Hættið þessu væli, í guðanna bænum.

 

Það er enginn svo góður að hann geti ekki tapað, hvað þá tapað illa.

Tap er aðeins áfangi á leiðinni að verða bestur, ekki nema menn festist í einhverju væli, og skæli.

Og tap er besta námskeiðið, þá virkilega taka menn eftir því sem fór úrskeiðis.  Og hvar þarf að styrkja og bæta.

Slíkt er erfiðara að sjá í sigurvímu.

Takk fyrir okkur og sjáumst hressir, ekki skælandi, í næsta leik.

Kveðja að austan.

Guðmundur: Biður þjóðina afsökunar(myndskeið)

Athugasemdir

[Eyþór Örn Óskarsson, 13.3.2011 kl. 23:37]

Gott hjá þér - við erum með eitt alsterkasta lið í heimi og ef þetta lið má ekki eiga slæman dag án þess að menn fari á límingunum...........

Áfram strákarnir OKKAR með Gumma í fararbroddi..........

[Steini (IP-tala skráð) 14.3.2011 kl. 00:22]

Það hafa margar stórþjóðir tapað fyrir Þjóðverjum. Engin ástæða fyrir smáþjóðina Ísland að örvænta út af því.

[Theódór Norðkvist, 14.3.2011 kl. 01:41]

Þó ekki sé hægt að segja að landsliðið sé skyldugt að sýna frammistöðu yfir einhverjum vissum gæðastaðli, var þetta óvenjuslakt í kvöld.

Þar sem handknattleiksyfirvöld hinsvegar telja sig ekki skyldug til að sjá til að þjóðin sjái leiki landsliðsins á stórmótum hef ég íhugað hvort ég sé skyldugur til að styðja landsliðið yfirhöfuð, hvort sem er fjárhagslega eða á annan hátt.

Spurning hvort Guðmundur hafi ekki náð vissum endapunkti með liðið, sé orðinn þurrausinn og tími kominn til að fá annan í starfið. Það er samt bara eðlilegt, erfitt er að gera betur en silfur og brons á tveimur stórmótum, nánast ógerningur fyrir sama manninn.

[Eirikur (IP-tala skráð) 14.3.2011 kl. 02:57]

ertu að skrifa sama commentið allstaðar Theódór? Eitt eða nokkur töp á móti árangrinum sem Gummi og strákarnir hafa náð er gífurlegt afrek fyrir smáþjóð sem okkur! Fáðu þér svo vinnu og keyptu þér stöð 2 sport það kostar ekki nema slatta!