Ekkert er tilviljun háð, lokakafli.

 

Fyrir 5 dögum skrifaði ég bloggpistil undir þessi heiti, "Ekkert er tilviljun háð" þar sem ég benti samherjum mínum í ICESave andstöðunni að kæra ESA væri til innanlandsbrúks.  Að ESB sem slíkt hefði afgreitt málið með yfirlýsingu sinni um að það sem stæði í lögunum, að það stæði og sambandið hefði breytt lögum sínum um innlánstryggingar þar sem kveðið var á um hærri innlánstryggingu og bakábyrgð ríkissjóða efnhagssvæðisins á tryggingarsjóðum sínum.

En það ætti eftir að ljúka ICESave málinu svo skömm ESB yrði ekki algjör vegna stuðnings sambandsins við fjárkúgun og þjófnað.  

Evrópusambandið setur því aðeins eitt skilyrði fyrir að aðild Íslands að sambandinu, að íslensk stjórnvöld ját formlega sekt þjóðarinnar í ICESave.

Í því ljósi verður að skoða kæru ESA.

 

Það er enginn svo heimskur að hann sjái ekki fáráð þess að kæra  sjálfstæð ríki vegna meintra brota neyðarlaga  á milliríkjasamningi, milliríkjasamningi sem kveður á um rétt aðildarríkja hans til setningar neyðarlaga, um þremur árum eftir að viðkomandi neyðarlög eru sett og að niðurstaða liggi fyrir um 4 árum eftir að viðkomandi neyðarlög voru sett.

Hvað ætla menn að gera, að endurskapa neyðarástandið og setja ný lög sem takast á við neyðarástandið en eru um leið kórrétt miðað við eftirátúlkun á EES samningnum???

Jafnvel þeir hjá ESA sjá fáránleikann enda ætlast þeir ekki til þess að kæran fari í dóm.  Þeir ætlast til þess að íslensk stjórnvöld beygi sig og semji.  Annars væri þeir ekki með þessar hótanir og yfirlýsingar um að dómur EFTA dómsins sé aðeins formsatriði, því dómurinn geri alltaf það sem ESA segi honum.

Hver lætur svona út úr sér gagnvart annarri sjálfstæðri stofnun, sem á eftir að dæma mál hans,  nema sá sem ætlar aldrei að láta reyna á þann dóm.

 

Á þetta benti ég og að það væri ekki farið að stað í þennan leiðangur nema stuðningur íslenskra stjórnmálamanna lægi fyrir um lendingu málsins.  Það er þeirra stjórnmálamanna sem ráða öllu í dag.

Ég benti á að lykilatriði í plottinu væri að láta einhvern innan ríkisstjórnarinnar, sem fyrirfram ætlaði sér að klúðra málinu, sjá um  hina meintu málsvörn gagnvart ESA fyrir EFTA dómnum.

Þess vegna yrði að sjá til þess að Árni Páll Árnason sæi ekki um málið, hann hafði svikið málstaðinn og ákveðið að standa með þjóð sinni, ekki bretum.

 

Og atlagan að Árna hófst fyrir nokkrum vikum síðan.  

Ekkert annað útskýrir hinn hlægilega málatilbúnað á hendur Jóni Bjarnasyni, sem kom út úr fjósi án nokkurs tilefnis.  Eða þar til ljóst var að brottför hans átti að réttlæta aðför að Árna Pál.

Þá var ljóst að enn ein ICESave svikin voru í farvatninu og í þetta sinn yrði öllum mætti blekkingarvélar ESB á Íslandi beitt til að viðunandi niðurstaða fengist.

 

Í dag er ljóst að ekkert var ofsagt í pistli mínum.

Stjórnarsinnar bera fyrir sig "rétta stjórnskipan", gleymandi því að aldrei hefur stjórnskipan landsins verið sniðgengin á eins grófan hátt eins og þegar þeir sniðgengu dóm Hæstaréttar í stjórnlagaþingsmálinu.

Núna er þeim ofraun að sniðganga einhverja meinta forsetatilskipun um að utanríkisráðherra eigi að sjá um það sem þeir kalla "fyrirsvar" gagnvart alþjóðlegum dómsstólum.  

Eins og forseti Íslands muni beita þá gjörningum ef þeir hundsa tilskipun embættis hans.  Að hann fórni hagsmunum Íslands í ICESave málinu fyrir rétta framgöngu formsatriða.

 

Málatilbúnaðurinn er hreint út sagt ótrúlegur og ekki bjóðandi fullvita fólki, hvað þá að ætla stuðningsmönnum ríkisstjórnarinnar að verja þessi ósköp.  

Hvernig geta þingmenn Samfylkingarinnar vegið svona samráðherra sinn til bjarga svikaandliti Steingríms Joð??

Hvar eru takmörk þeirra í þjónkuninni gagnvart Evrópusambandinu??

Myndu þeir selja ömmu sína fyrst það stendur ekki í þeim að selja samflokksmann sinn???

 

Nei, þetta er ótrúlegur farsi en sem betur fer öllum ljós.

Það var tilgangur þessa uppvaknings míns í bloggheimum, að skrifa strax frá fyrsta degi hvasst gegn þessum lokasvikum.

Og það tókst.

Svikin eru búmmerang sem hitta svikarna fyrir.

 

Enn einu sinni.

Kveðja að austan.

 

 

 

 

 

 

 

 

Icesave á hendi Össurar

Athugasemdir

[Elle_, 20.12.2011 kl. 22:51]

Já, kæra ESA er ekkert nema eftirátúlkun og pólísk kæra.  Pólísk kúgun og rugl.  Komin frá ólýðræðislega Evrópusambandinu og 2 gömlum nýlenduveldum þar og ætlað meðvirkum ísl. Brussel-ofstopum sem halda sig geta blekkt okkur og núna vísað í forsetann og stjórnskipan landsins.   Fólk sem hefur alltaf vanvirt forsetann og stjórnskipan landsins.  Nema það passi þeim sjálfum. 

Mikið var ég samt hissa þegar ég las kenninguna þína um að ætlunin væri að Jóni Bjarnasyni yrði skipt út fyrir Árna Pál vegna ICESAVE, Ómar.  Hafði skilið ruddalega aðförina gegn Jóni öðruvísi.

Hver heilvita maður hlýtur að vera farinn að skilja að ef bresku og hollensku ríkisstjórnirnar vildu fara fyrir dóm hefðu þau fyrir langa löngu gert það.  Óskiljanlegt að allur þorri manna skuli ekki sjá í gegnum þessa villimennsku og þvælu.  Og að ef lögin segja ´engin ríkisábyrgð´ getur það aldrei verið ´ríkisábyrgð´. 

Ríkissjóður var aldrei undir neinni ríkisábyrgð samkvæmt EES-samningnum en Brussel-ofstopar eins og Jóhanna og Össur og SA og SI vilja í flýti koma okkur undir erlent vald og vilja ekki styggja það sama vald.  Steingrímur fylgir með til að halda völdum. 

Nú hefur komið fram að skaðræðið ÖSSUR mun hafa forræðið í hinni platvörninni.  Það á að draga þetta lið fyrir sakadóm, í það minnsta Jóhönnu, Steingrím og ÖSSUR. 

[Ómar Geirsson, 21.12.2011 kl. 08:36]

Blessuð Elle.

Þú ættir að vera farin að læra að hingað á þessa síðu eltir þú ekki almannaróm.

Hið augljósa er ekki alltaf svo augljóst þegar atburðir eru skoðaðir og hið langsótta virðist oft vera nærri lagi.

En ég skal aðeins útskýra kenningasmíð mína.  Og ég get svarið að þetta er ekki eftirásmíð heldur það sem fór í gegnum huga minn á rauntíma.

Ég skyldi ekki upphlaupið með Jón Bjarnason.  Alltí einu kom svaka púðurkelling, Jóhanna gat ekki haft hann í ríkisstjórninni og Björn Valur, að öllum mönnum var mjög þungur út í hann.  Hugsaði samt ekki mikið því ég var ekki að hugsa um pólitík þá.  En ég slysaðist samt til að heyra viðtal við þingkonu VG sem hafði verið formaður sjávarútvegsnefndar, alveg stolið úr mér hvað hún heitir.  Og blessuð konan næstum grét í viðtalinu, hún hafði verið hundsuð, jafnvel svívirt, Jón Bjarnason neitaði að hafa hana memm.

Bíddu við hugsaði ég, er hún að gera sig að algjöru fífli, vinna Jóns hefur legið fyrir frá því í þinglok í sumar, var hún fyrst núna að uppgötva að Jón væri að endurskoða sjávarbastarð sinn???  Nei, eitthvað var minnst á ítrekaðar beiðni um samráð og að hann hleypti öðrum að og svo framvegis.  Og Jón hundsað.

En hvað segir þetta okkur, vissulega skil ég kergju ef Jón virðir ekki boðvald formanns en hvað segir það um formann og flokk að láta hann komast upp með framkomu sína í allan þennan tíma.  Að það sé þá hreinlega ekki gripið inní, strax, þegar vinnan var unnin????

Af hverju þegar svona langt er liðið á haustið, og grenja þá í fjölmiðlum.  

Innihaldið í grenjinu var að Jón væri ekki aðeins Steingríms maki, heldur flokksmaki, að þetta lið hefði ekkert í hann að gera og þyrfti því í nauðvörn sinni að kvarta opinberlega, grenjandi í fjölmiðlum um meintar misgjörðir hans.

Ég er ekki að segja að Jón hafi ekki þumbast en þessi atburðarrás er óskiljanleg því hún gerir svo lítið úr restina af flokknum, enginn einn maður getur hindrað aðra flokksmenn að ræða mikilvæg mál og gera tillögur þar um ef fólk kýs svo,.

Og fari menn gegn formanni þá eiga menn á hættu að þeim sé tilkynnt að í uppstökkun á ríkisstjórn um áramótin þá fari þeir út.  Og formaðurinn tilkynnir þeim það persónulega sama dag eða nokkrum dögum áður, ekki í gegnum fjölmiðla sem vitna í grátandi samherja.

Þannig er raunveruleikinn en svona farsar eru settir á svið til að spila með fjölmiðlamenn og álitsgjafa og þá hangir eitthvað á spýtunni.

En hvað var á spýtunni, spáði ekkert í það, var alveg sama, var að hugsa um annað.

Svo var Árni Páll alltí einu kominn í dæmið, hann átti að vera friðþægingarfórn Samfylkingarinnar svo VG sætti sig við að Jón væri látinn fara.  

Bíddu við, hvað kom Árni þessu máli við???

Ef VG vildi losa sig við Jón því hann hlustaði ekki á sína eigin flokksmenn og ræki einkaflokk á skrifstofum sjávarútvegsráðuneytisins með Bjarna Harðarsyni og Gauja Adda Kitt, þá var það málefni VG, það væri VG sem vildi losa sig við Jón.

Grenjið kom jú aðallega frá flokksmönnum VG.

Vissulega hafði Jóhanna sagt að vinnubrögð Jóns væru óviðunandi, fattaði ekki konugreyjið hvað hún gerði lítið úr sjálfu sér með því að bera vanda sinn á torg almannaumræðunnar, að það segði allt um hana að láta ráðherra hundsa vilja ríkisstjórnarinnar í svona langa tíma.

En ef hún sætti sig ekki við þau, og VG bætti ekki úr, þá var Jón sekur, og þá þurfti enga friðþægingu.

Þannig að þetta með Árna Pál var gjörsamlega óskiljanlegur hluti af rökréttri atburðarrás, ekki nema að maður spáði í það sem hengi á spýtunni.

Og einhvern tímann þegar ég hlustaði á fréttir í Víkinni minni, þá flaug í gegnum huga minn, Nei hver fjandinn, er ICESave að skella á.

Þegar maður horfir á farsa þá veit maður að á bak við hann er skapandi hönd, farsar skapa sig ekki sjálfir.  Og ég keypti ekki þau rök að Jón ætti að víkja með látum vegna ESB.  

Skoðum nokkrar röksemdir.

Í það fyrsta, ef það þarf að losa um Jón, þá er það gert á þann hátt sem alltaf er gert, það er stokkað upp í ríkisstjórninni og formaður tilkynnir honum það á síðustu stundu.  Sú uppstökkun á sér ekki stað ef menn telja sig missa þingmeirihluta við þann gjörning.  Telji menn þingmeirihlutann í vafa, þá er aðeins eitt öruggt, menn vega ekki að honum með fjölmiðlasirkusi.

Það þjónar einfaldlega ekki málstaðnum sem í þessu tilviki er að tryggja áframhaldandi aðlögunarviðræður.

Í öðru lagi þá er ljóst að ESB aðlögun gengur mjög vel, þjóðfélagið er sýkt með peningum og regluverk ESB er að taka yfir.  

Jón Bjarnason er ekki að flækjst fyrir, það er aðeins hugarburður ykkar ESB andstæðinga sem látið atburðarsmiði Atvinnusamfó stjórna ykkur frá A til Ö eins og ég benti á í fyrri tilviljunarpistli mínum.

Jón Bjarnason er einmitt styrkur þessa aðlögunarferlis.  Það vita það allir að ESB gerir ekki undanþágur á sjávarútvegsstefnu sinni en það má bara ekki segja það, opinberlega.  Og hvað er betra en að kenna Jóni Bjarnasyni um að sjávarútvegsmálin eru ekki rædd??

Svo einföld og góð skýring og vitgrannir fjölmiðlamenn gleypa við henni, og því miður hin æsta ESB andstaða.

Málið er að plottið er að aðlaga þjóðfélagið hægt og hljótt og láta síðan þjóðina standa fyrir því sem næst gerðum hlut þar sem næstum hver og einasta stofnun er komin á ESB spenann gegnum mútukerfi þeirra.  

Á lokasprettinum er síðan tilkynnt eitthvað bla bla í sjávarútvegnum, við fáum hugsanlega eitthvað embætti eða fáum að vera í einhverri nefnd og þjóðinni síðan talið í trú um að það sé ekkert að óttast því núna mótum við stefnuna.

Annar hlut bla bla er einhver tímatengd undanþága um eitthvað sem engu skiptir.

Og svo er treyst á að þjóðfélagið sé orðið svo sýkt að ekki myndist afl til að hamla á móti.  

Ágætis plott en einn hængur.

ESB í sinni mynd verður ekki til þegar þar að kemur.

En plottsmiðir vinna samt eftir núverandi staðreyndum, að ESB hafi verið til og láta alla umræðu á Íslandi snúast um ESB eins og það einu sinni var.  

Blekking sem gengur ágætlega upp vegna þess að það er endalaust hægt að spila með ESB andstæðinga.

En svona leiktjöld þola ekki rugg og veltu, hvað þá uppgjör við Jón Bjarnason.  Þetta vita atburðarsmiðir og það myndi seint hvarfla að þeim að skipuleggja atlögu að honum.  Jón er fínn í hlutverki óvinarins, meinlaus maður sem engu ógnar.

Farsinn í haust var ekki frá þeim ættaður, það er ESB smiðir vilja ekki Jón burt.

En farsinn gróf undan einu manni, Árna Pál Árnasyni, hann var látinn vita að hann væri missandi og það sem verra er, aðeins ómerkileg skiptimynt.

Skilaboðin voru skýr, haltu þig á mottunni.

Og hvað vakti reiði guðanna???

Fólk þarf ekki annað en að fletta uppá pistlum Sigrúnar Davíðsdóttur og lesa reiðilestur hennar um íslensk stjórnvöld, a la Árna Pál Árnason til að skilja þá reiði.

Elle, fyrri Tilviljunarpistill minn var saminn áður en forsetatilskipunin um Össur kom fram.

Ég sé ekki annað en að ég hafi verið naskur á atburðarrásina, sérstaklega í ljósi þess að ég hef engar upplýsingar innan úr atburðarrásinni til að byggja á.

Aðeins dómgreind og að vera eldri en tvævetra.

Og í dag minnist enginn á þá bábilju sem tröllreið umræðunni í byrjun, um að hinar meintu endurheimtur geri kæru ESA svo hlægilega, því sé ekkert að óttast.

Heldur hafa menn mannað skotgrafirnar.

Ég hef skilað ágætu verki Elle, fer núna glaður í jólafrí með strákunum mínum, við ætlum að nota tímann til að horfa á bannaðar myndir.  Svona til að vakna á morgnanna, og ekkert ICEsave, hef lofað því.

Enda er ICEsave í góðum málum, það standa öll spjót á ríkisstjórninni.

Heyrumst Elle.

Kveðja, Ómar.

[Elle_, 21.12.2011 kl. 15:02]

Ómar, ég vildi bara svara þessu og vona að ég skemmi nú ekki jólafríið þitt. 

Já, Jóhanna var grunsamleg þegar hún réðst á Jón opinberlega í fjölmiðlum fyrir sjávarútvegsstefnu/vinnu hans.  Hinsvegar fylgdist ég ekki með kvótaumræðunni, get ekki fylgst með öllu og nenni ekki að hlusta mikið á kvótaumræður. 

En það það voru nokkrir sem bentu á hvað það væri fáránlegt að Jóhanna kæmi löngu seinna og grenjaði um Jón í sambandi við sjávarútvegsstefnuna.  Og vitað var að það var e-ð gruggugt við opinbera grenjið.  Við vissum bara ekki hvað.  

Ómar, ég held þú hafir misskilið okkur EU-andstæðinga með eitt eða þá að þú varst ekki þarna til að vita hvað við vorum að segja.  Við höfum oft sagt að hinn svokallaði ´samningur´ verði ekkert nema lög EU eða 90 þúsund blaðsíður af EU-lögum og þar fram eftir götunum.  Eða hreinlega að það sé ekki um neitt að semja:

 

Það verður ekkert um neina fiskveiðilögsögu samið - NOT NEGOTIABLE segir í sáttmálum sambandsins - svo inngöngusinnar geta hætt að tala um ´samninga´ og farið að kalla það fullvedissafsal. 

Elle_Ericson, 15.11.2011 kl. 15:21

 

http://pallvil.blog.is/blog/pall_vilhjalmsson/entry/1204920/#comment3238948SB-umsókn

 

Við andstæðingar vissum að Jón væri ekki að fllækjast fyrir.  Við vissum að það væri kjaftæði og komið frá EU-sinnum.  Það væri þó æskilegra að hafa hann þarna en Össur og aðra Brussel-dýrkendur.

Það eru EU-sinnar sem hafa verið að segja út um allt blogg að Jón standi í veginum fyrir hinum svokölluð´samningaviðræðum´.   Við látum ekki lygasmiði Jóhönnu og co. blekkja okkur eða allavega veit ég ekki um neinn sem gerir það.  

Við spurðum EU-sinna opinberlega hvernig hann gæti verið að standa í veginum þegar hann væri að fara eftir samþykkt alþingis og bentum oft á að Brussel-báknið gæfi engar undanþágur.  ÓUMSEMJANLEGT sögðum við.  NOT NEGOTABLE.  Við höfum oft sagt að hinn svokallaði samningur verði ekkert nema 90 þúsund blaðsíður af EU-lögum og þar fram eftir götunum eða hreinlega að það sé ekki um neitt að semja.

 

En gleðileg jól með strákunum.  Heyrumst, Ómar.  

Elle.

[Elle_, 21.12.2011 kl. 15:29]

Ómar, ég endurtók mig óvart þarna í lokin.  En ég vildi líka segja að þú hefur verið ótrúlega glöggur og líka hafandi verið fjarlægur.  Og eins og þú óttast ég ekki að EU-sinnar komi okkur inn í dýrðarsambandið þeirra.  Málið þeirra er löngu gjörtapað.  Samt get ég ekki þagað yfir yfrganginum í þeim.  Og óttast alltaf að þau lemji ICESAVE endalaust í gegn fyriir akkúrat sama samband.  Það snýst bókstaflega allt sem þessi ríkisstjórn gerir um að þóknast yfirgangssambandinu.  Þau skemma hver einustu jól, 09, 10 og nú 11 með þessu ógeðslega kúgunarmáli ICESAVE.

[Ómar Geirsson, 21.12.2011 kl. 15:40]

Blessuð Elle, ég er ekki gjarn á misskilning, nema þá viljandi.

Ég var ákkúrat að segja að það væri ekki verið að semja, það voru meira að segja grunnrökin mín þegar ég vildi láta reka Össur, að hann væri síljúgandi um að hann væri að semja.

Jón er betri en Enginn fyrir ESB aðlögunina því þú þarft alltaf að eiga óvin, til að þjappa liðinu saman.  

Hann er bara skaðlaus fyrir ESB liðið, en brottfall hans gæti fellt stjórnina.

Og út á við, gagnvart vitgrönnum blaðmönnum sem aftur móta almannaumræðu, þá er það látið líta út eins og Jón standi í vegi fyrir sjávarútvegskaflanum.  En hann átti að koma síðast, hann mun koma síðast.

Því þá verður ljóst að um ekkert var að semja, nema náttúrulega blöffið eitt eins og ég reyndi að lýsa á myndrænan hátt.

Og ég er ekki að gagnrýna ESB andstæðinga, aðeins að benda á staðreynd.

Þeir stjórna ekki umræðunni, stýrð umræða stjórnar þeim.

Ekki það að mér sé ekki nákvæmlega sama, ESB er history.

Kveðja og jólaundirbúningskveðjur.

Ómar.

[Elle_, 21.12.2011 kl. 15:58]

Ómar, ég vissi að þú vissir að það væri ekki verið að semja.  Og ég vissi líka að þú sagðir það.  Við hlustum ekki á Brusseldýrkendarugl.  Vissi bara ekki að ÞÚ VISSIR að VIÐ VISSUM ÞAÐ. 

OG GLEÐILEG JÓL.

[Ómar Geirsson, 21.12.2011 kl. 23:53]

Jú Elle, ég vissi það, og því miður þá hlustið þið á Brusseldýrkendarugl.  Þeir stjórna umræðunni frá A til Ö því ESB andstaðan er höfuðlaus her, taktlaus og nýtur sér ekki þau sóknartækifæri sem við blasa.

Og það eru bömmertur atburðasmiða sem stjórna umræðunni, einhver segir vitleysu hér eða vitleysu þar og allir stökkva á hana.

Og á meðan ráðast menn ekki á veikleika ESB trúboðsins.

Sem eru helst, lygin um aðlögunina, mútur til fjölmiðla og fjölmiðlamanna,  og ekki hvað síst algjör veruleikaflótti frá ástandinu í Evrópu.

Lygin um aðlögunina er refsiverð ef hún kemur frá ráðherra, tilvera Fréttatímans og Fréttablaðsins er mjög vafasöm og umræðan um gildi evrunnar byggist á 10 ára gömlum fréttum.

Dæmi, Eiríkur Bergmann þykist í Silfrinu vita betur en ESB andstæðingur um að reglurnar um aðlögun hafi aðeins átt við þegar Austur Evrópa var innlimuð inn í sambandið, að eftir það hafi verið horfið til gamla fyrirkomulagsins, að semja.

ESB andstæðingurinn hafði ekki bein í nefinu að segja, Eiríkur, annaðhvort lýgur þú eða ert vanhæfur fræðimaður, þú getur ekki vitnað í neitt máli þinu til stuðnings.  Svar Eiríks átti síðan að fara í gegnum hreinsunareldinn strax samdægurs á bloggsíðum og síðan fylgja því eftir með opinberri áskorun að hann standi fyrir máli sínu.  Og allan tímann að jarða útúrsnúninga og rangfærslur.

Eiríkur hefði verið heppinn að hann hefði haldið starfinu sínu en sem fræðimaður og álitsgjafi þá hefði hann verið history eins og sambandið sem hann reynir að ljúga þjóð sína inní.

Úttekt ASÍ á kostum evrunnar var röng, en því var ekki mætt.

Össur á að vera búinn að fá á sig stjórnsýsluákæru vegna rangfærslna í sambandi við aðlögunarviðræðurnar.

Og svo framvegis.

Með öðrum orðum, Elle, það er ekki hægt að hugsa sér betri vígstöðu því það er verið að ljúga og blekkja.

En hinir stjórna samt umræðunni, með bommertum sínum og á meðan er ekki ráðist á þá þar sem þeir eru veikir fyrir.

Og þetta er fámenn klíka, minnihlutaklíka sem er að koma okkur inní ESB.

Og þetta á að segja og ræða í ykkar röðum, því afneitun á raunveruleikanum er bein ávísun á ósigur.

En það reynir ekki á þann ósigur því ESB er history en klaufaskapurinn er sá sami fyrir það.

Hefur þú heyrt í Bjarna Ben eða Sigmundi nýlega ræða um að kæra ESA sé til að róa innstæðueigendur í Evrópu???

Nei, þeir náðu ekki til að stjórna umræðunni.

Hún fjallar í dag um vanhæfi Össurar og meintar tilraunir hans til að klúðra málum.  Sem er náttúrlega gildishlaðin ályktun, en umræðan snýst samt um þetta.

Sá sigrar sem stjórnar umræðunni.

En ég held mig við jólaundirbúningskveðjurnar, vissulega kominn í friðargallann og hættur að senda frá mér púðurkellingar en alltaf gaman að spjalla, það er spjallið sem slípar hugsunina, ekki breiðsíðurnar, ekki nema þá þegar maður reynir að toppa sjálfan sig í ósvífinni og þarf að verja hendur sínar.

En það reynir lítið á það þessa dagana, hér ríkir friðurinn í anda jólanna.

Og veistu, það er ótrúlegt hvað hægt er að stjórna strákvitleysingjum ef maður telur þeim í trú um að myndirnar sem þeir eru að horfa á séu bannaðar.

Og gefandi því þeir spyrja og spyrja og spyrja og maður þarf að svara og svara og svara.

Og þeir eru með það á hreinu að Hringadróttinsaga snúist um ICEsave stríðið, það er baráttuna milli góðs og ills.

Og það góða sigrar.

Eins gott að maður hafi rétt fyrir sér hvað ICEsave varðar.

Jólaundirbúningskveðjur Elle.

Kveðja, Ómar.