Firring!

 

"Fram kom hjá Sigurjóni að lausafjárskortur hefði ekki hrjáð Landsbanka Íslands, það er ekki í íslenskum krónum, heldur skortur á erlendum gjaldeyri. Ekki hefði verið hægt að breyta krónum í erlenda mynt."

Ef það er hægt að greiða erlend lán með innlendum gjaldmiðli, þá væri Zimbabve ríkasta land heims.

Íslenska bóluhagkerfið prentaði peninga grimmt, það sést best á því þegar síminn var seldur á sirka 60 milljarða, en hvert var raunvirði hans???  6 milljarðar???

Svona var kvótinn blásinn upp, jarðeignir, húsnæði, hlutabréf.

Engin raunveruleg verðmæti að baki, það er uppblásnu krónutölunni.

 

En þegar á að breyta bólukrónum í raunverulega mynt, þá koma verðmæti þeirra í ljós.  

Og verðmæti þeirra var í beinu hlutfalli við verðmætasköpun þjóðfélagsins.  Hlutfall sem ákveður alltaf kaupmátt þjóðarbúsins og skiptir engu í hvaða gjaldmiðli hann er, hvort sem það er í evru, dollar, útblásnu krónunni eða þeirri verðtryggðu.

Gjaldmiðill endurspeglar alltaf kaupmátt þjóðarbúsins, ef menn ætla að eyða meira en þeir afla, þá gerist annað að tvennu, gengið fellur eða menn safna skuldum.

 

Þegar LÍ fékk ekki lengur endurfjármagnað þá þýddi ekkert fyrir hann að veifa bólukrónunni, það var aðeins spurt um cash.

Beinharðan gjaldeyri, sem var verðmæti loðnuaflans, verðmæti síldar, þorsks og áls.  

Og þau verðmæti voru í engum tengslum við bólukrónuna og því fór sem fór.

 

Að kenna gjaldmiðlinum um þetta, að láta líta svo út að vandinn hafi falist í því að ekki var hægt að skipta krónum í gjaldgenga mynt er svo heimskt að það nær ekki lengur að vera heimskt. 

Það er firring. 

Sama firring og hrjáir alla umræðu í dag um efnhagsmál.

Firring sem ræðir gjaldmiðil í stað þess að ræða verðmætasköpun,.

 

Og það fyndna er að margir hafa háskólapróf í þessari firringu.

Það er skýring að allt fór á hausinn, sú skýring er ennþá til staðar.

 

Eða hefur einhver heyrt minnst á Kanada dollar, sænska krónu eða evru nýlega???????

Kveðja að austan.

 

 

Mesti langtímavandinn smæð íslenska kerfisins

Athugasemdir

[Kristján Hilmarsson, 12.3.2012 kl. 21:06]

Já Ómar FIRRING ! er eina orðið sem manni kemur í hug, hvað er að þessu fólki, ekki trúir það þessu sjálft er það ? að "smæðin sé mesti langtímavandinn" og hvað á að gera, jú hverfa algerlega í myntbandalag með þessum eða hinum, nú síðast með Noregi sjá hér: http://www.visir.is/norskur-professor-vill-ad-island-taki-upp-norsku-kronuna/article/2012120319788

Reyndar er þessi norski prófessor að segja EF Ísland ætlar sér í myntbandalag með einhverjum, þá mæli hann með þeirri norsku fremur en þeim sem nefnd hafa verið hingað til, en hvað það svo er sem eiginlega kitlar hvatir hans, held ég bara tilvitni hér:

"Noreng segir að með því að taka upp norsku krónuna fái Íslendingar gjaldmiðil sem sé stöðugur, betri aðgengi að fjármálamörkuðum á lægri kjörum en nú eru í boði og að sparnaður almennings á Íslandi yrði mun betur varinn en með íslensku krónunni.

Hvað Norðmenn varðar fengju þeir einnig sitthvað fyrir sinn snúð að sögn prófessorsins. Norsk króna á Íslandi kæmi í veg fyrir aðild Íslands að Evrópusambandinu og þar með minnkaði hættan á einangrun Noregs í Evrópu. Þar að auki myndi gjaldmiðilssamstarfið leiða til sterkari samningsstöðu þjóðanna beggja gagnvart ESB og Rússlandi þegar kemur að hagsmunamálum á norðurslóðum.

Þá nefnir Noreng að Noregur og Ísland gætu í framhaldinu komið sér upp sameiginlegri stefnu í fiskveiðimálum, hafréttarmálum, málum sem snúa að olíuvinnslu og umhverfismálum.

Reyndi að "feitletra" atriðin um aðild Íslands að ESB og einnig lokasetninguna þar sem "SAMEIGINLEG STEFNA FISKVEIÐIMÁLUM, HAFRÉTTARMÁLUM, OLÍUVINNSLU og UMHVERFISMÁLUM er velt fram, einmitt !!!

Sameiginleg stefna næst aldrei með myntbandalagi einu saman, samvinna tveggja eða fleiri þjóða um sameiginleg hagsmunamál er allt annað, það er ekkert nema gott eitt um slíkt að segja, en þá verða þær þjóðir sem mætast að borði, vera frjálsar, ekki undir efnahagsstjórn viðsemjandans.

ÞAÐ ER EKKERT AÐ KRÓNUNNI !! frekar er árinni illa ræðarans, hvenær ætlar fólk að átta sig á þessu Ómar ! er umræðan virkilega í gíslingu daðurs kratanna ofl við ESB aðildina. ?

MBKV frá Noregi (ég á nokkrar "góðar" íslenskar krónur á reikningi í ísl. banka og þykir vænt um þær)

KH

[Kristján Hilmarsson, 12.3.2012 kl. 22:45]

Það væri kannski ekki úr vegi að spyrja helstu talsmenn þess að taka upp myntbandalag og hætta með íslensku KRÓNUNA, hvað það sé í raun sem er svona ómögulegt við gjaldmiðilinn sem þjóðin er búin að nota í áratugi og kynslóðir, þá á ég við sjálfann gjaldmiðilinn, er það þetta að óábyrg efnahagsstefna gegnum tíðina er búin að rýra hana í nafngildi gegn öðrum "krónum" og annarri mynt, ef svo er hver haldið þið þá að hafi áhuga á að láta sömu vitleysuna rýra álit og virði síns gjaldmiðils án þess að eitthvað annað hangi á spítunni.

Draumar norska prófessorsins í innlegginu á undan segja sitt, hann er til í að "sverta" sinn gjaldmiðil um tíma til ná að völdum á bæði einu og öðru í eigu og umjón íslendinga, sama er auðvitað upp á teninginn með ESB og evruupptöku, þó Brusselliðinu sé nú mjög brugðið við ástandið í "evru" löndunum við miðjarðarhafið.

Eða hvað haldið þið, talsmenn krónuaftöku, að gerist við einhliða myntupptöku, hverju nafni sem hún nefnist: evra,kanada dollar, sænsk eða norsk króna, ef sömu efnahagsstefnunni verður svo haldið áfram ? 

Jú jú ! svarið er auðvitað að við að "kasta" krónunni og taka upp annan gjaldmiðil, fara í myntbandalag, þá breytist efnahagsstefnan á Íslandi, allt bara "gull og grænir" eins og töfrasprota væri sveiflað, "töfrasprotanum" sem er nú sveiflað yfir Grikklandi er ekki líklegur til að falla íslenskum almenningi í geð, en auðvitað verndar hann þá sem honum er ætlað að vernda.

Það eru nægar auðlindir til á, og í kring um Ísland til að tæpar 350000 sálir geti lifað góðu, mannsæmandi og stoltu lífi um ókomna framtíð, sagan kennir okkur það um leið og hún kennir okkur einnig hvernig blind græðgi, valdafíkn og fullkominn skortur á samfélagskennd hefur sent þjóðina í margar fullkomlega óþarfar kreppur, þá síðustu auðvitað stærst og verst.

Reynt var að redda sér útúr klúðri og efnahagsrugli 1950, 60 og 70 áranna, þegar sparifjáreigendur voru rændir, skuldurum í hag (?), með því að setja á verðtryggingu, um líkt leiti voru tekin tvö núll af krónunni, hún semsagt gerð lík þeim skandinavísku í gildi, takið eftir því 1980 var íslenska krónan, dönsk, norsk eða bara sænsk ef þið viljið, hjálpaði það, breyttist efnahagsstefnan eitthvað, ekki lengi allavega, 1 ísl= 1 dönsk 1980, 2 árum seinna skrapp undirritaður í ferð til Danmerkur og þurfti þá1,5 ísl í eina danska, Á TVEIM árum !! framhaldið þekkjum við, þetta hefur EKKERT með gjaldmiðilinn að gera annað en það að rangt fólk fer með völdin við stýra honum, gangi Ísland í myntbandalag, hefur ENGINN íslendingur lengur vald yfir gjaldmiðlinum, en auðmannaklíkunni verður umbunað fyrir valdafsalið.

Glöggur lesandi tekur væntanlega eftir að ég setti (?) aftan við "skuldurum í hag" hér ofar, ástæða þess er að ég er ekki alveg sammála þessu eiginlega, þetta leit bara svona út um tíma, allt snerist þetta um að ná sparifénu af eigendum þess, koma því í húsbyggingar á sem stystum tíma og skapa neyslu sem blindaði okkur bæði þá og síðar.

Svo ef litið er tilbaka, gott fólk, þá sýnir sagan hverjum hefur alltaf verið bjargað úr snörunni á krepputímum, meðan almenningur og gjaldmiðillinn voru látnir taka tapið.

Það er því engum vafa undirorpið, að "votir draumar" um myntbandalag, að ekki sé sagt ESB aðild, eru tilkomnir af tveim höfuðástæðum, uppgjöf þeirra sem þjóðin kaus til taka til og skapa réttlátt og manneskjulegt samfélag, uppgjöf, vegna þess að þau treysta sér ekki, hver veit hversvegna ?, í slaginn og uppgjörið sem til þarf, og velja heldur að afsala fullveldinu í hendur erlendra aðila sem núa sér um hendur og sleikja útum í væntingunum um auðlindir þjóðarinnar, hin höfuðástæðan kemur annarsstaðar frá, stundum dulbúin, en oftast ekki nú síðustu vikur og mánuði, þeir sjá sér nefnilega leik á borði "ræningjarnir" að til lengri tíma litið muni hag þeirra best borgið í myntbandalagi á borð við evruna, sviftir völdum að vissu leiti, en "ránið" tryggt áfram.

Þetta eru náttúrulega bara hugrenningar brottflutts gaflara, sem sér hlutina með sínum augum (og annarra stundum) er meira en tilbúinn að fá gagnrýni og andsvör við þessu.

Bíð þar með góða nótt úr (veður) blíðunni hér í S.Noregi

KH

[Ómar Geirsson, 13.3.2012 kl. 10:31]

Kristján eitt.

Alveg sammála þér en vil hnykkja á að myntbandalag er aldrei samvinna.  Bara svo að fólk átti sig á því.  Eða þessir tveir þrír sem eiga einhvern tímann eftir að lesa þetta spjall okkar.  Ég held að við skilum þetta báðir.

Í myntbandalagi leggur stærri aðilinn alltaf línurnar og ef fleiri en tveir eru í því bandalagi, þá er það sá stærsti eða stærsti hópur innan þess.

Og línurnar eru þannig að hinir fara ekki út af þeim.  

Og þessar línur eru í öllu  sem snýr að þjóðhagslegum stærðum, þar á meðal launastig, umhverfis, fjármál, framleiðni, ytri hagsveiflur.

Orðið myntbandalag er aðeins fínt orð yfir ríki og hjálendur þess.

Og, já það er firring að sjá það ekki.

Og ennþá meiri firring að halda að skuldir hverfi ef þær eru aðeins greiddar í annarri mynt en nú er notuð.

Eins og það er heimskt, þá er alveg hið ótrúlegasta fólk, skynsamt og rökfast, sem ekki kveikir.

Og hvenær fólk áttar sig Kristján, það er einfalt svar við þeirri spurning.

Fólk áttar sig þegar þeir sem átta sig leggja það á sig að upplýsa aðra um rökveilur þeirra skoðana.

Og skapa sér tæki að koma þeim skoðunum á framfæri.

Fólk er nefnilega ekki heimskt, það er síbylja hagsmunaáróðursins sem mótar umræðuna.

Af hverju heldur þú að ég sé alltaf að tala um þessa vitgrönnu blaðamenn???  

Kveðja að austan.