Vér aumingjar.

 

Hallgrímur Helgason rithöfundur er aumingi.  Sumir vilja líka meina að hann sé geðtruflaður, vitna í frægt myndskeið af rithöfundinum þar sem hann með tryllingsglampa í augum réðist að þaki á bifreið og böggaði það, öskrandi.  En það er rangt, slíkt er dæmigert fyrir menn sem eru að ná sér niður að kókaíntrippi, enda var auðmannaveislan þá búin, Jón Ásgeir hafði um annað að hugsa en að fóðra rakka sína.

Hvað er þetta munu margir spyrja, hvernig getur pistlahöfundur slegið þessu fram um "virtan" rithöfund, hvað hefur hann fyrir sér í þessum fullyrðingum???

Og svarið er ekkert, vissulega má færa að þessu líkur og byggja þau líkindi á traustari grunni en Hallgrímur Helgason byggði ritsmíð sína um Britsave í Fréttablaðinu um helgina þar sem hann kallaði mig, pabba minn, tengdapabba, vini og ættingja, nágranna og búandi fólk um allt land, aumingja og glæpahyski sem færi með ofbeldi og fjárkúgun á hendur þegnum annarra landa ef við fengjum til þess minnsta tækifæri. 

Auðmaður sem fær rithöfund til að skrifa slíkan skít hlýtur að fóðra hann í nös, brennisvínstremmi útskýrir ekki hroðann, og aumingjarökin sem Hallgrímur nota, eru lýsandi fyrir þá sem þau nota.  Og fyrir því ætla ég að færa rök, meira en Hallgrímur reynir í skáldasmíð sinni.

 

Í stuttu máli gengur Britsave út á að heimfæra ICESave upp á íslenskan raunveruleika, að þegar breskir fjárglæframenn nappa sparifé af hluta landsmanna, að þá tryllist fólk, fari með brennum og ofbeldi að breska sendiráðinu, og krefji svo íslensk stjórnvöld um að fjárkúga breskan almenning vegna gjörða samlanda þeirra.

Margur heldur nefnilega mig sig.

Fyrir margt löngu á 8 mílunum, þá sagði ungur stráklingur okkur félögum sínum frá megadíl sem hægt væri að fá tölvur á, og spurði okkur hvort hann ætti að útvega okkur líka.  En Hallgrímur var ekki til svars, drengurinn var spurður hvort þetta væri ekki illa fengið og það útskýrði ekki verðið???  "Haa, veit ekki!!!! en það er ekki hægt að slá hendinni á móti svona kaupum".  Og svarið var jú, og honum bent á að hann segði annað ef hann sjálfur hefði verið rændur, og féll þar með talið niður.  Lög og reglur snúast ekki bara um lög og reglur, fólk hefur hag af að lög og reglur séu virtar.

Aumingjarökin eru þau sem kennd eru við atburði eins og Srebrenica, en vörn Serba fólst í þeirri fullyrðingu að andstæðingar þeirra, fórnarlömbin, hefðu gert það sama ef þeir hefðu tök á.  Engin dæmi nefndu þeir þar um og þeir sem í sinni gátu alveg hugsað sér að myrða saklaust fólk, þeir tóku undir þessi rök.  En öðrum fannst þau viðurstyggð.

Aumingjum hættir til að réttlæta gjörðir sínar með því að slá því fram að aðrir séu eins, og sú hugsun gegnsýrir skáldamóð Hallgríms Helgasonar, Britsave.  "He he he við hefðum sko böggað helvítin".  Og rökin engin önnur en sinn eigin hugmyndaheimur.

 

Hvað segir reynslan okkur, sagan??  Er fjárkúgun og glæpir innprentað í Þjóðarsál Íslendinga???  Gerir fólk mikið af því að skemma eigur nágranna síns til að knýja hann til að borga sínar eigin skuldir???  Eru þjófnaðir og rán meinsemd í íslensku samfélagi???  

Eða er fólk böggað vegna gjörða ættingja eða vina???  Eða vegna gjörða landa sinna???  

Vissulega er stolið hér eins og annars staðar.  Og vissulega heyrast raddir sem vilja hengja Pólverja eða Litháa vegna framtakssemi landa þeirra á glæpasviðinu.  En þær raddir geta seint talist almannarómur.

 

Skoðum líka eina dæmið sem við höfum um skaða af svikamyllu erlendra manna (breskir) hér á landi, pýramídasvindlið svokallaða.  Þar töpuðu margir miklu, sumir jafnvel öllum sínum sparnaði.  Og vissulega var fólk reitt, krafðist þess jafnvel að lög yrðu látin ná yfir svona svik og pretti.  En mér vitanlega þá mætti enginn, hvorki fyrir utan breska sendiráðið og krafðist þess að bresk stjórnvöld borguðu tjón sem breskir þegnar ollu né í stjórnarráðið til að biðja íslensk stjórnvöld um að fjárkúga breska skattgreiðendur vegna gjörða samlanda þeirra. 

En menn spurðu hvernig gat þetta gerst, og er hægt að stöðva svona athæfi.

 

Ekkert er því í sögunni eða reynslunni sem réttlætir skáldavímu Hallgríms Helgasonar.  En það sem hefur ekki gerst, getur alltaf gerst eins og nýleg dæmi um kjarnorkuslysið í Japan sannar.

Og hvernig myndi íslenskur almenningur bregðast við.  Erum við glæphyski og fjárkúgarar eða kunnum við að bregðast við erfiðleikum eins og siðaða fólk???   Er fólk almennt eins og foreldrar mínir og tengdaforeldrar, fólk sem má ekki vamm sitt vita, eða höfum við týnt sjálfum okkur í góðærinu og gerum hvað sem er fyrir næstu nös????

 

Það er hægt að fullyrða að ef erlent útibú færi á hausinn og tryggingasjóður sem ætti að dekka tjónið réði ekki við hlutverk sitt, að þá yrðu menn reiðir og spyrðu spurninga. 

Hvernig gat þetta gerst???  Hver ber ábyrgðina???  Hvernig getum við fengið tjón okkar bætt???

Og ef fólk fengi upplýsingar um að íslensk stjórnvöld hefðu framselt eftirlitsvald sitt til breskra stjórnvalda þá yrði örugglega spurt hvað þau hefðu verið að hugsa, að láta erlent stjórnvald bera ábyrgð á öryggi íslenskra sparifjáreigenda.  Og raddir myndu örugglega heyrast að láta það erlenda stjórnvald sæta ábyrgð ef það hefði brugðist eftirlitsskyldu sinni.  Annað væri óeðlilegt.

 

Og þá er komið að kjarna málsins, hvernig lætur maður annan sæta ábyrgð???? 

Með hnefanum að hætti ofbeldismanna eða með leiðum réttarkerfisins þar sem sá sem maður klagar getur haldið  uppi málefnalegum vörnum í máli sínu???

Þeir sem hugsa með nösinni vilja meina að hnefinn sé tækið, og heimfæra þá hugsun yfir á samlanda sína.  

 

Ég fullyrði að nasafólkið sé í miklum minnihluta á Íslandi, leið réttarríkisins hefði verið farið enda sé ekki alveg Ægi í anda sigla upp Thames og innheimta skaðabætur, hvort sem þær væru með réttu eða röngu.

Og ég fullyrði líka að íslensk stjórnvöld hefðu ekki farið með málið fyrir dóm líkt og bresk stjórnvöld, ekki vegna þess að þau myndu beita hnefanum heldur vegna þess að þau myndu benda reiðum landsmönnum á að það væri ekkert mál til að sækja.  

Bæði hefðu þau sjálf haft eftirlit með breska útibúinu sem og hitt að bankar féllu líka á Íslandi (breska bankakerfið féll haustið 2008 en breska ríkið hafði afl til að sópa vandanum undir teppið, ennþá).  Ef íslensk stjórnvöld notuðu sama eftirlitskerfið með sömu aðferðafræði og þau bresku og ef þeim tækist að sanna vanrækslu upp á bretana, þá væru þau um leið að sanna vanrækslu og skaðabótaskyldu upp á sig sjálf.  

Regluverkið og eftirlitið var þannig hannað að þau sáu ekki hætturnar af uppblásnum pappírsviðskiptum og því féllu bankar og fjármálakerfi um allan hinn vestræna heim.  

 

Ekkert tilefni til málssóknar, en hvað um tryggingasjóðinn breska yrði spurt, þurfa ekki breskir skattgreiðendur að borga fyrst að sjóðurinn er gjaldþrota????  Er ekki hægt að fara í mál út af því, ekki myndi það skaða íslenska ríkið???

Nei yrði svarið en það er tilgangslaust að fara í mál gegn skýrum lögum, í orðinu innlánstrygging felst að það er trygging líkt og brunatrygging, og ef tryggingasjóður eða tryggingafélag fer á hausinn þá er skattgreiðendur ekki í bakábyrgð enda slíkt sérstaklega tekið fram í lögunum sem og hitt að fjórfrelsið er stemmt gegn ríkisábyrgð og því er hana hvergi að finna í evrópskri reglugerð.

Og hvað myndi íslenskur almenningur þá gera???  Myndi hann krefja íslensk stjórnvöld um að handrukka breska skattgreiðendur eins og þeir sem auðmenn fóðra á Íslandi halda fram, eða myndi hann virða lög og reglur líkt og hann hefur alltaf gert fram að þessu????

Er siðfræði auðmannanna siðfræði Jóns og Gunnu????

 

Mitt svar er að svo sé ekki, við erum ekki siðblint glæpahyski og fjárkúgarar.  Við skiljum ekki þá siðfræði að refsa þjóðum vegna gjörða einstaklinga.  Helförin hefði aldrei getað átt sér stað á Íslandi.

Vissulega er til heill stjórnmálaflokkur sem heldur þessu fram, og brot úr nokkrum öðrum. 

En ég myndi leggja til að nasir þessa fólk sé skoðaðar, hvort eitthvað hvítt finnist í þeim.  Sé svo ekki þá má skoða bankareikninga þessa fólks, eða annað sem gæti útskýrt að það lýgur aumingjaskap og glæpahneigð upp á þjóð sína.

Ef ekkert finnst þá væri full ástæða að senda út neyðarkall til WHO og tilkynna um bráðavírus siðblindu sem tröllriði íslenskri stjórnmálastétt. 

Vegna þess að það ætlar engin samborgurum sínum fjárkúgun og ofbeldi og notar það sem rök til að ræna skattfé þeirra sjálfum sér og sínum til hagsbóta.

 

Allavega enginn heilbrigður maður.

Aumingjarökin hæfa alltaf þann sem heldur þeim fram.

Kveðja að austan.

 

 

 

 

 

Athugasemdir

[Sveinn Úlfarsson (IP-tala skráð) 14.3.2011 kl. 14:19]

Maður á að vera góður við aumingja.Það sagði hún amma mín alla vegana.

[Ómar Geirsson, 14.3.2011 kl. 14:32]

Enda er ég aumingjagóður, ef svo væri ekki þá hefði ég lagt til tjöru og fiður fyrir þetta smámenni auðrónanna.

Kveðja að austan.