Mannorðsmeiðingar Ríkisútvarpsins.

 

Sjaldan eða aldrei hefur Ríkisútvarpið lagst lægra en þegar það reynir að klína samsekt á voðaverkinu í Lágmúla á nafngreinda einstaklinga.

 

"Að réttlæta voðaverk sem útrás fyrir reiði eða örvæntingu, getur boðið hættunni heim að mati afbrotafræðings. Hæpið sé að tengja hrottalega árás á starfsmann lögmannsstofu nýverið við spennu í þjóðfélaginu. Þónokkrar greina hafa verið skrifaðar í kjölfar hrottalegrar árásar á lögmann í fyrradag. Tveir þingmenn hreyfingarinnar, þau Margrét Tryggvadóttir og Þór Saari, hafa meðal annars skrifað færslur á bloggsíður sínar þar sem þau segja bæði að árásin hafi ekki komið á óvart.;"

 

Þessi klausa var lesin upp í yfirliti  hádegisfréttanna núna í dag.

 

Finnst fólki þetta alltí lagi, er hægt að flytja svona róg og svíðingar í Ríkisfjölmiðli án þess að nokkur sé látinn sæta ábyrgð.  

Finnst fólki alltí lagi að hlusta á svona frétt, segir enginn neitt????

Vill fólk sjálft lenda í svona að það sé snúið út úr orðum þess þegar það fjallar um þjóðfélagsástandið eins og það blasir við því, og það sé beint bendlað við svívirðilegan glæp????

Og það í aðalfréttatíma ríkisútvarpsins.

 

Erum við orðin svona veruleikafirrt að við sjáum ekki rangindi svona fréttaflutnings.  

Eða erum við svo vön moldvörpustarfsemi starfsmanna Ríkisútvarpsins í þágu fjármálamafíunnar að við kippum okkur ekki lengur upp við lágkúruna sem hrjáir þessa fyrrum ágæta stofnun.

Svona eins og við séum almenningur í Mexíkó sem fær frétt af enn einu líkfundinum.

Hvað veldur???  Af hverju????

 

Í allan dag hef ég beðið eftir afsökunarbeiðni hjá Ríkisútvarpinu ásamt tilkynningu um að viðkomandi fréttamaður ásamt vaktstjóra hafi verið vikið frá störfum, tímabundið á meðan málið er í rannsókn.

Ég hef beðið eftir yfirlýsingu frá Háskóla Íslands um að Helgi Gunnlaugsson prófessor hafi verið sendur í leyfi á meðan hæfni hans til að gegna embætti við þessa æðstu menntastofnun þjóðarinnar er rannsökuð.  Ásamt afsökunarbeyðni um að prófessor við Háskóla Íslands láti nota sig til slíkra voðverka að svíða æru af fólki án nokkurs tilefnis.

Ég hef beðið  eftir viðbrögðum frá frjálsum fjölmiðlum (þeir eru kannski ekki til lengur, allir í eigu fjármálamafíunnar) þar sem sorinn er tekinn fyrir og fordæmdur.

Og ég hef beðið eftir að Netheimar taki við sér, að þeir fordæmi svívirðuna og atlöguna að tjáningafrelsi þeirra sem voga sér að tala máli heimila landsins gagnvart fjármálakerfinu.

 

En hafi viðbrögðin verið einhver, þá hef ég ekki orðið var við þau.

 

Hvað veldur, skilur fólk þetta ekki svívirðuna á bak við mannorðsmeiðingar Ruv???

 

Við erum með fólk, þekkta einstaklinga (Marínó G Njálsson var líka dreginn inní umræðuna í Morgunútvarpinu), sem skrifuðu pistla á bloggsíðum (heimsíðum) sínum þar sem þau ræddu hugsanlegar ástæður voðaverksins og að hætta væri á svona tilvikum ætti eftir að fjölga í framtíðinni vegna þeirrar örvæntingar og reiði sem margir fyndu fyrir eftir viðskipti sín við bankakerfið eða þess áfalls sem þeir urðu fyrir vegna Hrunsins.  Með réttu eða röngu, voru þau að viðra skoðanir sínar, á mislesnum síðum, og alltíeinu er búið að krossfesta þau fyrir eitthvað sem þau sögðu aldrei eða gáfu í skyn.

Það fór strax í gang skipulögð óhróðusherferð gegn viðkomandi einstaklingum.  Og almenningur var fóðraður á beinum lygum um orð þeirra.  Án þess að viðkomandi hefðu nokkur tækifæri til að verja hendur sínar.

 

En enginn rógberinn lagðist eins lágt og Ríkisútvarpið gerði í dag.

Það er vitnað í bloggsíður þeirra Þórs Saari og Margrétar Tryggvadóttur,  þar sem haft er eftir að"þau segja bæði að árásin hafi ekki komið á óvart".  Þessi orð eru algjörlega slitin úr samhengi við það sem þau Þór og Margrét sögðu en jafnvel þó þau standi ein og sér, þá er ekkert samhengi á milli þess að segja að að árás "hafi ekki komið á óvart" og að réttlæta slíkt voðaverk.

Jafnvel geðbilaður maður, haldinn alvarlegu ofsóknarbrjálæði, getur ekki tengt þetta tvennt saman.

Samt er afbrotafræðingur fenginn til að gera slíkt og því útvarpað á besta tíma, án þess að viðkomandi einstaklingar fái nokkuð tækifæri til að svara fyrir sig.

Þeim Þór og Margréti er gerð upp skoðun og síðan snýst fréttin um að fordæma þá skoðun.

Lægra er ekki hægt að leggjast, meiri aumingjaskap getur ein þjóð ekki liðið.  Því skoðunin sem þeim er gerð upp er að réttlæta manndrápsárás og síðan er látið að því liggja að þau hvetji til slíkra árása.

 

Til hvers er maður að þessu, til hvers er maður að blogga þegar maður sér svona látið viðgangast þegjandi og hljóðarlaust???

Að maður tilheyri þjóð sem lætur ekki bara ræna sig, heldur komast ræningjarnir upp með að gera út mannorðsníðinga sem vega alla sem reyna að berjast gegn þeim.

Marínó G Njálsson er maðurinn á bak við Hæstaréttardómana 2, gengisdóminn og vaxtadóminn.  

Þúsundir hafa notið góðs af óeigingjarni baráttu hans.  Tugþúsundir svo ég haldi mig við staðreyndir.

Aðeins örfáir hafa komið honum til varnar þegar leiguþý vaxtaþjófanna vega hann í hjartastað.

 

Skömm þjóðarinnar er algjör, hún trúir lygum og rógi ræningjanna.

Fólksins sem setti þjóð okkar á hausinn.

Svona er hreinlega of grátlegt til að vera satt.

 

En er satt, því miður.

Kveðja að austan.