Jóhanna sýpur sitt eigið seið.

 

Finnst það görugt og beiskt á bragðið.

Hvernig væri að hún sæi að uppskriftin var vond allan tímann, og breytti henni.

Nútímafólk þarf ekki tímaskekkju frá þeim tíma er konur gengu um í rauðum mussum og iðkuðu frjálsar ástir.

Lagið Enica Menika er nægur minnisvarði frá þeim tíma.  

Við þurfum ekki lög sem heimila fólki að kæra á grundvelli kyns, slík lög í eðli sínu mismuna fólki, og eru frekar í ætt við apartheidstefnu en nútíma hugsun.

 

Ráðningar eiga að vera gegnsæjar og á faglegum forsendum.  Auk þess verður alltaf að vera svigrúm fyrir mat þess sem ræður.  Og það þarf engin lög til að taka slíkt fram, þetta eru einfaldlega vinnubrögð nútímans.

Og menn eiga að læra að treysta nútímanum, að treysta fólki.  Ekki setja reglur um allan skapað, sem gefur svo einhverjum útvöldum geðþóttavald til að túlka þessa reglur. 

Lífið er ekki einfalt stærðfræðidæmi þar sem hægt er að segja hvort rétt sé reiknað eða rangt.  Og við eigum ekki að láta eins og svo sé.

Metnaður og fagmennska drífa þjóðfélög áfram, ásamt heiðarleika og mannúð.  Ef of margir virða ekki þessi grunngildi, þá dregst þjóðfélagið smán saman aftur úr.  Og það skapar vonandi umræðu sem gerir það að verkum að menn spýta í lófana og bæta úr.

Ekkert er fullkomið, lífið er dýnamík, ekki stöðnun.

 

Görótti drykkur Jóhönnu er svona beiskur vegna þess að velviljaðir stjórnmálamenn þekkja ekki sin takmörk, og þeir átta sig ekki á hreyfiafl samfélagsins.  

Þess vegna eiga menn að þakka fyrir þennan farsa, hann afhjúpaði fáráð laga um kærunefndina, það er hún sem situr nakin á víðvangi, ekki Jóhanna Sigurðardóttir.  Þeir sem halda öðru fram eru aðeins að reyna að skapa sér pólitískar keilur.

Og fundu það ómerkilegasta af öllu því ómerkilega sem hægt var að finna, mál um ekki neitt.

 

Á meðan blæða fjölskyldur landsins, fólk sveltur, og margir án atvinnu.

Þess vegna eiga keiluskorendur að skammast sín.

Svona vinnubrögð eru ekki það sem þjóðin þarfnast.

 

Í guðanna bænum farið þið nú að átta ykkur á því.

Kveðja að austan.

 

 

 

 

 

Gat ekki sniðgengið matið