"Af hálfu íslenskra stjórnvalda hafi slíkar lokanir þó aldrei komið til greina",

 

"Já miklir menn erum við bræður" sögðu Bakkabræður þegar þeir töldu sig hafa hrakið tunglið á flótta á bak við næsta ský.  Eða hvernig sem það var.

En satt að segja er raunveruleikaskyn Bakkabræðra meira en íslenskra stjórnvalda.

Vissulega gátu þau sagt Nei við hinu og þessu, þá árið 2009 en hvaða val var eftir samþykkt Svavarssamnings sem kvað á um árlegar greiðslur á bilinu 30-60 milljarða í ICEsave næstu 14 árin eða svo???

Og eftir að Seðlabankinn er búinn að nota AGS lánapakkann til að borga út krónubraskara????

 

Veit þetta vesalings fólk ekki hvað það var að samþykkja, eða afleiðingar þess????

Héldu menn að þetta væri bara pappírstölur þegar fjármálaráðuneytið hækkaði áætluð vaxtagjöld vegna fjárlagaárs 2009 úr um 90 milljörðum í 160 milljarða, aðeins það ár???

Fyrir hvaða peninga ætlaði Katrín Jakobsdóttir að reka Þjóðleikshúsið eða þá hin söfnin þegar ríkissjóður var búinn að punga út fyrir 160 milljarða í vexti, og það að stórum hluta í erlendum gjaldeyri???

Ætlaði hún að nota spítalapeningana i það eða átti að loka skólum eins og í Grikklandi????

 

Hafi maður ekki vitað það, þá veit maður það núna, að stjórnvöld okkar, að íslenskir vinstrimenn eru ekki þessa heims, það er þeir eru ekki í sama heimi og almenningur þessa lands.

Þess vegna sagði þjóðin Nei við Svavar og sagði honum að hann gæti sjálfur borgað bretum ef nennti ekki að semja við þá eins og  maður.

Og þjóðin lét það illum látum með tunnum að Seðlabankinn hefur ekki ennþá þorað að nota AGS lánapakkann svo bæði eigum við vaxtatekjur á móti vaxtagjöldum, sem og hitt, að við getum látið AGS fá aurinn þegar sjóðurinn leitar eftir því.

 

En ef ekki, þá væri þjóðin í svo djúpum skít að hún væri ekki bara að ræða lokun Þjóðleikshúsins, hún væri í fullri alvöru að ræða hvort ekki ætti að taka upp forna siði og hengja landráðafólk upp i næsta tré,.

Því þjóðin hefði aldrei lokað skólum sínum og spítölum þó íslenskir stjórnmálmenn sömdu við AGS um skuldapakka sem þýddi að um 60% af tekjum ríkisins færu í vexti og afborganir.

Hún hefði dregið þá til ábyrgðar sem landráðin sömdu.

Þeir lafa í dag vegna þess að þjóðin neitaði þeim um fullnustu þeirra.

 

Það var Nei-ið við Svavarslandráðunum sem hindraði að menningarstofnunum var ekki lokað.

Ekki Katrín Jakobsdóttir eða ríkisstjórnin sem hún situr í.

 

Höfum það á hreinu.

Kveðja að austan.

 

 

 

 

Ákvörðunin hjá stjórnvöldum