Sagði Steingrímur satt????

 

Sagði hann frá því hvernig hann gaf amerískum vogunarsjóðum þrotabú gömlu bankanna til að mergsjúga íslenskan almenning???  Þannig að hryllingssögur lénstímans rættust í framkvæmd íslensku ríkisstjórnar félagshyggju og velferðar!!!   

Sagði hann frá því þegar hann beitti lygum og blekkingum til að fá þjóð sína til að samþykkja glæpakröfur breta sem námu frá þriðjung til tvo þriðju að landsframleiðslu???  Og hann beiti öllum sínum kröftum til að loka sjúkrahúsum landsbyggðarinnar svo hann ætti skiptimynt handa bretum???

 

Hvað sagði Steingrímur eiginlega???

Sagði hann frá lygaspám Seðlabankans og OECD um hagvöxt sem skuldapíndur almenningur átti að skapa???

Sagði Steingrímur eitt orð satt????

Ef svo var, hvaða orð var það?????

Að Alþjóðagjaldeyrissjóðurinn rændi þjóðir og að Írar skyldu gera uppreisn gegn blóðmjólkun hans í þágu yfirstéttar ESB????

Og vitnaði hann þá í gamlar þingræður manns sem sá ógnina og varaði þjóð sína við henni, reyndar þá í stjórnarandstöðu.

 

Eða er Steingrímur maður fortíðarinnar, ekki nema brotabrot af ógnum genginna sósílaista, sem kúguðu og pýndu almenning í þeim löndum sem þeir réðu.  Með þeim orðum að fórnarlömb þeirra, fólkið, væri ekki venjulegt fólk???

Það útskýrir orð Steingríms á flokksráðstefnu VG þar sem hann montaði sig að því að hjálpa ekki fólki sem væri ekki venjulegt.  "Ég skaut aðeins þá sem áttu eitthvað" sagði Lenín og Vinstri Grænir klöppuðu ákaft fyrir söguþekkingu Steingríms.  Þeir upplifðu gömlu góðu daga byltingarinnar.

 

En Stöð 2 hélt úti dagsskrá um neyðaraðstöð handa venjulegu fólki sem átti ekki til hnífs og skeiðar.  En vissulega vantaði auðmenn landsins í þá dagsskrá, þeir hafa ennþá efni á Monaco kappakstrinum.  

Og telja Íslandi vel stjórnað.

Og þeir kostuð Steingrím til Írlands.  

Og írskir auðmenn tóku þátt í þeim kostnaði, loksins kom stjórnmálamaður sem sagði almenningur ætti að borga óhóf þeirra og óráðsíu.  Og sá sem það sagði var margverðlaunamaður evrópska vinstrimanna.

 

Hver er vandinn ef óvinur þinn styður þig????

Hið evópska auðvald hefur loksins eignast sinn draumaprins, allaleið frá Íslandi.

 

A meðan safnar Stöð 2 fyrir fátækt fólk.

Svona er lífið á Íslandi í dag.

Kveðja að austan.

 

 

 

 

 

Steingrímur: Varaði við kreppunni

Athugasemdir

[Jóhann Elíasson, 27.5.2011 kl. 14:34]

Hvernig dettur þér í hug að Gunnarsstaða-Móri hafi sagt SATT??????  Hann roðnar þegar hann segir satt.........

[Jón Valur Jensson, 27.5.2011 kl. 15:02]

Góður!

þ.e.a.s. þú, Ómar minn, ekki hann Steingrímur!

Nóta bene: Steingrímur sagði orðrétt: “Það hefur orðið mikill eignabruni, ekki samt hjá venjulegu fólki”!!!

Sjá einnig hér: Hlustið á Ólaf Arnarson á Útvarpi Sögu kl. 2-3 í dag: afhjúpun! og frekari tilvísanir þar.

[Ómar Geirsson, 28.5.2011 kl. 00:32]

Blessaðir félagar.

Jóhann, mér fannst margt til í því sem hann sagði um AGS þegar hann var í stjórnarandstöðu þannig að hann gat svo sem sagt Írum sannleikann.

Jón, hvað er Ólafur að afhjúpa???

Kveðja að austan.

[Jón Valur Jensson, 28.5.2011 kl. 01:55]

Ólafur Arnarson:

"Skuldabréfasöfn voru flutt úr gömlu bönkunum í þá nýju á afslætti, sem nam 60-70 prósentum. Ástæðan fyrir afslættinum var tvíþætt. Annars vegar var mönnum ljóst, að gengislánin yrðu líkast til dæmd ólögleg og hins vegar duldist engum að hvorki heimili né fyrirtæki gátu greitt nema lítinn hluta af stökkbreyttum lánum. Afslátturinn átti að ganga áfram til íslenskra heimila og fyrirtækja. Þetta var stefna ríkisstjórnar Geirs H. Haarde – stefna, sem Alþjóðagjaldeyrissjóðurinn gerði engar athugasemdir við.

Strax eftir að ríkisstjórn Jóhönnu Sigurðardóttur og Steingríms J. Sigfússonar tók við völdum í byrjun febrúar 2009 var horfið frá þeirri stefnu að nota afsláttinn til bjargar íslenskum heimilum og endurreisnar íslensks atvinnulífs og þess í stað ákveðið að ganga til samninga við erlenda kröfuhafa um það hversu stóran hluta afsláttarins væru mögulegt að láta ganga til baka til kröfuhafanna í gegnum skilanefndir.

Niðurstaðan varð sú að kröfuhafarnir eignuðust Íslandsbanka og Arion banka, þrátt fyrir miklar efasemdir Fjármálaeftirlitsins um hæfi nýju eigendanna. FME gaf sig á endanum og margt bendir til þess að það hafi verið vegna pólitísks þrýstings út úr Fjármálaráðuneyti Steingríms J. Sigfússonar.

Samhliða var gengið frá samkomulagi Fjármálaráðuneytis Steingríms J. við skilanefndir og fulltrúa Breta og Hollendinga um það hvernig afslátturinn gengi til baka til kröfuhafa í stað þess að vera nýttur til að lækka lán heimila og fyrirtækja."

Meira hér: Fær Steingrímur J. fyrsta dóminn? (grein Ólafs Arnarsonar á Pressunni 23. maí).

Þetta er hrikalegt mál fyrir Steingrím (hann ætti raunar að falla með brauki og bramli strax í gær, nei, fyrir heilli vilu), en hörmulegt fyrir fólkið sem hefur verið svikið um það, sem stjórn Geirs Haarde hafði í hyggju um þessi bankamál.

[Ómar Geirsson, 28.5.2011 kl. 09:30]

Takk fyrir þessar upplýsingar Jón.

Kveðja að austan.

[Vinstrimaður (IP-tala skráð) 28.5.2011 kl. 10:19]

Ég bjó næstum áratug í Bretlandi og þekki vel til þar í landi. Ég met frammistöðu ráðherrans á eftirfarandi hátt:

Vald á enskri tungu : Falleinkunn. Hræðileg frammistaða. Dæmi um hryllilega ensku ráðherrans:

"least bad ones" (álíka gáfulegt og að segja "minnst vondu nokkrir", svona tala bara ungabörn, "least bad" er ekki til, bara "worst" og svo auðvitað fjöldi orða yfir "skástu" sem ráðherran virðist ekkert kannast við.

"in many european standards"......WHAT?!

og ótal fleiri fáránlegar villur. Þar að auki er framburður ráðherrans FÁRÁNLEGUR. Hann talar ekki eins og erlendur ríkisborgari, sem væri allt í fína, það er fallegra að tala með sínum eigin hreim en stæla annarra nema maður hafi svo gott sem fullkomið vald á hinum framandi hreim, en Steingrímur talar með fáránlegum áherslum á röngum stöðum og óskiljanlega á köflum líka og maður sem hefur nánast ekkert heyrt enska tungu, sem verður að teljast undarlegt.

 Framkoma: FALLEINKUNN! Hræðileg frammistaða.

Bretar dæma því miður greind annarra, líka útlendinga eftir ensku þeirra, og þó þeim finnist smá hreimur og slíkt bara sjarmerandi, var enska ráðherrans það hörmuleg að þeir munu álykta þetta sé treggáfaður maður, og þar af leiðandi hljóti að vera treggáfuð þjóð sem kjósi þá. Sem betur fer kemur forseti okkar afarvel fyrir, og hefur fullkomið vald á enskri tungu, akkurat mátulegan hreim og er mjög greindur maður, og svo hefur Lilja Mósesdóttir komið fram í írska sjónvarpinu og stóð sig þar eins og hetja svo talað var um hve stórgóða ensku hún talaði og hve vel hún kom fyrir, svo þetta vegur vonandi upp á móti hörmulegri landkynningu ráðherrans.

Ráðherran hefur þann leiða ósið að fikta mikið með höndunum þegar hann talar, líkt og geðveikur maður að spila á ósýnilegt píanó. Bretum er mjög umhugað um fágaða framkomu og maðurinn kemur fyrir eins og fífl. Takið eftir hinum tveimur mönnunum og yfirvegaðri framkomu þeirra til samanburðar.

Bretar hata fátt meira en mont, grobb, kulda og "self-importance", en af öllu þessu geislar Steingrímur. Hann virðist líka annað hvort eitthvað tæpur á geði eða skilja illa enska tungu. Hið fáránlega glott hans meðan hinn maðurinn talaði var einstaklega óviðeigandi, þegar svo alvarlegt umræðuefni ber á góm. Glott á óviðeigandi stað og slíkt er nokkuð sem Íslendingar hafa orðið ágætis þolgæði fyrir, enda forsætisráðherra oft eins og geðsjúklingur, en Bretar hafa það ekki, þeir taka mikið eftir svona hlutum og svo virðist sem ráðherran sé að hæðast að írsku þjóðinni og glotta yfir örlögum hennar.

Ráðherran er sneyddur "mennsku", kuldalegur og fráhrindandi og án alls þokka og fágunnar. Málfar hans er hræðilegt og útgeislun hans grobbinn og kaldhæðin, nokkuð sem Bretar sem meta lítillæti, "humility" ofar flestum mannkostum, auk þess að kunna að meta það að geta komið orði fyrir sig, sem ráðherran, sem veigraði sér við að svara þeim spurningum sem hann var spurður með fullnægjandi hætti, líkt og honum detti í hug menn fái hann í þáttinn aðeins til að vilja virða fyrir sér andlit hans, en ætlist ekki til hann segi neitt af viti. Hann varð okkur til skammar.

 Að lokum og alvarlegast alls. Pólítískur trúverðugleiki: FALLEINKUNN ALDARINNAR!!!

Skrifið þessi orð hjá ykkur kæru landsmenn og leggið á minnið því ráðherran hefur opinberað sitt svikula og undirförla eðli:

ef við Íslendingar hefðum "ALREADY had the Euro"...

svona talar bara maður sem býst við að við munum taka upp evruna.

Síðan kom hann sér undan að svara neinum spurningum um Evrópubandalagið...Tókuð þið eftir því?

Ef það er eitthvað sem Bretar kunna ekki að meta, frekar en nokkur siðmenntuð þjóð, þá er það aumingjaháttur og vesældómur þá sem brýst út í skoðanaleysi og því að veigra sér við að tjá sig um "controversial" málefni. Slíkir menn eru álitnir ekki hafa vit á því um hvað þeir eru að tala, ómarktækir og illa menntaðir. Ráðherran verður auðvitað seint sakaður um kurteisi, góða mannasiði eða vandaða framkomu, og hefði varla komið máli sínu almennilega frá sér, hver sem hans skoðun er, en það er aumingjadómur að þegja bara, og sjónvarpsmaðurinn hefði aldrei boðið honum viðtal, né eytt dýrmætum útsendingartíma sem kostar mikla peninga, og tíma milljóna manns, í slíka mannleysu sem þorir ekki einu sinni að tjá skoðanir sínar.

Segðu af þér, vanhæfi ráðherra! Sýndu smá manndóm! Af sömu ástæðu og flugmaður sem fer að missa sjónina ber að segja upp störfum, þó hann sakni launanna, verður þú að sjá villur þíns vegar og skilja það eina siðferðilega rétta í stöðunni er að segja upp!

Og skammastu þín fyrir þitt "already". Þú ert bara SAMFYLKINGARMAÐUR í myglugrænni gæru og þér ber að víkja sem formaður flokks þíns. Ef þú býst við við tökum upp evruna og nennir því ekki að berjast, skalltu bara hypja þig. Sum okkar langar ekkert til að ganga í hvítramannabandalagið sem berst fyrir hag ríkra þjóða gegn fátækari, og hefur aldrei nema hag hinna allra ríkustu að leiðarljósi í raun. Það fer að koma nýtt heimsskipulag og þá verður hvorki pláss fyrir þig né Evrópubandalagið þitt sem þú hefur svikið þjóðina fyrir.

[Vinstrimaður (IP-tala skráð) 28.5.2011 kl. 10:21]

Tek svona fram í lokin, ég vil ekki halda því fram Bretar séu Írar, það myndi nú særa þá suma. En allt sem ég hef sagt hér um Breta gildir ef eitthvað er enn meir um Íra. Hef dvalið mikið á Írlandi og flest sambresk einkenni einkenna þá í enn ríkara mæli en aðra á þessum eyjum, þó þeir hafi sín eigin einkenni þar að auki, enda litrík og lífleg þjóð.

[Ómar Geirsson, 29.5.2011 kl. 17:48]

Ja, þetta er ljótt ef satt er, að Steingrímur hafi móðgað Íra ofaná allt annað.  Hélt samt að öllum væri ljóst að hann væri skrýtinn miðað við þau orð sem höfð eru eftir honum í fréttinni.

"Aðstoð AGS" við  að endurreisa fjármálakerfi!!!!

Vona samt að Írar hætti ekki að senda okkur Guinnesinn, þá fyrirgef ég Steingrími aldrei.

Kveðja að austan.