Hvað er hægt að ljúga sama hlutnum oft???

31.3.2011 | 18:35

Hvað er hægt að ljúga sama hlutnum oft???

Áður en hann hættir að vera frétt????

Reglulega frá því að Jóhanna Sigurðardóttir varð forsætisráðherra, þá hefur hún blásið til blaðamannafundar þar sem hún talar um hvað hún ætlar að gera.

Gera til að skapa störf, gera til að auka framkvæmdir.

Og það gerist ekki neitt.

Hver man ekki eftir blaðamannafundinum fyrir vorkosningarnar 2009 þar sem það átti að skapa þrjúþúsund og eitthvað störf. Svo um sumarið var það komið uppí 4.500 störf. Meðal annars í stóriðju, fyrst þurfti reyndar að samþykkja ICEsave, og hver heilvita maður vissi að stóriðjan myndi aldrei geta skapað störf á móti því sem hagkerfið myndi glata vegna skattgreiðslnanna til breta. Það átti líka að skapa störf í ferðaþjónustu, þess vegna voru skattar hækkaðir á ferðamenn og svo framvegis.

Svo var gerður stöðugleikasamningur þar sem ýmsu var lofað, eftir það var ekki kveikjandi á fréttum því annað hvort var Gylfi forseti að kvarta yfir vanefndum ríkisstjórnar Jóhönnu eða Villi atvinnurekandi, eða þá ýmsir minni spámenn.

Samt mæta menn og lofa hinu og þessu, og í raun er eina fréttin að það skulum ennþá vera frétt hjá fjölmiðlamönnum, en það er núna eins og það er með þá blessaða.

Ekki það að þetta er virkilega jákvæð frétt ef sönn er.

En þá verða menn að segja allan sannleikann, hvernig ætla menn að fjármagna þetta og hvað segir húsbóndinn í landstjórahöllinni, er búið að tala við Pílatus.

Það var jú samið við hann um að halda hallanum á fjárlögum innan ákveðinna marka.

Nú þegar er samdráttur i skatttekjum, og ljóst að markmið fjárlaga næst ekki.

Verði bætt á þann halla, þá er samkomulagið búið.

Ef skattar verða hækkaðir, þá er þjóðin búin.

En ef Jóhanna fylgir eftir þessari yfirlýsingu sinni þá er samstarfið við AGS búið.

Ef svo er, þá er þetta frétt, og raun upphaf á endurreisn þjóðarinnar.

Ásamt því jú að segja Nei við ICEsave.

Er tíðinda að vænta úr stjórnarráðinu.

Kveðja að austan.