".... þegar víðtækar endurbætur leiða hratt til góðrar niðurstöðu,"

Sagði Merkel á fundi með Jóhönnu.

Og hvað skyldi hún hafa fyrir sér í því???

Fékk hún upplýsingar frá hinum nýju eigendum  bankanna, amerísku vogunarsjóðunum, um hvernig ætti að fara að  að blóðmjólka almenning þar sem stjórnvöld lúta boðvaldi fjármagns.   Kannski uppfræða þeir hana um að hún skuli selja kröfur Grikkja og Íra fyrir slikk, til þeirra, og þeir skuli sko halda fólki við efnið að borga.

Og borga.

Líkt og stökkbreyttu skuldirnar hafa skapað þeim óendanlega féþúfu á Íslandi í boði stjórnvalda.

 

Eða er Merkel að fá upplýsingar hjá Jóhönnu um hvernig hægt er að tala upp ástandið með því að láta Hagstofu Íslands semja efnhagsspár.  Til dæmis væri hægt að sannfæra grískan almenning um aðhaldsaðgerðir AGS/ESB ef Hagstofan Íslands myndi spá þarlendum 5% hagvexti vegna aukinnar einkaneyslu sem yrði örugg í kjölfar aðhaldsaðgerðanna.

Það er aldrei kreppa ef menn hafa vit á að vitna í tilbúnar tölur.

 

Já, það væri fróðlegt að vita hverjar þessar víðtæku endurbætur stjórnvalda væru.  

Mér er ekki kunnugt um þær, en hvað veit ég, hvorki auðróni eða leigupenni auðmanna.  Eða veruleikafirrtur vinstrimaður.  

Ég sé aðeins heilu hópana sem hafa ekki í sig og á, aðra sem láta enda ná saman með því að ganga á sparifé sitt.  Ég sé líka launafólk sem hefur tekið á sig miklar kjaraskerðingar til að þjóðarskútan haldist gangandi.

Og ég sé atvinnulíf þar sem ekkert er gert vegna skulda.

 

Ég sé ekkert annað en skemmdarverk frá stjórnvöldum.

Ómennum var afhent bankakerfið.

Óbermi voru látin móta óráð í efnhagsmálum, með skatthækkunum og skuldsetningu þjóðarbúsins.  

 

Aðeins kröftug mótspyrna þjóðarinnar hindraði hluta óráðanna, ICESave gjaldþrotinu var forðað, Seðlabankinn þorir ekki ennþá að kaupa út krónubraskara nema í smáskömmtum.  Hræðslan við uppreisn þjóðarinnar vofir yfir, og því á að gera hana gjaldþrota í smáskömmtum í stað eins risastökks eins og AGS lagði til.

Og blessuð krónan bjargaði efnhagslífinu.

 

En alveg eins og ríkisstjórn þakkar sér að ætíð renni upp nýr dagur, þá þakkar hún sér að hér er ennþá atvinnulíf og mannlíf, þó hún hafi lagt sig fram um að útrýma hvoru tveggja.

Og alveg eins og Merkel talar um vanda Ítala á þann hátt að þeim dugi að samþykkja einhverja aðhaldsaðgerðir til að forða evrunni frá falli, þá talar hún um málefni Íslands eins og raunveruleikinn skiptir engu máli.

Heldur skiptir aðeins máli hvað sagt er, og að það sé jákvætt og fallegt.

 

Á meðan brennur Evrópa upp vegna algjörlegrar vanhæfra stjórnenda, stjórnenda sem skilja ekki á nokkur hátt þann vanda sem við er að glíma.

Og eru algjörlega ófærir til að takast á við þær aðstæður sem eru að leiða til hruns evrunnar og alls fjármálakerfis álfunnar.

Þeirra eina hæfni felst í að babla svo það ætti ekki að koma nokkrum manni á óvart að Merkel hrósi Jóhönnu. 

Eurokratar eru jú allsstaðar eins.

Og þeir stjórna Evrópu á meðan almenningur rís ekki upp gegn vanhæfninni og þeirri fólsku að láta almenningi blæða út vegna óráðsíu fjármálamanna og spillingar stjórnmálamanna.

 

En eitt má segja, sem Merkel hefði getað sagt, og það hefði ekki verið babl, og það er;

"Jóhanna þú ert hér".

Hún hafði sem sagt tíma í öllum sínum önnum til að hitta kanslara Þýsklands.

Það út af fyrir sig er frétt dagsins.

Og má alveg segja ef menn vilja segja eitthvað jákvætt.

 

Jóhanna er fundin.

Kveðja að austan.

 

 

 

Jóhanna fundaði með Merkel

Athugasemdir

[Óskar Guðmundsson (IP-tala skráð) 11.7.2011 kl. 17:00]

Jóhanna hefur getað sagt við Merkel: "Æm hýr" og Merkel svarað: "Yes, you here now".

J: "No, no... júnó.... Lesbos"

M: No, thats in Greece"

J: "No.... me go down"

M: "Yes, you in deep shi*"

J: "No... me læk Est... you West.

M: "Yes, Iceland new East but you in West now"

J: "No, no... this just ...eeehh blússa...  old thing"

M: "No, I´m not old, you hag.

J: "We go to Haag, not good... me not læk... not læk Júrí"

H: "What?.... Are you shure you are all "right" in the head?"

J: No..no, no... my her has olveis bín læk þis".

[Stefán (IP-tala skráð) 11.7.2011 kl. 17:40]

Nú þegar Þjóðverjar eru að fara að loka kjarnorkuverum sínum og vantar nýja orkugjafa, hefðu Íslendingar átt að semja við Þjóðverja um lagningu sæstrengs til Þýskalands. Þjóðverjar væru örugglega fáanlegir til að fjármagna framkvæmdirnar og Íslendingar gætu selt þeim ódýra raforku í stað þess að hruga hér endalaust niður nýjum álverum.

[Jón Aðalsteinn Jónsson, 11.7.2011 kl. 19:18]

Hvað myndi sú orka skapa mörgum Íslendingum vinnu Stefán ?

[Ómar Geirsson, 11.7.2011 kl. 21:05]

Takk fyrir innlitið félagar, og Óskar ég er ennþá hlæjandi.

Stefán.  Það er alltaf eitt sem gleymist í þessari sæstrengsumræðu, að orkan frá Íslandi skiptir engu fyrir stærri þjóðir, við eigum næga orku per haus, en ekki ef hausarnir eru margir.

Og svo tek ég undir með Jóni, til hvers að virkja ef ekki til innlendrar hagsældar.

Kveðja að austan.

[Sleggjan og Hvellurinn, 11.7.2011 kl. 21:17]

Þú talar um stökkbreyttar skuldir (verðtryggðar og gengis) einsog það sé mesta bölið í dag. Og kennir AGS og fjármálastofnanir um.

Svo segjir þú  "Og blessuð krónan bjargaði efnhagslífinu"  ég svelgdist á kaffinu einsog maður segjir.

Í fyrsta lagi er skuldastaða almennings svona hörmuleg. Einsog þú bendir á. Einmitt vegna krónunnar. 

Verðtryggingn og gengislánin. 

Fólk tók erlent lán vegna þess að vextirnir voru svo fjandi háir á krónunni.

[Sleggjan og Hvellurinn, 11.7.2011 kl. 21:20]

Jón Aðalsteinn Jónsson

Fjöldi starfa er ekki það sem skiptir öllu máli heldur arðurinn á hverju starfi. Hversu mikinn auð mun viðkomandi aðgerð skapa með auðlidnanýtingu. Þess vegna er þetta kalla AUÐlind.

En það er mikill misskilningur að við séum eitthvað svaka orkuveldi. Með okrunni sem við erum að nýta í dag getum við séð ESB fyrir 0,5% af orku. Ef við virkjum allar sprænur á landinu getum við séð ESB fyrir rúmlega 1% af orkuþörf. Þannig að það er rétt sem Ómar höfundur segjir.

En það er greinilegt að margir Íslendingar sjá ekki hlutina í alþjóðlegu samhengi og halda að Ísland sé einhverskonar stórveldi. (kannski ennþá 2007 hugsunin í gangi)

[Elle_, 11.7.2011 kl. 23:16]

Nákvæmlega, Ómar.  Skuldastaða almennings er ekki slæm vegna krónunnar þið þarna tveir saman, hvað sem þið nú heitið.  Skuldastaða almennings er slæm vegna óstjórnar og spillingar stjórnmálamanna.  Og þjófa og vogunarsjóða sem stjórnmálamenn hafa gefið skotleyfi á skuldara. 

[Ómar Geirsson, 11.7.2011 kl. 23:25]

Blessuð Sleggja mín.

Ennþá reynir þú á styrk höfuð þíns og treystir á að steinn láti undan.

Verðtrygging, ofurvextir, gengistenging, koma gjaldmiðli ekkert við, þetta eru útfærslur sem eru stórhættulegar við ákveðin skilyrði, til komin vegna þess menn hafa ekki getu eða þekkingu til að stjórna efnhagsmálum.

Verðstryggingin var sett á meðal annars til að tryggja verðgildi lána og til að tryggja efnhagsstöðugleika.  Það er ljóst að hún gerði það ekki í aðdraganda Hrunsins, og eftir Hrun er virkni hennar öfug.

En stjórnmálamönnum okkur skortir kjark og vit til að sjá það, viðurkenna forsendubrest hennar og afnema hana meðan hörmungarnir ganga yfir.

Það er óstöðugleiki, þensla, bóla sem felldi hagkerfið.

Ef þessir þættir eru til staðar, þá skiptir engu hvaða gjaldmiðill er, hagkerfi hrynja.  

En gjaldmiðill getur hjálpað til við lausn með því að aðlaga hagkerfið að hinum nýja raunveruleika, að finna jafnvægi á kaupmátt og skuldir.

Það er það sem sjálfstæður gjaldmiðill ríkja gerir.

Sé hann fastur, eða viðkomandi ríki hafa ekki stjórn á gjaldmiðli sínum vegna þess að þau nota gjaldmiðil annarra, eða eru aðilar að stærra gjaldmiðlasvæði, þá leitar ójafnvægið útrás með launalækkunum, fjöldagjaldþrotum, rekstrastöðvnun.

Það er það sem er að gerast á evrusvæðinu, og er rétt að byrja.

Og það er ótrúleg þráhyggja að sjá það ekki Hvellur minn.

Er líklegast það sem kallast vitskerðing vegna trúar eða meinloku.

Vona að þessi skerðing gangi til baka.

Kveðja að austan.

[Sleggjan og Hvellurinn, 11.7.2011 kl. 23:31]

Elle

Var það ekki almenningur sem tóku erlend húsnæðislán, erlend bílalán, verðtryggð húsnæðislán?

Var það ekki almenningur sem skifuðu undir þá samninga?

Ekki tók siðspilltur stjórnmálamaður verðtryggða húsnæðislánið mitt árið 2005. Ég skrifaði undir það lán sjálfur.

Svona málflutningur er alveg út úr kú.

[Sleggjan og Hvellurinn, 11.7.2011 kl. 23:36]

"Verðtrygging, ofurvextir, gengistenging, koma gjaldmiðli ekkert við"

jú þeir koma gjaldmiðli við á því leyti að almenningur tók erlent lán til þess að forðast ofurvaxtakrónuna.

En það er rétt hjá þér að krónan er að hjálpa útflutningsatvinnuvegunum. Hún skerti lífskjör almennings. Hún varð valdur að verðbólguskoti, 18% stýrivöxtum og gengisfalli sem hækkuðu lán. Vissulega hefur krónan sína kosti. En meðan hún er að vissu leyti að hjálpa útflutningum einsog er (með því að lækka laun almennigs) þá var hún mikið mein á útflutningsatvinnuvegina í góðærinu. Hún var alltof hátt skráð og var að valda miklum skaða. 

[Elle_, 11.7.2011 kl. 23:39]

Allur málflutiningur þinn er út úr kú.  Almenningur tók ekki stökkbreytt lán og ég nenni ekki að svara þvælunni í þér bæði í síðu Ómars og Páls og víðar. 

[Sleggjan og Hvellurinn, 11.7.2011 kl. 23:44]

Elle

Almenningur tók gengistryggt lán og krónan féll og þar að leiðandi "stökkbreyttist" það. Eða hækkaði all verulega einsog ég mundi orða það.

En það neyddi enginn fólk að taka þessi lán. 

Ég er sammála að almenningur tók ekki stökkbreytt lán.   

En almenningur tók verðtryggt lán er þaggi?

Og erlent lán?

Eða er ég eitthvað að rugla eða?

Ef þú heldur því fram að ég kem með þvælu þá væri ég til að þú mundir rökstyðja það frekar. Þætti mjög vænt um það.....   kannski rökþrota?     Ég skil það mæta vel

[Elle_, 11.7.2011 kl. 23:47]

Eins og ég svaraði er allur málflutningur þinn út úr kú og svo ég noti nú þitt ofurfágaða orðalag.  Og ég er líka sammála Ómar um þráhyggjuna og líklegu vitskerðinguna.  Hann tók af mér skarið.  Nú geturðu haldið ruglinu áfram í hinni síðunni, já svo ég noti nú aftur þitt fágaða orðalag.   

[Ómar Geirsson, 12.7.2011 kl. 09:04]

Blessuð Sleggja mín.

Þú áttir ekki gott kvöld í rökræðu í gær.

Auðvita tók almenningur lán með verðtryggingu, eða gengislán, þannig var jú kerfið.  En kerfið gat alveg verið með því skilyrði að þú fengir ekki lán nema þú gengir þrjá hringi rangsælis, nakinn í kringum bankann og veltir þér í leiðinni upp úr dögginni.  Og almenningur hefði gert það til að fá lán.

Eða fært fórnir við altari líkt og tíðkaðist í fornöld, það skiptir ekki máli, kerfi kemur gjaldmiðli ekki við.  

Gjaldmiðill er skiptimynt í viðskiptum, ef það er ójafnvægi þá reynir á sveigjanleika hans.  Ef hann hefur ekki sveigjanleika, þá leitar ójafnvægið útrás á annan hátt.  Og þessi annar háttur er skaðlegri samfélögum fólks en breytingar á verðgildi gjaldmiðils. 

Til dæmis ef það myndast skortur á gjaldmiðli, þá er erfiðara að eiga viðskipti.  Vandi sem til dæmis Spánverjar eru að glíma við.  Þeir eru með framleiðsluþættina, en vantar gjaldmiðil til að nýta þá, vegna þess að spænska banka skortir evrur, og þarlend stjórnvöld geta ekki útvegað þeim hana.

Annað er ef gjaldmiðill er of hátt verðlagður miðað við framlegð hagkerfisins, þá er skuldasöfnun sem endar alltaf í gjaldþroti og stöðvnun, og svo framvegis.

Sveigjanleiki hefur líka ókosti, það hefur allt kosti versus ókosti. 

En við þær aðstæður sem núna ríkir, þá lifa þeir af sem aðlaga gjaldmiðil sinn raunveruleikanum.  Svo einfalt er það.

En það er ekki sama að þeir séu lausir við allan vanda, eða að slík lausn dugi um aldur og ævi.

Það verður að tækla hlutina eins og þeir eru á hverjum tíma, út frá þeim vanda sem við blasir.

Annað er kredda, og raunveruleikinn sigrar alltaf kredduna.

Hættu því að lemja hausnum við stein.

Þú færð hausverk.

Kveðja að austan.