Endurreisn gamla Íslands er lokið.

 

Rotnara og spilltara en nokkru sinni fyrr.

Stjórnað af vaxtaþjófum.

 

Og það fyndna er að fólkið sem  hafði uppi svo stór orð um breytingar og ráðast að rót vandans, það gerði endurreisnina mögulegt.

Birgitta, Þór, Margrét, Eygló, Vigdís,  Sigmundur og Þráinn.

 

Já, sumt er ekki öllum gefið.

Kveðja að austan.

Tillögu Bjarna vísað frá

Athugasemdir

[Seiken (IP-tala skráð) 1.3.2012 kl. 12:59]

Verðum við ekki að gera ráð fyrir að það sé vantraust á leiðinni þar sem Hreyfingin mun verja stjórnina falli gegn því að Jóhanna leiðrétti lán þeirra sem tóku lán um verslunnarmannahelgina 2007 en aðrir verðir látnir stikna á vítisbáli?

Og með Sigmund í frávísunnarhópnum þá hlýtur maður að draga þá alýktun að Vaðlaheiðargöng verði boruð með 8 akreinum í báðar áttir.

[Magnús Ágústsson, 1.3.2012 kl. 13:17]

Guð blessi Ísland Amen

[Ómar Geirsson, 1.3.2012 kl. 13:36]

Ef ég væri Sigmundur og Hreyfingin þá myndi ég passa mig á smáletrinu, loforð Jóhönnu mega ekki kosta, hún þarf að nota skattfé almennings í annað þarfara, ESB, ICEsave, AGS krónubraskaralánið.

Að ég tali ekki um alla vextina sem hún er svo viljug að greiða blessunin.

Takk fyrir að koma með það sem vantaði uppá pistilinn Magnús.

Kveðja að austan.

[Bjarni Gunnlaugur (IP-tala skráð) 1.3.2012 kl. 16:49]

Bíddu við ég er ekki alveg að ná þessu hjá ykkur. Þegar þetta lánlausa þing gerir þó loks eitthvað af viti þ.e. að draga eitthvað af þessu hrunliði til yfirheyrslu um aðgerðir og aðgerðaleysi þess, þá andskotist þið út í þá sem studdu frávísunina. Erum við kanski ekki að tala um sama hlutinn?   Og plís ekki fara að væla yfir því að fleiri hefðu átt að vera fyrir Landsdómi (sem er þó vissulega rétt) því betri er Geir fyrir rétti en enginn.

[Kolbrún Hilmars, 1.3.2012 kl. 17:22]

Ég verð að viðurkenna það, að ég hlakka til þess að fá að fylgjast með vitnaleiðslum fyrir Landsdómi. Og það þótt mér þyki súrt í broti að Geir einn samsekra hafi verið kærður.

En fjórflokkurinn sér um sína - ef til vill verða lokuð réttarhöld þegar vitnin verða yfirheyrð...

[Haraldur Haraldsson, 1.3.2012 kl. 20:33]

Persónulega hélt eg að það mundi varða gleði hjá þér Ómar Bloggvinur,þú er svo anskoti orðljótur um mína menn,marga sem jafnvel eiga það skylið,ég er ekki að verja þá sem gera vitleisur hvorki i minumm eða öðrum flokkum,///en þetta pakk þarna Vinstra MEGIN FÆR EKKI MEIRI TILSKIF NEMA NEIKVÆÐ FRÁ MÉR eftir þetta/Kveðja að sunnan!!!!

[Ómar Geirsson, 1.3.2012 kl. 21:01]

Takk fyrir athugasemd þína Bjarni Gunnlaugur, þú vaktir athygli mína á alvarlegum rökveil í framsetningu minni sem ég get varla afsakað mig með hlaupunum þegar þessi örpistill var sleginn inn.

Það er hreinlega röng framsetning hjá mér að tala um rotnara þjóðfélag með tilvísun í það gamla.

Hér er hreinlega um Nýtt Ísland að ræða, sem á sér engin fordæmi meðal lýðræðisþjóða, og líklegast eru engin dæmi um slíkt meðal einræðisríkja.  Þar aflífa menn andstæðinga sína vegna þess að þeir eru andstæðingar og slíkt nauðsyn til að tryggja völd sín.  Það er rökrétt hugsun þar að baki, skiljanleg og ekkert reynt að fela tilgang hennar með einhverri slepju um réttlæti, eða þetta er vilji dómsstóla eða uppgjör við fortíðina eða eitthvað sem er ætlað til að telja öðrum í trú um að það sé eitthvað "betra" á ferðinni.

Það er vissulega möguleiki að það sé hægt að finna eitthvað jafn rotið hjá einhverjum skrípaeinræðisherra í den en ég þekki ekki dæmi þess og kann nútímasöguna ágætlega.

Þannig að ég þarf eiginlega að pistla leiðréttingarpistil þar sem ég tek það skýrt fram að Nýtt Ísland hafi verið reist úr rústum þess gamla.

Vissulega sama fólki fyrir og eftir en aðferðarfræðin er algjörlega án  fordæmis.

Og það er afrek út af fyrir sig.

En hvort ég nenni að pistla um þetta næstu daga læt ég liggja milli hluta, ég er í hugarfríi, nota aðeins ósjálfráða skrift þegar ég hamra þessi örgrey mín inn.

En leiðréttingar eru samt alltaf vel þegnar, maður má ekki bulla hvað sem er þó margt sé sagt hér á þessari síðu.

Kveðja að austan.

[Ómar Geirsson, 1.3.2012 kl. 21:02]

Þú heldur það Kolbrún, hvað er að Ladda???

Kveðja að austan.

[Ómar Geirsson, 1.3.2012 kl. 22:04]

Blessaður Haraldur.

Hér er ekki talað illa um nokkurn mann, nema stundum óvart, en ýmis verknaður fær það óþvegið.  Á því er reginmunur.

Hvað þína menn varðar þá hef ég alltaf talað um þá af tilhlýðanlegri virðingu, það eru einhverjir áratugir síðan ég talaði misjafnt um góða og gegna íhaldsmenn.  Og það er einfaldlega vegna þess að góður og gegn íhaldsmaður bað mig um að hætta því, þeir ættu það ekki skilið þó eitthvað pirraði mig.

Þetta get ég svarið og þó mér hafi hugsanlega orðið á þá er það eingöngu vegna þess að mér varð á.  Sem öllum getur orðið.

En það er ekki mér að kenna Haraldur að ýmsir misjafnir hafa flotið með sem þið íhaldsmenn hafið tekið upp á arma ykkar.  Og það er þannig að ýmislegt misjafnt er sagt um ýma misjafna.

En það gildir um alla stjórnmálaflokka, allar pólitískar hreyfingar.  

Verra er að í farangri ykkar hefur slæðst með öfgtrú sem gírugir auðmenn hafa gert út til að auðvelda sér rán og rupl.  Og það alversta er hugmyndafræði þessarar öfgatrúar, það að allt sé leyfilegt ef af því er gróði.  

Með öðrum orðum, villimennskan í sinni tærustu mynd.

Gagnvart henni er ég þungorður en þau orð eru hjóm eitt miðað við þau orð sem þið íhaldmenn eigið eftir að nota þegar þið hrekjið þetta lið úr hreyfingu ykkar.  Byggi það mat mitt á samskonar hreinsunum sem urðu á fjórða og í upphafi fimmta áratugar síðustu aldar þegar þjóðernissósíalistum var úthýst úr hægri flokkum Evrópu.

Og þungi orða ykkar mun stafa af þeirri staðreynd að þegar þið takið höfuð ykkar upp úr sandinum og sjáið hvað hefur gerst, þá vitið þið að Nýfrjálshyggjan hefur farið verr með þjóðfélög okkar á Vesturlöndum en Stalín og hans nótum tókst nokkurn tímann að koma í verk.

Helstu fórnarlömb hennar eru nefnilega úr baklandi hægri flokka, millistéttin, sjálfstæðir atvinnurekendur, eignafólk en rán hennar hafa minna snert hina fátæku stéttir því forsenda rána er að sá sem er rændur eigi eitthvað sem hægt er að ræna.

Þannig er það Haraldur, þegar ég hegg þá er ég ekki að höggva í þínar raðir.  Þú einfaldlega heldur það því þið hægri menn hafið ekki haft kjark til að horfast í augun á því sem gerðist í aðdraganda ránsins mikla sem kennt er við Hrunið.

En sá dagur mun koma, trúðu mér.

Kveðja að austan.

[Bjarni Gunnlaugur (IP-tala skráð) 1.3.2012 kl. 23:28]

Hvorki skil ég upp né niður í þessu svari þínu Ómar(nr.7), trúlega á þetta að vera einhverkonar satíra,látum vera en þú ert ágætlega fókuseraður í athugasemd nr. 9. Þar er ég nokkuð sammála þér með blessaða sjálfstæðismennina.  Þeir eru eiginlega sjálfum sér verstir með þessum frjálshyggjuórum sem þeir þora þó hvorki að fylgja til fulls t.d. með því að berjast gegn auðhringamyndun og fákeppni í stað þess að styðja fyrirbærin, né virðast þeir geta losað sig við frjálshyggjuna, trúlega af hræðslu við að lenda aftur í gamla Kolkrabbafarinu og eiginlega verð ég nú að segja að ég virði það pínulítið við þá. Hugmyndafræðilega eru þetta í raun landlausir menn ekki síður en kommarnir og nú síðast Evrópukratarnir.  

            Það má eiginlega segja að þeir einu úr gamla fjórflokknum sem telja sig geta haldið haus eru Framsóknarmenn, með sína prinsipplausu tækifærismennsku og hentistefnupólitík ásamt trúnni á handstýrða forræðishyggju. Að vísu nákvæmlega þau atriði sem geta leitt eitt þjóðfélag lóðbeint til glötunar, en ég held að þeir átti sig bara ekki á því. Enda um eðliseiginleika okkar Íslendinga að ræða.

[Ómar Geirsson, 2.3.2012 kl. 09:04]

Satíra Bjarni, það er nú það.

Leti er nú nærtækari skýring, nenni ekki einu sinni enn að útskýra einföldustu hluti fyrir félögum mínum í Anstöðunni sem þekkja ekki muninn á rangri hegðun og réttri breytni.  Hef pistlað svo oft um þetta áður en þú gafst mér hugmynd af nýjum fleti og enn og aftur, hafðu þökk fyrir það.

Og ég skal tjá þetta þakklæti mitt með smá hjálp þér til handa í siðlegri hegðun.

Hvað var sorglegt við hegðun gömlu kvennanna í þorpi einu í Krainja þar sem þær dreifðu blómum á serbneska skriðdreka og hvöttu ungu mennina sem þeim stýrðu að hefna fyrir voðverk króatískra fasista í seinna stríði???

Er nauðgun í eðli sínu röng eða er hún aðeins röng þegar hún beinist að mér og mínum??  

Spáðu í þetta í rólegheitum Bjarni og þá munt þú einn daginn átta þig á af hverju byltingum hættir til að éta börnin sín.

Og betur var heima setið en á stað farið.

Kveðja að austan.