Hvað vissi eiginlega Ingibjörg???

 

Jú, hún vissi að Davíð Oddson tók hamskiptum en tók það ekki of alvarlega af fyrri kynnum.  

Sá því ekki ástæðu til að hringja í trúnaðarmann Samfylkingarinnar hjá Fjármálaeftirlitinu og fá hjá honum fréttir hvort Davíð væri orðin hamskiptingur án tilefnis, eða hvort eitthvað byggi að baki.

Hún sá heldur ekki ástæðu til að hringja í þennan trúnaðarmann Samfylkingarinnar hjá Fjármálaeftirlitinu þegar hún kaus að fara til Danmerkur til að taka þátt í Ímyndunarherferð bankanna þar í landi.

Hvað vissi hún þá???  Vissi hún kannski ekki neitt því hún spurði ekki, var ástæða farar hennar til Danmerkur ekki flóknari en sú að henni langaði að labba niður Strikið og það var fínt að gera slíkt ef einhver borgaði farið.

 

Ég ætla ekki að gagnrýna Ingibjörgu sérstaklega fram yfir aðra ráðherra, ljóst er eftir vitnisburðinn fyrir Landsdómi, að það  var rétt sem Davíð Oddsson hélt fram eftir Hrunið að ríkisstjórnin hafi komið langt ofan af fjöllum þegar hann mætti á hinn örlagríka fund ríkisstjórnarinnar Glitnishelgarinnar þar sem raunveruleikinn var ekki lengur umflúinn.

Það að ríkisstjórnin hafi komist í gegnum árin 2007 og fram á haust 2008 án þess að vita nokkuð um stærð og stöðu íslensku bankanna er afrek út af fyrir sig en skýrir um margt afglapahátt stjórnvalda eftir Hrun.

Það er líka ljóst að Seðlabankinn ásamt Fjármálaeftirlitinu björguðu því sem bjargað varð með því að undirbúa neyðarlögin og á ögurstundu bar Geir Harde gæfu til að styðja þau lög.

Annars væri allt búið í dag.

 

Það er líka ljóst eftir fréttaflutning Ruv af vitnsiburði Ingibjargar, að orðið vanviti nær ekki að lýsa fréttamönnum Ruv.  Það eina sem þeir heyrðu voru orð hennar um Davíð Oddsson.  Davíð þetta, Davíð hitt, eins og Davíð Oddsson væri ríkisstjórn Íslands.

Íslensk tunga á ekki orð yfir fagmennsku fréttastofu Ruv.  

Það er einfaldlega sorglegt á að hlýða.

 

En ljóst er að kattarþvottur stjórnmálastéttarinnar kenndur við Landsdóm er ekki að ganga upp.

Rangur maður er ákærður, sakargiftirnar eru rangar.

 

Og þjóðin lætur bjóða sér þennan skrípaleik.

Er svona gaman að láta ræna sig????

Kveðja að austan.

Vissi ekkert um samráðshópinn