Samstaða þjóðar Gegn ICEsave versus ASÍ Gegn þjóð.

 

Samstaða þjóðar upplýsir að Landsbankinn var með fulla tryggingu hjá breska innlánstryggingasjóðnum og þegar hann féll, þá bar breska tryggingasjóðnum að greiða út tryggingar hans.

Og kostnaðurinn af því féll á bresk fjármálafyrirtæki.  Ekki breska ríkissjóðinn eins og talsmenn breta á Íslandi fullyrða.  

Samstaða þjóðar afhjúpar það skítlega eðli breta að rukka íslenskan almenning fyrir löglega tryggingu Landsbanka Íslands í Bretlandi, tryggingu sem fjármálafyrirtæki starfandi á breska fjarmálamarkaðnum borguðu samkvæmt lögum þar um.

Samstaða þjóðar gegn ICEsave afhjúpar þjófnað breskra ráðamanna.

 

ASÍ upplýsir að hér verði engin hagvöxtur nema Íslendingar láti bresku þjófana komast upp með sitt skipulagða rán.

Rökin, ASÍ getur bent á eitt lán, uppá rúmlega 10 milljarða sem er skilyrt því að bretar komist upp með þjófnað sinn.  Það þarf ekki að taka það fram að þeir sem tengja lánveitingar sínar fjárkúgun, eru ekki á almennum lánamarkaði, þetta eru möppudýrin í Brussel.

Fyrir ári síðan  vildi ASÍ Gegn þjóð að íslenskur almenningur myndi borga bresku þjófunum 507 milljarða hið minnsta, þó nær 1000 milljörðum því gengið hefði hrunið í kjölfarið, svo Landsvirkjun fengi þetta lán.  Núna er þjófnaðurinn nær 200 milljörðum að teknu tillits til raungengi krónunnar.

Rök ASÍ eru að þessir 10 milljarða skapi svo mikinn hagvöxt og þar nefna þeir að 1% hagvöxtur þýði "15  milljarða í aukna verðmætasköpun".  Og þetta 10 milljarða króna lán gæti  skilað "auknum verðmætum sem nema um 120 milljörðum fyrir þjóðfélagið í heild á næstu þremur árum".

Mikill er máttur þessa 10 milljarða, jafnvel sagan um 12 fiskana bliknar í samanburðinum.  

 

En jafnvel þó menn trúi á kraftaverk, til hvers að láta þjófa kúga sig um allt að 250 milljarða til að fá verðmætaaukningu upp á 120 milljarða.

Síðan má fullyrða að það taki á að ná slíkum upphæðum út úr almenningi, þolmörk hans í skattheimtu eru löngu sprungin, héðan skila hækkaðir skattar aðeins minni tekjum.  

Það er ekki þannig að þessir 120 milljarðar liggi á lausu fyrir ríkissjóð að sækja.  "Hey strákar, ICEmann er kominn, hvar eru tekjurnar sem komu í hús út af 10 milljarða láninu????".  Þetta er jafnvel ennþá ótrúlegra en að 10 milljarðar frá ESB valdi 120 milljarða tekjuaukningu á þremur árum.  

Þó er það mjög ótrúlegt.

 

En í huga fjölmiðlamanna tengdum auðmönnum, Stöð 2, Ruv, Fréttablaðinu, þá er það ekki spurning að yfirlýsing ASÍ Gegn þjóð er frétt, mikil frétt.   Enda kraftaverk vissulega fréttnæm.

Uppljóstrun Samstöðu þjóðar gegn ICEsave er ekki frétt.

Hún frekar eyðileggur stemminguna.  Gæti jafnvel grætt húsbændur þeirra.

Þeir hafa aldrei þolað sannleikann mjög vel.

 

En ég er ekki þjófur, ég er ekki þjófsnautur, hjá mér er valið einfalt.

Lög gilda, glæpum ber að refsa.

Ég segi Nei við ICEsave.

Fólk segir Nei við ICEsave.

 

Já-ið er fyrir undirlægjur og þræla.

Já og þjófa.

Kveðja að austan.

 

 

 

Gerir athugasemdir við málflutning ASÍ

Athugasemdir

[Valdimar Samúelsson, 2.4.2011 kl. 17:43]

veistu ég held að Bretar hafi kallað minna eftir samning en íslendinga en það eru þeir sem hafa verið að væla í BRETUM og beðið um fundi með þeim enda er nefndin á góðu kaupi. Hefðum við bara látið þetta liggja niðri þá hef'u Bretar gleymt þessu.

[Ingibjörg Guðrún Magnúsdóttir, 2.4.2011 kl. 18:11]

Mér finnst ASÍ bara ekkert koma þessari Icesave skuld við og hvað þá að vera að blanda sér í málið á þennan hátt...

Það er alveg ljóst að það er mikið í húfi hjá þessum já sinnum og líka alveg ljóst fyrir mér að ef þjóðin fellir þennan samning þá verður að koma nýtt fólk að...

[Ómar Geirsson, 2.4.2011 kl. 18:42]

Blessaður Valdimar.

Það mun ekki gleðja ESB ef Já-ið verður samþykkt, og ríkisábyrgðin verður kærð í kjölfarið.  Þá neyðast dómsstólar sambandsins til að skera úr um hana, ef hún er lögleg, þá er löggjöf sambandsins um ólögmæti ríkisábyrgðar fallin, verði hún felld, þá er sannað að ESB tók þátt í fjárkúgun.

Já, ég held að það sé rétt hjá þér, þeir hefðu fegnir viljað að málið hefði sofnað líkt og það væri í nefnd á Íslandi.

Kveðja að austan.

[Ómar Geirsson, 2.4.2011 kl. 18:44]

Blessuð Ingibjörg.

Þetta endar allt í nýju fólki fyrst valdaelítan var svo vitlaus að reyna þessa samninga upp á nýtt til að sýna húnbóndahollustu sína við Brusselvaldið.

Verði Já, þá tekur það aðeins lengri tíma.

En sannleikurinn mun afhjúpa lygarnar og þetta fólk þolir ekki sannleikann, ekki frekar en hin gömlu tröll sem þoldu ekki sólarljósið.

Kveðja að austan.

[Elle_, 2.4.2011 kl. 21:19]

Ómar, hann Loftur var líka búinn fyrir löngu að upplýsa um skítlega eðli bæði Breta og Hollendinga í gamla Moggablogginu hans og við oft í vef Þjóðarheiðurs fyrir að rukka íslenskan almenning fyrir löglega tryggingu. 

[Eggert Guðmundsson, 2.4.2011 kl. 21:24]

Hagvöxtur ASÍ og Ríkisstjórnarinnar á að koma í gegnum spilakassa. Þú setur pening í hann og vonar að þú fáir þá margfalt til baka.

Það eru engin önnur rök á bak við yfirlýsingar  þessara manna.

Hvers vegna? ættu menn að spyrja sig, að auðmenn vilja gerast ríkisborgarar hérna á Íslandi og koma með aura til fjárfestingar í íslensku atvinnulífi upp á 1.7oo. milljarða. Skyldu þeir vera að hugsa um hvort hagsmuni Breta eða Íslendinga?

  Skyldu þeir vera að hugsa um Icesave? Nei og aftur Nei.

Í stuttu máli eru þeir að hugsa um tækifærin sem hérna eru á Íslandi.  Hingað leita peningarnir í öll þau tækifæri til ávöxtunar í Íslensku samfélagi sem stenst samanburð annarra ríkja.

Kraftur Ríkisstjórnar á að vera að vinna í því að skapa réttan grundvöll fyrir þessar fjárfestingar.

(Svo eitt!!!  Ríkisfang er ekki til sölu!!!!!!!)  Hvað eru íslensk stjórnvöld að vinna að?

 Er ekki að reyna að koma okkur undir vald annarra, með öllum tiltækum ráðum.

[Elle_, 2.4.2011 kl. 21:40]

Og eitt enn: Og lýgin er að ICESAVE hafi minnkað en við vitum það ekkert hvar það endar, vitum ekki hvort það endar í 700 MILLJÖRÐUM. 

[Ómar Geirsson, 3.4.2011 kl. 00:25]

Blessuð Elle, góð vísa er aldrei of oft kveðin.

Einn daginn gætu fleiri farið að raula.  

En skrif Lofts eru uppspretta þessa fræða minna.

Kveðja að austan.

[Ómar Geirsson, 3.4.2011 kl. 00:34]

Eggert, ég myndi frekar veðja á spilakassann, hef frétt að menn hafi unnið þar pening.

En að skuldsetja sig til andskotans fyrir meintan hagvöxt hefur hvergi heppnast, á öllum tímum.

En ótal dæmi eru aftur á móti um skuldaþrældóm, gjaldþrot, efnahagslegt skipbrot og svo framvegis.

Svo vantar hvorki pening eða fjárfestingar inn í landið.

Það vantar efnahagsumgjörð og svigrúm fyrir fólk að bjarga sér.  Þetta tal um þessar eilífu fjárfestingar og kraftaverk þeirra, er aðeins framlenging á ríkiskapítalismakommúnisma Stalíns, að ríkið eða aðrir geri fólk kleyft að bjarga sér.

Það er eðli mannsins að bjarga sér, þar sem hann gerir það ekki, eru höft og hömlur, hvort sem þau eru innmúruð í þjóðfélagsgerðina, afrakstur fari allur í ræningjavasa sem kallast gjörspillt yfirstétt, eða gufar upp í skatthít.

Við björgum okkur sjálf, og í kjölfarið koma peningar og nýjar fjárfestingar, ekki öfugt.

Kveðja að austan.