Kanntu annan???

 

Fons í peningaþvætti!!!, þetta sem voru nýþvegnir skátar, allir sem einn.

Og njóta traust þjóðarinnar, annars hefðu ríkisstjórn Jóhönnu og Steingríms ekki slegið skjaldborg um eigur þeirra.

Og tekið risalánið hjá AGS til að endurgreiða þeim aflánskrónur þeirra á yfirgengi.

Eða reynt að koma landinu í ESB svo þeir geti haldið áfram að gambla í heimi ofurfjármagns.

 

Nei, það er engin hemja hvað Mogginn er rætinn við þessa "besti" syni þjóðarinnar og einkavini vinstri stjórnarinnar 

Það mætti halda að um hreina öfund væri að ræða.  Enda Mogginn aðeins kostaður að útgerðarauðvaldinu, sem á ekki bót fyrir boru, en samkeppnisaðilar hans hafa digra sjóða banka og auðmanna úr að spila.

Og jafnvel gæti svona fréttaflutningur litast að heift út í vinstri stjórnina og sú heift heimfærð yfir á kostunaraðila hennar.  Eins og þeir geti að því gert að það er góður bissness að kosta núverandi stjórnvöld sem hefur reynst hverrar kostunarkrónu virði.

Það er að segja í vilja þó aulagangurinn hafi hindrað flest hennar verk.

 

Nei, íslenskir auðræningjar, afsakið auðmenn ætlaði ég að skrifa en delete takkinn virkar ekki, njóta ekki sannmælis öfundsjúkra manna.

Og á meðan fáum við fleiri svona fréttir, því Moggamenn kunna annan, og jafnvel fleiri til.

En staðfastir vinstrimenn munu ekki trúa Moggalyginn frekar en fyrri daginn og munu styðja sína menn.  Þeir náðu ekki að redda þeim ICESave, en braskaralán AGS er farið að virka, aurinn er byrjaður að klingja í vösum hinna góðu sona landsins.

Og á meðan staðfesta vinstri manna heldur, þá mun engin öfundsjúkur stjórnmálamaður á eftirlaunum ná að höggva skarð í gróða og yfirráð auðræningja, aftur afsakið auðmanna átti þetta að vera, yfir landi og þjóð.

 

Og á góðum stundum mun sungið verða; 

"Fram þjáðir auðmenn sem þurfa að sitja undir Moggaróg".

Og svo verður haldð á uppboð og eignir "ekki þjóðar" keypt á slikk.

Því þó guð sjái ekki um auðróna, þá sér ríkisstjórnun um þá.

 

Og Mogginn er bara öfundsjúkur.

Kveðja að austan.

Fons bendlað við peningaþvætti

Athugasemdir

[Jóhann Elíasson, 11.7.2011 kl. 08:53]

Og kannski væri ekki úr vegi að minnast á þann orðróm, sem gengur fjöllunum hærra, að "erlendir" kröfuhafar bankanna og núverandi "eigendur" þeirra (en enginn virðist vita hverjir eru.  Persónulega finnst mér það skrítið.), séu að stærstum hluta lífeyrissjóðirnir og útrásarvíkingarnir.  Ef eitthvað er til í þessu þá er verið að blóðmjólka almenning til að láta útrásarvíkingana fá aftur það sem þeir stálu af okkur.

[Umrenningur, 11.7.2011 kl. 11:04]

Góður .

[Haraldur Haraldsson, 11.7.2011 kl. 11:28]

 Mjög góður !!!!!

[Ómar Geirsson, 11.7.2011 kl. 21:02]

Takk fyrir innlitið félagar.

Jóhann, það hefur bæði verið fullyrt að braskarakrónurnar séu að miklu leiti í eigum íslenskra "erlendra" fjárfesta, sem og að margir hafi endurreist fjáhag sinn eftir Hrun með því að kaupa bankabréfin á slikk.  

En á meðan þeir eiga Ísland, þá mun sannleikurinn halda sig neðanjarðar.

Kveðja að austan.