Ljóskufordómar.

 

Hvað er eiginlega að Þóru???

Og ef ekki nema helmingurinn um ágæti Kristínar væri réttur, þá ætti hún að vera kjurr þar sem hún er.

 

En ef þeir, sem geta ekki fyrirgefið Ólafi að hann skyldi forða þjóðinni frá gjaldþrot ICEsave fjárkúgunarinnar, hafa ekki uppá annað að bjóða en snoppugríðar konur gegn farsælum forseta, og að eini ágreiningurinn er um háralit hinnar snoppufríðu, þá er mjög skiljanlegt að þjóðin hristi hausinn og hlæi að vandræðagangnum.

Það versta er sú tilfinning að 98-2 sigurinn var kannski ekki dugnað okkar að þakka, heldur eindæma aulahætti og klaufaskap ICEsavesinnanna.

Þeir virðast gjörsamlega klúðra öllu þó peningavaldið að baki þeirra eigi fjölmiðlana og kosti háskólana.

 

Það mætti halda að þetta væru allt saman ljóskur.

Kveðja að austan.

 

 

 

 

Ætla að skora á Kristínu Ingólfsdóttur

Athugasemdir

[E=mxc2 (IP-tala skráð) 26.3.2012 kl. 23:31]

Skorum  öll á skvísur,

skinkur og lærðar kvinnur!

Því fleiri  lappalísur,

æ léttar Óli vinnur!

[Ómar Geirsson, 26.3.2012 kl. 23:36]

Æ, ég er ekki fyrir svona áskorun, þú þarna formúla sem ég var löngu búinn að gleyma og hef aldrei skilið hvort sem er.

Ég vil ljósku, og engar refjar.

Kveðja að austan.

[Ómar Ragnarsson, 27.3.2012 kl. 01:46]

Sem sagt: Allar aðeins ljótt kvenfólk á rétt á framboði. Það er frágangssök að vera "snoppufríð", þá verða hæfni og hæfileikar ekki virtir.

Svona umræðu sá ég ekki í gangi 1980 þegar Vigdís bauð sig fram. Hefur okkur farið svona mikið aftur?

[Ómar Geirsson, 27.3.2012 kl. 08:08]

Blessaður nafni.

"konur með hár, kallar með skalla".

Þetta var húsgangurinn sem fólk sönglaði þegar  þjóðin valdi sér forseta án erlendra afskipta.  Núna þegar afkomendur Einars Þveræings fundu lykt af gulli fjarlægs valds þá fór annað að skipta máli og miðað við fréttaflutning af störfum Þveræinga þá er það einkum hárlitur snoppufríðra kvenna. 

Alveg óþarfi að skamma mig, dauðasaklausan, að benda á og að hafa pínlítið gaman að, þetta eru jú allt gamlir lúserar í ICEsave deilunni sælla minningar.

Hinsvegar fellur þú sjálfur í þennan drullupytt þegar þú búmmar út "Allar aðeins ljótt kvenfólk á rétt á framboði", ef þú hefðir hugsað þó væri ekki nema í eina sekúndu þá hefðir þú fattað að þú hentir út búmmerangi sem hittir þig sjálfan illa fyrir.

Hið vitræna er að benda á að hinar ekki snoppufríðu eru líka gullfallegar konur og þær eiga  fullan rétt á að vera í umræðunni.

Af hverju ekki Lísa Páls eða Andrea Jónsdóttir ef menn vilja kynþokkafullan fjölmiðlamann, þær eru þó hoknar af reynslu og viti og með eitthvað sem Þóra hefur ekki ennþá, þroska.  Tíminn hefur nefnilega unnið með þeim en á eftir að vinna með Þóru.

Og þessi hallærislegi fjölmiðlaflutningur af meintu óframboði Kristína rektors, sem er bæði gullfalleg og líka alltílagi snoppufríð, lyktar af fordómum í mílufjarlægð.  Kristín er ekki þekkt meðal þjóðarinnar en það er önnur skólakona, ekki síður hæf og gullfalleg að auki.  Og uppfyllir hið nauðsynlega skilyrði  ykkar að hafa kosið með ICEsave.

Hvers á Margrét Pála að gjalda?, manneskja sem maður skynjar nærveru í mílufjarlægð sökum þroska sína og persónuleika.  Yrði þjóðarsómi hvar sem hún kæmi.

Nei nafni, búmmerang er ekki allra að höndla.

Hins vegar spyr ég fyrst ég er farinn að tjá mig og tala um annað en ICEsave, hvað er að mönnum með skalla??????

Ég myndi kjósa þá.

Kveðja að austan.