Gylfi forseti minnist ekkert á ICEsave.

 

Ætlar samt að semja um laun.

Fyrir hálfum mánuði síðan voru kjarasamningar í uppnámi vegna  þess að Ólafur forseti gaf þjóðinni kost á að hafna ICEsave fjárkúguninni.  Þá var bara ekki hægt að semja.

Núna skammast Gylfi út í ríkisstjórnina, minnist ekki á ICEsave.  Hvað veldur???

 

Er hann búinn að átta sig á að þegar þjóðin vísar ICEsave svikum Alþingis til föðurhúsanna að þá mun ríkisstjórnin þurfa að segja af sér.  Og háværar kröfur munu heyrast um að forysta ASÍ axli líka ábyrgðina á lygum sínum og rangfærslum og axli poka sinn.

Fari, láti launafólk á Íslandi í friði.  Fari og fái sér vinnu hjá húsbændum sínum, en þiggi ekki laun frá erfiðisvinnufólki á meðan hún vinnur að hagsmunum auðræningja og fjárkúgara.

Vonast Gylfi forseti til að þjóðin gleymi á þessum 5 vikum sem eru til dóms þjóðarinnar???

Að menn muni ekki eftir honum í því umróti sem verður þegar þjóðin hreinsar til á Austurvelli????

 

Hver veit hvað hann er að hugsa en í anda Steins Steinars hefur hann hafið undanhald samkvæmt áætlun.

En ég spái því að hann nái ekki að komast aftan að þjóð sinni með nýjum svikum.

Kveðja að austan.

Hefja viðræður um launin