Við erum svoooo misskilin.

 

Það liggur við að maður vorkenni þeim Jóhönnu og  Steingrími, stritandi dag og nætur og svo skilur enginn það sem þau eru að gera.

Auðvita er ekki verið að skattleggja hagnað, það er verið að skattleggja fyrir afnot af auðlindinni.  Og það er aðeins smá misskilningur að það leiði til gjaldþrotar gullkistu þjóðarinnar.

Og ef svo er þá er líka til nóg af traustum byggðarstyrktum fyrirtækjum í ESB sem glöð myndu greiða fyrir afnotin af Auðlindinni, auðlindinni okkar allra.  Þau standa vel því ekki hafa þau þurft að kaupa kvóta í 30 ár.

Sem minnir á að flýta aðildarviðræðum að ESB svo hægt sé að fá þessi viljugu fyrirtæki óhindrað til veiða og vinnslu greiðandi sanngjarnt gjald til þjóðarinnar í 101 Reykjavík.

Vonandi misskilja samninganefndarmenn Íslands ekki mikilvægi þess að flýta aðildarviðræðum svo hægt sé að koma ESB skipum í tíma til að veiða hið sanngjarna afgjald af Auðlind þjóðarinnar.

 

Landsbyggðarskríllinn, who cares, hann getur lifað af ESB byggðarölmusu.

Við höfum hugsað fyrir öllu.

Kveðja að austan.

Segir umfjallanir ruglingslegar

Athugasemdir

[Anna Sigríður Guðmundsdóttir, 5.4.2012 kl. 12:35]

Ómar. Sammála þér, og hef litlu við þessar skýringar þínar að bæta, nema því að blekkingarleikrit fjárglæfrastofnana, svipaðar og Deloitte, er á fullri siglingu, beint inn í heilbú heilaþveginna og blekkta/mútaðra/hótaðra/keyptra Háskóla-sér-hagsmuna-fræðinganna. Þeirra sem ekki hafa lært að sjá heildarmyndina, heldur þvert á móti verið rænt sýninni á heildarmyndina. 

Fékk ekki Háskóli Íslands dágóðan styrk frá Íslenska ríkinu, framhjá fjárlögum, frá "heilaga" ESB-veldinu?

Það er farið illa með sér-fræðinga, sem hnoðaðir eru eins og einsleitur leir af svikakerfinu, í Háskólanum!!!

M.b.kv.

[Óskar Guðmundsson (IP-tala skráð) 5.4.2012 kl. 12:55]

Það virðist Seingrími mikilvægara að rústa landinu fremur en að viðurkenna rangindi.... eins og "glæsikeg" niðurstaða 625 fjölskyldna úr 110% leiðinni.

Nú verðum við að treysta á Ólaf Ragnar að stöðva þennann brjálæðing og Nornina áður en þau gera okkur öll að öreigum.

[Ómar Geirsson, 5.4.2012 kl. 21:00]

Blessuð Anna.

Ég yrði seint flokkaður til stuðningsmanna núverandi kvótakerfis þó ég viðurkenni vissa nauðsyn þess því fiskur er takmörkuð auðlind.

En framsalið hefur viðgengist í 25-30 ár og arðurinn er þegar farinn út úr greininni, eftir standa stórskuldug fyrirtæki vegna kvótakaupa, ekki endurnýjunar tækja og tóla.  Flotinn er gamall og ýmis tækifæri svo sem fiskeldi hafa gufað upp vegna fjárskorts.

En það sem má betur fara, er ekki leiðrétt með einhverju sem gerir vont, algjörlega ólifandi.  

Núverandi frumvarp drepur allt kvikt út á landi. 

Og það mun kosta þjóðina borgarastríð ef það gengur eftir.

Við viljum ekki meira rugl í sjávarútveginum, það er komið nóg.

Kveðja að austan.

[Ómar Geirsson, 5.4.2012 kl. 21:02]

Blessaður Óskar.

Það gerir enginn hlutina fyrir okkur, við þurfum að gera það sjálf.

Og ef mannleysur stjórna sjávarútvegsfyrirtækjum, þá verður hinn vinnandi maður að verja atvinnu sína og lífsgrundvöll.

Alvöru fólk mjálmar ekki, það tekur á móti.

Kveðja að austan.