Er vanhæfni ráðningarkrafa hjá Morgunblaðinu????

 

Ég var að fletta Morgunblaðinu í dag og sá kostulega frétt á síðu 6 undir fyrirsögninni, "Vilja bæta úr skaða ICEsave deilunnar".   Og þar kom þessi klausa sem vanvirti staðreyndir og svívirti fagmennsku Morgunblaðsins.

 

"Aðspurður um hvernig staðan í Icesave-málinu horfi við Bretum í dag segir Hamilton að þeir krefjist enn endurgreiðslu, en Már Guðmundsson seðlabankastjóri hafi gefið greinargóða lýsingu á horfunum og útskýrt að Ísland stæði við sínar skuldbindingar en það gæti tekið tíma. »Ég held að fólk hafi skilning á þessu. Það er slæmt þegar bankar falla og fólk á skilið að fá peningana sína til baka. En ef fólk veit að peningarnir komi, jafnvel þó það verði eftir 2-3 ár, þá heldur það ró sinni, svo lengi sem því er ekki sagt að það fái peningana aldrei aftur."

 

Ekki skal ég úttala mig um hvort Hamilton þingmaður breska verkamannaflokksins sé einfeldningur eða síljúgandi fjárkúgari, en hann er í þeirri stöðu að hann ætti að vita að breski Tryggingasjóðurinn, FSCS greiddi innlánseigendum ICEsave strax út þá tryggingavernd sem þeir höfðu hjá FSCS samkvæmt skyldutryggingu Landsbankans hjá sjóðnum.

Breski tryggingasjóðurinn á svo endurkröfurétt á þrotabú Landsbankans.

 

Það er því ekkert "fólk" sem þarf að bíða í 2-3 ár eftir peningum sínum.  Og það eru bresk fjármálafyrirtæki sem fjármagna þessar greiðslur með tryggingariðgjöldum sínum.  Það er það sem ekki fæst greitt úr þrotabúinu.

 

En það skiptir ekki máli hvort Hamiltion sé sauður eða ósvífinn fjárkúgari, blaðamaðurinn sem skrifað þessa frétt vinnur hjá fjölmiðli sem gefur sig út fyrir að vera faglegur og ástunda vönduð vinnubrögð.  

Þess vegna á hann að þekkja til staðreynda ICEsave málsins því stærri mál sem varða hag og framtíð þjóðar hans, eru vandfundin.  Blaðamaðurinn á að spyrja Hamilton af hverju hann tali um "fólk", bíðandi í 2-3 ár, svona í ljósi staðreynda málsins.  

Og hann á að upplýsa Hamilton og síðan lesendur blaðsins um þær staðreyndir.  

Það er ekkert sem afsakar vanþekkingu hans eða fréttastjórans sem hleypti þessari frétt í gegn.

 

Málið er ennþá alvarlegra vegna sífelldra athugasemda ritstjórnar Morgunblaðsins um fagmennsku Baugsmiðlanna eða fréttaflutning Ruv í ESB aðlögunarferlinu eða þá í ICEsave deilunni.

Ritstjórinn virkar sem hreinræktað fífl með þessar ábendingar sínar, þegar hans eigið blað þekkir ekki til grundvallaratriða í þessari þjófnaðartilraun breta, kennda við ICEsave.

Og ef það er ekki birt leiðrétting í mánudagsblaðinu og lesendur blaðsins, ásamt þjóðinni allri, beðnir afsökunar á þessum óbeina stuðning við fjárkúgara og þjófa, þá er ljóst að bæði hefur ritstjóri blaðsins álíka áhrif á fréttaflutning blaðsins og ræstingarkonan, og að steinum er varpað úr glerhúsi í miklu magni úr Móunum.

Og gamla máltækið, "margur heldur mig sig", þar í fullu gildi.

 

Og það finnst mér sorglegur endir á ferli annars mikilhæfs manns.

Kveðja að austan. 

 

 

 

 

 

Athugasemdir

[Helga Kristjánsdóttir, 2.7.2011 kl. 21:57]

   Sæll vertu ævinlega,þetta hryggir mig, eða ætti frekar að segja reitir til réttlátrar reiði,rétt eins og þig. Ég mun biðja gestgjafa mína að fá að kíkja í Mbl. á mánudag,í sumarbústað þeirra fyrir norðan,get ekki lesið í bíl.  Tók eftir í dag,hve þið pistlahöfundar og þeir sem koma málstaðnum til varnar í kommentum,eru áberandi betur að ykkur,eru betur skrifandi,en þeir sem halda uppi pistla-síðum eins og Evrópusamtökin,sem dæmi. Hef oft hugsað um hve þetta er óréttlátt,að þessar raddir komast aldrei í færi við þá, sem með (má segja) valdbeitingu þvinga okkur í ESB. Þótt margir fréttamenn séu ágætir ,spyrja þeir aldrei eða fylgja eftir spurningum,sem þeir ættu að svara. Ísland er búið að vera,takist Krötum þessi svívirðing,komum í veg fyrir það.  

[Björn Jónasson (IP-tala skráð) 3.7.2011 kl. 02:26]

Að öðru leyti allt gott Ómar?

[Ómar Geirsson, 3.7.2011 kl. 09:22]

Jamm Björn, mér leiðist ekki þegar ég gjamma út í Móa.

Helga, er þetta ekki ágætisfólk þarna á Evrópuvaktinni, þeir eru aðeins á öðru leveli.  

Ef ég væri í þeirra stöðu þá myndi ég eflaust ekki láta öllum illum látum í hvert skipti sem mig langar til þess.  Við gegnum öll okkar hlutverki í umræðunni, fyllum upp í ákveðna mynd, og samhent eins og í ICEsave þá erum við þursabanar líkt og Æsir forðum.

En þegar þú ert döpur vegna ESB innlimunarviðræðuferilsins þá skaltu kíkja á síðurnar hjá Einari Birni og Gunnari Rögnvalds, þar færðu, reyndar frá mismunandi sjónarhorni, daglega rök fyrir að þetta er allt að hrynja hjá þeim í Brussel.

Og Össur fer ekki með okkur inn á meðan.  

Ísland lifir, okkar vandi er innri vandi, við látum of auðveldlega blekkja okkur.  

En daginn sem þjóðin öðlast manndóm sinn á ný, og tekur á skuldamálum þjóðarinnar af réttlæti og sanngirni, mun allt byrja að breytast til betri vegar.

Vandinn er ekki ríkisstjórnin Helga, vandinn eru hin söguleg svik Sjálfstæðisflokksins í skuldamálum þjóðarinnar þegar mannúðin og mennskan  laut í gras fyrir ómennskunni undir forystu Péturs Blöndals.

Ef fólkið innan flokksins hefði sigrað auðræningjaklíkuna, þá hefði ríkisstjórnin fallið síðasta haust, og í kjölfarið hefði Alþingir undir forystu Sigmundar Davíðs (hann mótaði strax raunhæfar lausnir) gengið til samninga við Hagsmunasamtök Heimilanna og í kjölfarið hefði loksins verið tekist á við vanda þjóðarinnar.

Og þá væri Ísland farið að rísa á ný.

Þetta er eins og sagan um manninn sem gekk um bæinn og skaut á fólk en löggan horfði á því fólkið var að mótmæla stjórnvöldum.  Ef maður er naví, þá kennir maður manninum um ódæðið, en  maður sér hlutina í samhengi, þá veit maður að afskiptaleysi þeirra sem horfðu á, og gátu stöðvað drápin í fæðingu, er hin raunverulegu orsök.

Þess vegna glotti ég alltaf út í bæði þegar ég les hægri blogg þessa daganna þar sem hinir auðtrúuðu halda ekki vatni yfir "ódáðum" vinstri stjórnarinnar, með  Vinstri með stórum staf, og um þetta Vinstri er öxull þeirra gagnrýni.

En þeir neita að horfast í augun á þeirri óþægilegu staðreynd að þegjandi samþykki þeirra eigin flokksforystu er skýring þess að hin meintu ódæði eru látin viðgangast.

Því þar er aflið til að stöðva þau.

En sælir eru auðtrúaðir, því þeir trúa að þeirra sé himnaríkið, að hið vonda verði gott þegar þeir sjálfir sjá um framkvæmd þess.

En hið vonda er alltaf vont, allavega í raunveruleikanum.

Kveðja að austan.