.  

 

En er það ekki nóg????

Þarf líka að gera hana siðferðislega gjaldþrota með því að leyfa gjörspilltum atkvæðasnöpurum að komast upp með gæluverkefni sín á kostnað framkvæmda sem varða líf og limi fólks???

 

Samþykki Alþingi í dag siðspillinguna og hina algjöru lágkúru þess sem þekkir ekki muninn á réttu og röngu, og kemst upp með það.

Þá eru forsendur okkar sem þjóðar brostnar.  

Og við ættum að biðja Dani afsökunar á öllu þessu sprikli okkar.  Biðja um að fá að koma heim.  

 

Því þjóð sem leyfir hinum gjörspillta að ráða, er ekki þjóð.  

Því þjóð sem sér ekkert rangt við að líf og limir fólks séu höfð í flimtingum atkvæðasnapsins, hún hefur ekki þann siðferðisgrunn að geta stjórnað sér sjálf.

 

Hún er óþjóð, og það er það sorglegasta sem hægt er að segja um eina þjóð.

 

En málið er að íslenska þjóðin veit ekki betur og lætur því óhæfuna viðgangast.  

Hún þekkir muninn á réttu og röngu en fjölmiðlar valdsins, umræða valdsins afvegleiðir hana svo hún áttar sig ekki á alvarleik málsins.  

 

Ef hún vissi, þá myndi frumvarpið um Vaðlaheiðargöng sofna svefninum langa og eftir morgundaginn myndi enginn þingmaður kannast við tilurð þess, hvað þá að hafa stutt það.  

Hvað þá að hafa einu sinni rætt það, hugsanlega játa að hafa heyrt um það, en aldrei komið nálægt slíkri stjórnsýsluspillingu og siðblindu.  

 

Hvað þarf til að opna augu þjóðarinnar???

Kveðja að austan.

 

 

 

 

Rykið dustað af göngum

Athugasemdir

[GunniS, 14.6.2012 kl. 08:19]

þessi ríkisstjórn laug sig til valda, og hefur ekki staðið við neitt af því sem hún lofaði

 annars virði ég þessa viðleitni sem vaðlaheiðagöng eru, sem tilraun til að skapa hér vinnu. 

[Ómar Geirsson, 14.6.2012 kl. 09:30]

Hvað færi þig til að halda að Norðfjarðargöng eða Dýrafjarðargöng geri það ekki???

Varla verða þau boruð með hugaraflinu einu saman???

Kveðja að austan.