Það er til siðs að taka til í sínum eigin húsum.

 

Áður en menn mæta með kíkinn á blinda augað í hús náungans og fjargviðrast þar yfir sóðaskap.  

Kannski er sá skítur aðeins í nösum þess sem leitar.

 

Hvaða flokkur hefur komið ríkisstjórninni til bjargar á ögurstundum hennar??

Í ICEsave deilunni, í skuldamálum heimilanna???

Það er ekki Borgarahreyfingin. 

Það er flokkur Björns Bjarnasonar, Sjálfstæðisflokkurinn.

 

Ef Björn er ósáttur við það, þá skammar hann ekki Jón Bjarnason, hann ræðir tæpitungulaust yfir hausamótunum á litla frænda í næsta fjölskylduboði.

Eða ræði við alvarlega við dóttur gamals fjölskylduvinar, þeirrar sem sagði hin fleygu orð; "Aðalatriðið er að fólk hafi vinnu", þegar hún mundaði kutann sem skar ríkisstjórn Jóhönnu Sigurðardóttur úr úr gálganum sem reistur var á Austurvelli haustið 2010.  

Þá tæmdist inneign Jóhönnu hjá þjóðinni, en hún hrökklaðist ekki frá völdum því Sjálfstæðiflokkurinn studdi óskapnaðinn sem kallaðist Lausn á skuldavandaheimilanna, nr 4 eða 5.

 

Það er þannig að ef menn ætla að feisa raunveruleikann, sem er forsenda þess að menn endurreisi hér heilbrigt og gott mannlíf, að þá feisa menn raunveruleikann.

Og byrja að gera upp sína eigin sök, ekki annarra.

 

Og það hefðu gömlu mennirnir gert Björn Bjarnason.

Því þeir voru menn sem vildu þjóð sinni vel, sama í hvaða flokki þeir voru.

Og gert það sem þarf að gera.

 

Feisað allan raunveruleikann.

Kveðja að austan.

 

„Jón skortir þó kjark“

Athugasemdir

[Helgi (IP-tala skráð) 2.4.2012 kl. 23:32]

Sæll.

Þú hrærir saman málum. Það er mikið til í því sem Björn segir.

Hins vegar eru Sjallarnir búnir að koma málum þannig fyrir að þeir geta ekki gagnrýnt stjórnarflokkana þegar kosið verður næst vegna Icesave.

Það eru í raun engir almennilegir kostir í boði fyrir kjósendur í dag. Mér finnst allir flokkar á þingi vera sósíalistaflokkar og því ekki nema von að kreppa sé hérlendis. Hér má ekkert gera, bara skattleggja allt í drep.

[Ómar Geirsson, 3.4.2012 kl. 00:01]

Blessaður Helgi.

Mig hefur lengi grunað að þú sért frekar yngri en eldri að árum.  Þú fellur oft í þá gryfju að í fyrsta lagi að horfa á yfirborð hluta og það sem verra er, mætir hér og berð það uppá mann eldri en tvævetra að hann viti ekki hvað hann er að segja.

Og þarft síðan að hlusta á fyrirlestra um unga menn, eða var það fyrirlestra sem lesnir eru um unga menn???, eða var það um æsku landsins eða ???.

Hvað tilgangi þjónar það fyrir Jón Bjarnason að yfirgefa ríkisstjórnina þegar litli frændi Björns Bjarna er þriðja hjólið undir vagni þessarar ógæfustjórnar???

Til þess að þjóðin fái að hlusta á fleiri fleyg orð úr munni Ólafar Nordal???

Björn veit þetta mæta vel og þú ættir því að spá í hvað býr að baki svona orðum hans????  

Er hann að vekja athygli á aumri stöðu núverandi forystu Sjálfstæðisflokksins.  Að flokkurinn uppskeri eins og hann sái þegar hann rak gömlu kallana á dyr???

Eða er Björn ærlegur Íslendingur sem vill hraustleg handtök á AGS líkt og sunnlenskir bændur sýndu Jóni nokkrum ofríkismanni hér fyrr á öldum???  Er hann að frýja Jón, saka hann um kjarkskort því hann veit að Jón er ör, og lítill, og ef þú er lítill og ör, þá er það eiginlega það eina sem þú þolir illa, það er frýjun um bleyðsku.  Að Jón Bjarnason sé eins og Gunnar Helgason, að sjá rautt ef rauðri dulu er skakið fram og til baka í sjónmáli hans???

Og í kjölfari sprengi Jón, og fái Ögmund til liðs við sig, og Guðfríði Lilju, en dugar það nokkuð til, eru ekki kvislingarnir fleiri en það???

Þar með gengur kenningin ekki upp, fólk bræðralags og réttlætis er ekki nógu fjölmennt til að drepa ríkisstjórnina.  En það er plottið til að litli frændi þyrfti að koma til hjálpar.  Og ef þú ert ærlegur Íslendingur, þá veistu að þjóðin mun rísa upp í kjölfarið og henda AGS úr landi.

Ég hallast að þessari kenningu, að Björn sé föðurlandsvinur en ógöngin séu að kvislingar Hreyfingarinnar séu jafnmargir og  ærlegt fólk VG.

Það býr því annað að baki þessum skrifum Björns.  Kannski er þetta einskonar dulmál eins og BBC sendi út í stríðinu, og hafi í sér mjög dulda merkingu.  Eins og til dæmis "Jón ég styð þig heilshugar, en ef ég segi það, þá verður þú skammaður, og því bæti ég móðgun við í lokin svo enginn ungur maður fatti hrósið".

Og ef kenning mín er rétt, að Björn Bjarnason, sé ekki ættleri og vill ríkisstjórn AGS feiga, þá er dulmál hans auðskilið, hann hvetur Jón Bjarnason til góðra verka.

Og góðu verk Jón Bjarnasonar, undir forystu Ögmundar, er að koma í veg fyrir að óstjórnin komi nokkru í verk.

Og það út af fyrir sig er það besta í stöðunni í dag.

Það er ef þú ert ærlegur maður sem tekur þjóðarhag fram yfir flokkshag.

Þessi kenning mín þarf ekki að vera rétt Helgi, hún er aðeins smá fyrirlestur um merkingu orðatiltækisins, "Ekki er allt sem sýnist", og þá með tilvísun í að það eina sem er öruggt um hugsun stjórnmálamanna er sú staðreynd, að hún er aldrei sögð hreint út.

Og hvað sem Björn Bjarnason er að meina þá veit hann að Björn Bjarnason fellur aldrei ríkisstjórnina.

Hættu svo þessu tuði um að ég viti ekki hvað ég er að segja.  Ég veit nákvæmlega hvað ég er að segja.  

Þinn réttur er að þú þarft ekki að vera sammála því.

Kveðja að austan.

[Anna Sigríður Guðmundsdóttir, 3.4.2012 kl. 00:50]

Jón Bjarnason er það skynsamur, að hann veit að það er sami spillingargrauturinn í öllum svikaflokka-skálunum. Hann er heiðarlegur í sinni þrautagöngu gegn afsali lýðræðisins. Það er ekki auðvelt að berjast gegn sundrung og spillingu fjármálaklíkunnar.

M.b.kv.

[Ómar Geirsson, 3.4.2012 kl. 08:45]

Blessuð Anna.

Ég hefði fyrr viljað sjá Jón rísa upp, og það var þegar atlagan var gerð að sjúkrahúsum landsbyggðarinnar, en slíkt gerir ekki fólk, jafnvel þó AGS fyrirskipi atlöguna.

Eins hefði ég viljað að hann skyldi af hverju fólk er að biðja réttlæti í skuldamálum heimilanna.

Hann gæti allavega komið því inní umræðuna.

En Jón stendur í lappirnar og það er meira en hægt er að segja um hlífðarskjöld ríkisstjórnarinnar.  

Þess vegna fannst mér ástæða til að skrifa þennan pistil.

Kveðja að austan.

[Anna Sigríður Guðmundsdóttir, 3.4.2012 kl. 19:52]

Ómar. Þetta er víst rétt hjá þér. Björn Bjarnason og hans gamli klíkuflokkur myndi aldrei fella ríkisstjórnina, vegna þess að "sjálfstæðis"-samspillingin vinnur öll saman á bak við tjöldin.

M.b.kv.

[Ómar Geirsson, 4.4.2012 kl. 09:17]

Eða hinn möguleikinn Anna.

Við getum stuðlað að honum með því að ákalla hið góða sem býr í öllum flokkum.

Kveðja að austan.