Við hvað eru menn hræddir??

 

Er umræða stuðningsmanna vaxtaþjófanna ekki öll á þeim nótum að um persónulegan harmleik sé að ræða, að þetta verið einstakt, bundið við ógæfumanninn sem framdi voðaverknaðinn?

Núna ræða menn vígvæðingu.

Og þá gagnvart hverjum???

Hvað óttast menn??

Reiðina í samfélaginu???

Ef svo er þá ættu menn að íhuga tvennt, að hætta stela og hætta að haga sér eins og svín.

 

Vígirðingar duga aldrei til lengdar til að halda samfélagslegri reiði í skefjum. 

Sátt gerir það, mannúð gerir það.

Vit gerir það.

 

En ef menn trúa því að ekkert í þeirra gjörðum valdi því að örvinglað fólk grípi til óhæfuverka, þá breyta menn ekki hegðun sinni.

Og menn víggirða sig ekki heldur.

 

Þeir halda bara áfram eins og ekkert hafi í skorið.

Kveðja að austan.

 

Öryggisverðir með á fundum

Athugasemdir

[Óskar Helgi Helgason (IP-tala skráð) 6.3.2012 kl. 23:13]

Heill og sæll Ómar Austfirzki; jafnan !

Ætli græðgisöflin íslenzku; megi ekki þakka fyrir, að ekki sé almenn byssueign í landinu - eins og víða plagast, hjá öðrum nágrönnum okkar, vestar í Ameríku ?

Raunar; er löngu orðið tímabært að SLÖKKVA Á FRJÁLSHYGGJU kjaftæðinu, hérlendis, áður en verri hlutir hljótast af.

Liggur við; að liðveizla Haqqaní feðga (Jalaluddins og Sirajuddíns), væri vel þegin - eins og komið er málum hér. Þeir myndu byrja; á stjórnmála sorpinu vitaskuld, Ómar minn.

Hafa löngum; verið tengdir nafna þínum, Mullah Ómari - og hans slekti, þar eystra, svo sem.

Með beztu kveðjum; sem öðrum fyrri, austur í fjörðu / 

[Helga Kristjánsdóttir, 7.3.2012 kl. 00:10]

Enn eigum við eftir að gera upp við bankakrimmana. Sérstakur hlýtur að fara að komast í feitt,vonandi verður honum ekki vikið frá. Ég á þá heitu ósk að lögfræðingurinn nái sér eftir þessa heiftarlegu árás.

[Ómar Geirsson, 7.3.2012 kl. 00:32]

Blessaður Óskar, nú verð ég að játa fákunnáttu mína.  Þekki ekki til þeirra Haqqaní feðga en reikna með að þeir kunni að fara með byssur og fylkja fólki.

En ég er lítt hrifinn af nafna mínum þarna austur frá, aftökurnar á fátækum ekkjum á knattspyrnuvellinum fór í mig og tel slíkt ekki austfirskt þó í austri sé.

Já, ég er sammála þér með kerfið, ég veit ekki hvort margir séu búnir að fatta það en ég blogga  gegn kerfinu, ekki fólkinu sem er fórnarlömb þess.  Þú  veist Óskar að fátækt er oft hundalíf en löskuð sál á litla von hjá almættinu.  Menn hefðu betur níðst minna á samborgurum sínum.

En það er aftur skýring þess að ég samsinna mig lítt við aðra í þessu andófi, ég vill fella ríkisstjórnina, en ekki til að einhverjir nýjir taki upp merki hennar.  Heldur til að nýjir taki upp hamar og nagla og smíði nýtt kerfi.  Þess vegna skamma ég ykkur kóarana í Landsdómsmálinu svona blóðugum skömmum Óskar, þeir verja með því stjórnvöld, ættu að nota kraftinn til að blása á valdið en ekki sleikja skó þess í hvert skipti sem það teygir fram krumlur sínar og klórar þeim á bak við eyrun.

Og þess vegna finn ég ekki hvöt til að styðja nýju framboðin þó þar sé margt ágætt fólk inná milli.  Allir tala um leiðir innan kerfisins, enginn um að henda því á haugana.  Og tungumálið er allt úr ranni hugmyndaheims frjálshyggjunnar, menn átta sig ekki að sigur hennar á sínum tíma fólst í að ræna tungumálinu.

En hvað um það, eftir því að sem ástandið versnar þá aukast líkur á að vígakappar taki yfir baráttuna og þá mun margur iðrast þess að hafa ekki hlustað á varnaðarorð þeirra sem vöruðu við.

Og þá mun maður segja, sagði ég ekki.

Og taka svo í nefið.  

Kveðja að austan.

[Ómar Geirsson, 7.3.2012 kl. 00:33]

Vonum það að öllu leiti Helga.

Kveðja að austan.