Er Guðlaugur hluti af farsanum???

 

Fékk hann eitt lítið hlutverk svona til að gefa leikritinu þverpólitískan blæ.

Eða er hann svona auðginntur að hann byrji að fábúlera án þess að hafa gögn málsins í höndunum???

En þetta sem haft er eftir honum lýsir sjálfhverfu eða veruleikafirringu, ekki gott að greina á milli, á mjög háu stigi; 

"Guðlaugur Þór segist hafa sinnt sínum skyldum sem þingmaður, sitji í efnahags- og viðskiptanefnd og hafi með málefnalegum hætti gagnrýnt og veitt aðhald stjórnvöldum og stofnunum þess. Hann láti ekki hræða sig frá því."

Já, Guðlaugur Þór Þórðarsson, hann er maðurinn sem Hrunverjar óttast mest allra.

Jamm og jæja.

Kveðja að austan.

Er brugðið

Athugasemdir

[Helga Kristjánsdóttir, 1.3.2012 kl. 23:05]

Ég halla undir flatt og hausinn er veikur,,,,,, hræddir við Guðlaug? Ég hélt að Hrunverjar óttuðust ekkert,jæja kanski að koma okkur ekki í ESB. Því þeir eru búnir að ganga frá því hjá ESb.

[Ómar Geirsson, 2.3.2012 kl. 08:42]

Blessuð Helga.

Einhvern veginn hefði ég meiri trú á svona farsa ef inní leikritið hefði verið skrifað atriði að Guðlaugur hefði nýtt sér vinatengsl til að afla sér upplýsinga um Gunnar, það er einhvern veginn svona nær raunveruleikanum.

En ég trúi samt ekki á farsa, á hvorn veginn sem plottið hefði verið.

Furðulegt að jafnskýr maður og Guðlaugur skyldi ekki átta sig á að anda rólega og láta málavexti skýrast.

Hrunverjar koma okkur í ESB, engar áhyggjur af því.  Andstaðan við áform þeirra er í flugulíki, illa stjórnuð og algjörlega máttlaus. Byggist einna helst á þeirri bábilju að þjóðarvilji hafa eitthvað með úrslit málsins að gera.

Eini hængurinn er að ESB er að liðast upp og verður ekki til í þeirri mynd sem við þekkjum í dag.

Þó áróður peninga sé máttugur þá sé ég þá ekki alveg koma okkur inní eitthvað sem hefur ekki tilveru, svona andaheims eitthvað.

En aðeins sú staðreynd að ESB er í dauðteygjunum (hvort komi út úr því sambandsríki Evrópu eins og að er stefnt eða sambandið leysist einfaldlega upp eins og Sovétríkin sálugu er ekki gott að segja, ekki þýðir að afskrifa hagsmuni auðafla sem vilja eitt ríki) mun stöðva innlimunina.

Ekki innlend andstaða.

Kveðja að austan.