Er það hlutlaus kynning að segja ekki satt???

 

Er minnst á  að krafa breta er lögleysa, innheimt án nokkurra fordæma???? Að hún styðjist hvorki við íslensk lög, bresk lög eða lög Evrópusambandsins.   Eða að hún styðjist við dóma eða dómsfordæmi??

Nei, það er ekki gert.  Það styggir valdið.

Samt er kennt við Lagadeild Háskólans að sá sem "heldur því fram" að annar skuldi sér, og innheimtir síðan þá upphæð með hótunum og þvingun, að hann sé sekur um glæp, um fjárkúgun.  Það er líka kennt við breska háskóla og í Bretlandi liggja þung viðurlög við slíku framferði.

En Lagastofnun Háskóla Íslands lætur eins og hún þekki ekki lög.  Hvað þá að það eigi að fara eftir þeim.

 

Minnist Lagstofnun Háskóla Íslands á lög Evrópusambandsins heimila ekki ríkisábyrgð á tryggingasjóðum, og þess vegna voru tryggingasjóðir stofnaðir án ríkisábyrgðar, um alla Evrópu.  Að það var ekki fyrr en eftir Hrun sem þessi svokallað ríkisábyrgð kom til tals.

Og þá aðeins vegna þess að breskir lögfræðingar bentu stjórnmálamönnum sínum á að krafa þeirra, upphaflega krafa þeirra, um greiðslu ICEsave vegna meintrar mismunar sem fólst í neyðarlögunum, að hún stóðst ekki.  EES samningurinn heimilaði slíka mismunun sem og lög Evrópusambandsins.

Þá var fyrst minnst á ríkisábyrgð, eftirá, og eftirá var reynt að klæða hana lagabúning.

Af hverju voru allir tryggingasjóðir álfunnar stofnaðir án ríkisábyrgðar, ef það er rétt sem ESA heldur fram að það sé ríkisábyrgð á þeim???  Og af hverju er ESA fyrst að minnast á það rúmum 10 árum eftir að þessir sjóðir voru stofnaðir???

Hvaða hálfviti trúir svona rökfærslu???

En jafnvel þó eintómir hálfvitar vinni hjá Lagstofnun Háskóla Íslands, þá eiga þeir, þó hálfvitar séu, að þekkja til þess að það er ekki nóg að halda eitthvað og fara síðan af stað í beina innheimtu.

Slíkt kallast alltaf fjárkúgun og á það er hvergi minnst í texta Lagastofnunar.

 

Og það sem meira er, það stendur líka í lögum, að sá sem aðstoðar við glæp, og fjárkúgun breta er stærsta rán síðari tíma, er líka sekur um glæp.  Það er bannað að aðstoða glæpamenn, kallast hlutdeild í glæp.

Og um þann glæp er Lagastofnun Háskóla Íslands sek.  Þó að hún sé að ljúga fyrir stjórnvöld, þá er það glæpur engu að síður.

 

Þegar þjóðin nær völdunum af glæpahyskinu sem er búið að vera ræna okkur undanfarin ár, þá verður réttað yfir þessum hlutdeildarglæpamönnum.  Þeir eru öruggir í skjóli valdsins í dag, en á morgun verður ný staða, hvenær sem sá morgun kemur.

Þegar málið verður rannsakað þá kemur í ljós að Landsbankinn var með lögbundna tryggingu hjá breska tryggingasjóðnum eins  og lög ESB krefja aðildarríki sín um.  Og viðskiptavinir Landsbankans í Bretlandi nutu því fullrar tryggingaverndar breska tryggingasjóðsins.

Og það var hann sem greiddi út hina lögbundnu tryggingu, ekki bresk stjórnvöld.  Þau greiddu það sem var umfram, innstæður um 20.000 fjársterkra aðila.

Það var þeirra ákvörðun sem enginn dómsstóll mun samþykkja að væri á ábyrgð íslenskra skattborgara.

Og enginn dómsstóll mun samþykkja að íslenskir skattgreiðendur greiði lögbundin útgjöld breska tryggingasjóðsins, það stendur skýrt í lögum hans að hann er fjármagnaður með tryggingaiðgjöldum fjármálafyrirtækja á breska fjármálamarkaðnum.

 

Þessar staðreyndir, að Landsbankinn var tryggður í Bretlandi, og hver sem er getur fengið það staðfest, gerir vinnubrögð Lagstofnunar Háskóla Íslands ennþá ömurlegri.  

Því að hún er ekki áróðursskrifstofa stjórnvalda., og þá breskra stjórnvalda, heldur á hún að vera hlutlaus fræðastofnun, sem segir satt og rétt frá.

Hennar eina kynning gat falist í því að segja satt og rétt frá, benda á þau lög og reglur sem bretar hafa brotið með fjárkúgun sinni. 

Og benda á þá staðreynd að Landsbankinn var skyldutryggður í Bretlandi.

 

Það þar mikinn glæpavilja til að hundsa staðreyndir  málsins.

Og að því gefnu að við lifum ekki í glæpamannaþjóðfélagi, þá er kynning Lagastofnunar Háskóla Íslands, ekki hlutlaus.

Hún er grímulaus áróður í þágu stærstu þjófstilraunar síðari tíma.

Og þar með er hún í eðli sínu glæpur.

 

Látum ekki þjófanna komast upp með rán sitt.

Segjum Nei þann níunda, þeirra vegna.

Kveðja að austan.

 

 

 

Byrjað að dreifa Icesave-bæklingi

Athugasemdir

[Kristján Hilmarsson, 4.4.2011 kl. 21:01]

Það má sjálfsagt finna eitt og annað rangt, eða kannski öllu heldur EKKI finna eitt og annað sem hefði átt að standa í þessum upplýsingabæklingi Ómar !, en þegar maður sér óvissuþættina bæði við "JÁ" og/eða "NEI" er þetta bara enn ljósara að málið verður að fara fyrir og meðhöndlast fyrir dómi, að fórna einni lítilli þjóð aðeins til að viðhalda úrsérgengnu fjármála og bankakerfi í Evrópu er ekki sérlega réttlátt, er það ? sbr. þetta hér í bæklingnum:

"Loks telja þau (B/H) að málarekstur um þessi atriði sé til þess fallinn að grafa undan trausti á fjármálakerfi Evrópuríkja." er einhver í vafa um að þessi "fjármálakerfi" þurfi á endurskoðun að halda ?? Traustið er þegar farið og kúgun á almenningi hvar í heimi sem er, endurreisir það ekki.

Þetta undirstrikast svo enn betur við fréttina frá “The Guardian” sem greinilega kemur illa við kaun JÁ sinna.

Margt annað í bæklingnum staðfestir einnig það sem við höfum alltaf haldið fram, nefnilega hið algera kunnáttuleysi og óvissu um lagalega gildið á samningnum, hjá þeim sem stóðu að gerð hans í báðum búðum, þó sérlega Íslandsmegin og þar með er þetta ekki bara glapræði, heldur beinlínis ólöglegt að semja.

MBKV að utan en hugurinn er mikið "heima" núna

KH

[Ómar Geirsson, 5.4.2011 kl. 00:46]

Blessaður Kristján, þarna er mestu logið með þögninni.

Elle benti á að ekki er minnst einu orði á vafann gagnvart stjórnarskránni, svo skrifaði gamall þrautreyndur lögfræðingur grein í Moggann þar sem hann spurði um hvort einhver hefði lesið lögin um ríkisábyrgð, áður en þessi lög voru samin.

Og svo framvegis.

Annars var ég nú aðallega að þessu til að athuga hvað ég þyrfti að minnast oft á bresku tryggingu Landsbankans áður en ég fengi viðbrögð.

Það er vægast sagt allt vitlaust, og þá held ég mig víðsfjarri, ætla svona einu sinni að láta umræðu þróast, áður en ég mæti með byssustinginn til að vega andstæðinga mína.

Þú mátt alveg kíkja við ef þú nennir, þar er margt fróðlegt að lesa.

Kveðja út til Norge að austan.