Gullframboð eru aldrei pólitísk.

 

Póltík snýst um hugmyndafræði, hagsmunabaráttu og hagsmunaátök, um völd og áhrif.

Gullframboð snýst hinsvegar um ákveðið markmið sem sá sem á gullið, er tilbúinn að borga fyrir.

 

Og þó ráðamenn ESB geti með einu pennastriki skipt um ráðamenn ESB ríkja þá virka ekki pennastrik þeirra í EES löndum.  

Þess vegna þarf að kalla á asnahirðinn og senda hann á stað með einn asna klyfjaðan gulli með gufuskipi til Íslands (asnar fljúga ekki) og úhluta svo gulli sínu til þarlendra.

Með því markmiði að skipta um bónda á Bessastöðum.

Þetta er lýsandi dæmi um óhagræði EES samningsins, í vissum tilvikum er kostnaðurinn af honum miklu meiri fyrir ESB.

 

Það er ekkert annað en gott um þetta gullframboð ESB að segja, frambjóðandinn er huggulegur, móðir, ljóshærð, geðþekk og talar útlensku.

Og í ljósi efnahagsþrenginganna á evrusvæðunu þar sem peningaprentvélar hafa vart undan að hindra fall bankakerfisins þá mætti ætla að ekki mjög stór gullasni hafi verið sendur til Íslands.  Það ætti að vekja upp vonir að hrekklaust landsbyggðarfólk fái áfram að horfa á sjónvarpið sitt, Landann, í friði fyrir leiðindaáróðri um að þau séu svo aum að ESB gullið muni verða þess bjargvættur.  Já eða þeirri nauðgun á dómgreindinni að sveitarfélög landsbyggðarinnar hafi sýnilega áhrif í að móta stefnu risabandalagsins.

Einnig er það gustukaverk að peppa með gulli sjálsálit og sjálfsímynd hinna íslensku lúsera kennda við ICEsave og ESB.  Þeir töpuðu 98-2, fylgi þeirra stefnir í eins stafa tölu, og himnaríki þeirra í útlendum stendur í ljósu logum evrunnar.

 

Hvað er þá betra en að fá gyllta mynd af konu sem myndi sóma sér í hvaða Hollywood stórmynd sem er.  Íslenska valkyrjan holdi klædd brosmild í stafni Titanic eða sveiflandi sverði í Elísabetu þriðju, það er þriðju myndinni um Elísabetu fyrstu.

Og eiga jafnvel von um sigur sem peningar geta keypt.

Því sigrarnir yrðu aldrei fleiri.

 

Sem betur fer fyrir þjóðina, það er skýring á að þetta fólk er lúserar.

Sál þeirra er föl fyrir ESB gull.

Kveðja að austan.

 

 

 

 

Á ekki að vera pólitískt