Það ku mikið vera að gera hjá bifvélavirkjum á Kúbu.

 

Hefur eitthvað með aldur bílaflotans að gera.

Líklegast er sama þróun í gangi hér því ekki höfðu allir vit á að kaupa sér Kiu sem þarf ekki að gera við.

Eins er hugsanlegur möguleiki að það gæti verið klókt að auglýsa eftir bifvélavirkjum í Noregi, á íslensku.  

Og kannski er bara svona leiðinlegt að vinna  hjá Heklu, hvað veit hinn almenni lesandi sem fær þessa áróðursfrétt úr Valhöll matreidda svona ofaní sig.

 

En það er þetta með svarta atvinnustarfsemi, vissulega má vera að háir skattar ýti undir hana.  Líklegast alveg rétt.  

En hún hefur líka eitthvað með eftirlit að gera sem og hörku þeirra sem eru löglegir að láta hana ekki viðgangast.

 

En fyrir skattpíndan almenning í skuldafjötrum verðtryggingarinnar getur hún verið eina leiðin til að láta gera við heimilisbílinn.  Svarta atvinnustarfsemin er því svar við eftirspurn heimilanna.

Og það þarf ekki skattastefnu ríkisstjórnarinnar til, fjötrar verðtryggingarinnar eyða hagkerfinu innanfrá því fjármagnið sogast í tilbúnar skuldahækkanir.  

Þegar allar tekjur fólks umfram nauðþurftir fara í vexti og afborganir stökkbreyttra lána, þá fjarar undan hinu hefðbundnu hagkerfi, fólk hefur ekki efni á því.

Orsakasamband sem Sigmundur Davíð benti strax á í upphafi þegar hann talaði fyrir leiðréttingu á hinum stökkbreyttu lánum.

 

Á Sigmund var ekki hlustað, munaði þar mest um svæsna áróðursherferð samtaka launþega og samtaka atvinnurekenda.

Hinn almenni atvinnurekandi ákvað að styðja sína menn, þeir hafa reynst svo vel.

Núna kemur hann vælandi og skælandi og kennir ljótu vinstri stjórninni um, stjórn sem gerir ekki neitt annað en að framfylgja stefnu sem var mótuð af fyrri ríkisstjórn í samvinnu við Alþjóðagjaldeyrissjóðinn.

Samt var honum sagt að hann myndi brenna sig vegna þessa stuðnings.

Og þegar sýra heimskunnar brennir upp starfsemi hans, þá hvarflar ekki að honum að hrinda frá sér sýrunni heldur ákallar hann guðina um að hans menn komist aftur í stjórn svo öruggt er að bætt sé í sýruna.

 

Hann er eins og konan í Gúlaginu sem ákallaði Stalín um hjálp.  Hún var nefnilega sanntrúaður kommúnisti sem var með það á hreinu að fangavist hennar væri verk vondra manna, líklegast sínonista eða einhverra gagnbyltingarsinna.

En Stalín gerði ekki neitt ljótt, hann var góður.

Það þarf ekki að taka það fram að bænum hennar til Stalíns var ekki svarað, hún dó í fangabúðunum.

 

Ég held að það fari eins fyrir íslensku atvinnulífi, það kallar eftir fíflum, og uppsker fífl.

Kveðja að austan.

 

 

 

 

Ein umsókn eftir 3 auglýsingar

Athugasemdir

[V.Jóhannsson (IP-tala skráð) 3.8.2011 kl. 11:15]

Og þá spyr ég. Fynst þér að ESB löndin eigi að samþykkja þessa fífla þjóð í bandalagið? Ekki ég, enda hefur hún ekkert upp á að bjóða umfram fiskimiðin.Hún mun valda vandræðum frá fyrsta deg.

Hvernig á t.d. að leysa verðtryggingardæmið ?

[Ómar Geirsson, 3.8.2011 kl. 11:32]

Já, hún yrði þar í góðum félagsskap.  Viðbrögðin við vanda evrunnar og hinn yfirmátlegi kuldi gagnvart almenningi í þeim löndum sem evran olli hörmungum sýnir að íslenskri stjórnmálamenn, fyrir utan Sigmund Davíð, gætu borið höfuð hátt í Brussel, yrðu þar innan um lærimeistara og jafningja.

Varðandi verðtrgginguna þá vísa ég á tillögur HH sem eru um margt samhljóða tillögum Sigmundar Davíðs.

En hvernig á að fjármagna??  Gunnar Tómasson, sá aldni hagspekingur kom með lausn þar á, er um margt keimlík þeim ráðum sem þjóðir í stríði grípa til, það er langtíma skuldabréf ríkissjóðs á lágum vöxtum.  Það yrði handa þeim aðilum sem hafa ekki fengið sannaðan afslátt á lánasöfnum sínum eins og bankarnir.

Ósköp auðvelt, ósköp einfalt í framkvæmd, strandar á einu????

Sem er, þegar þjóð kallar eftir fíflum, uppsker hún fífl til að stjórna.

Kveðja að austan.