Á mannamáli segir Ragnheiður Elín.

 

Þau eru vitlaus, en við eru hreinræktaðir hálfvitar.

Enda þarf enginn að efast um að það þarf mikla hæfileika til að setja heilt þjóðfélag, og helstu fyrirtæki þess, á hausinn. 

Og í Helguvíkurdraumi Sjálfstæðisflokksins kristallast vandi hans í dag, gegn raunveruleikanum er stefnt frösum og bábiljum.  Og hagsmunir einhverja annarra en þjóðarinnar ráða för.  Og þá er allt sagt, allt bullað sem hægt er að bulla, til að ná fram markmiðum sínum.

 

Það er staðreynd í dag, að Sjálfstæðisflokkurinn er samstíga ríkisstjórninni í öllu helstu stefnumálum, enda er stefna Alþjóðagjaldeyrissjóðsins, stefna bæði ríkisstjórnarinnar, og Sjálfstæðisflokksins.   Það eina sem skilur á milli, er ennþá ákafari vilji Sjálfstæðisflokksins til að gera landið gjaldþrota með stóriðjudraum sínum.

Af hverju gerir það landið örugglega gjaldþrota???

Jú, það er búið að fjárfesta allt of mikið, alltof hratt án þess að huga að fjárhagslegum forsendum fjárfestingarinnar.

Eftir standa hálfgjaldþrota orkufyrirtæki, algjörlega upp á náð lánardrottna sinna komin.  Frekari fjárfestingar þessara fyrirtækja, án þess að ríflegt eiginfjárframlag komi til, er örugg leið til í gjaldþrot.

Vegna þess að þau eru algjörlega háð endurfjármögnun á lánum sínum, og þau þola engin áföll.

Og hvorki orð eða bull endurfjármagna lán, eða borga óvæntan kostnað.  

 

Menn þurfa að eiga svar við hvað gerist ef lánardrottnar neita að endurfjármagna lán, og þá annað svar að borga bretum 220 -550 milljarða í ICEsave til að liðka fyrir fjármögnun.

Og menn þurfa að eiga svar við hvað gerist ef til dæmis verður alvarleg kreppa í áliðnaði, eða hvað gerist ef það kýs á miðju virkjanasvæði.  

Aðeins innspýting stjórnvalda i Evrópu og Bandaríkjunum forðaði áliðnaðinum frá kreppu aldarinnar, og það gaus við Kröflu.  

Allt sem hefur gerst áður, getur gerst aftur.

Og það vita allir nema fólkið sem kom þjóð sinni á kné, og kórónar skömmina með því að leggja á hana þrælahlekki ICESave og AGS.

 

Víkjum  þá að bullinu sem Ragnheiður Elín reyndi að toppa ICEsave bullið um að dómsstólar dæmi ekki eftir lögum og reglu.

Orkustofnun er ekki í hráskinsleik vegna þrýstings frá umhverfisráðherra.  Þegar Orkustofnun varar við hættunni á að gullgæsin, sjálfur orkugeymirinn sé í hættu, þá hlusta menn.  Og það þarf ofboðsleg sterk rök ef menn ætla gegn þessu áliti Orkustofnunar.

Rökin eru þá þess eðlis að geta sýnt fram á galla í rökleiðslu hennar, eða hrein rangindi.

Allt annað, til dæmis að segja, ég met gögnin öðruvísi, er aðferðarfræði sem gengur ekki.  

Af hverju, jú það vita allir nema þeir sem reyna að toppa hálfvitaskap, og það er áhættan sem felst í því að taka ekki tillit til ábendinga fagfólks um að það sé verið að eyðileggja orkuauðveld.

Það er ekki hægt að horfa fram hjá áhættu, síðast þegar það var gert, hafði það skelfilegar afleiðingar.  Og þær afleiðingar gera það að verkum, að þjóðin þolir ekki aðra áhættu veruleikafirrts fólks.

 

Og það er ekki hægt að horfa fram hjá að Orkuveiturnar treysta sér ekki til að framkvæma á því verði sem í boði er.   Forsendur góðærisverðsins voru rangar, skelfilega rangar.

Nýr forstjóri Landsvirkjunar, þess sem var ráðinn á fagforsendum, ekki flokksforsendum, hafði það sem sitt fyrsta verk að endursemja um raforkuverð Fjarðaráls, enda sá hann fram á beint gjaldþrot af fyrri samningum.

Sama sjá þær Orkuveitur sem stjórnmálamenn Hrunsins neyddu til að semja við Norðurál.

Og á meðan það breytist ekki, þá á ekki að framkvæma.

Hlutirnir eru ekki flóknari en það.

 

Það er komið nóg af hálfvitaskap á Íslandi.

Mikið meira en nóg.

Kveðja að austan.

 

 

 

 

 

Helguvík gæti farið í fluggírinn

Athugasemdir

[Helgi (IP-tala skráð) 1.3.2011 kl. 10:08]

Sæll.

Þetta er ekki alveg rétt hjá þér ef ég skil þetta rétt. Það eru einkaaðilar sem eru í þessum fjárfestingum en ekki hið opinbera. Það er einkaaðila að huga að fjárhagslegum forsendum fjárfestinga og þeim er mun betur til þess treystandi en hinu opinbera og gott dæmi um það er OR en þar réðu pólitíkusar för og sauðsvartur almúgamaður eins og ég sit uppi með ávexti snilldar þeirra :-)

Það á að gera í auknu mæli það sem gert var fyrir sunnan, leigja þessar auðlindir gegn gjaldi - fá einkaaðilana inn í þetta en tryggja samt að samkeppni ríki á milli þeirra. Þá sitjum við ekki uppi með áhættuna heldur einkaaðilarnir. Mér finnst frábært að fá Ross Beaty hingað og vona að honum og hans fyrirtæki vegni sem best hér enda er það líka gott fyrir okkur. Eitt hans fyrsta verk var að reyna að fá hærra verð fyrir orkuna sem hann var að selja til stóriðju. Það segir mér að hið opinbera seldi hana á of lágu verði sem ætti ekki að koma á óvart.

Forstjóri Landsvirkjunar er án efa hæfur en samt vill hann endilega að við borgum Icesave III. Þegar svoleiðis kemur frá fólki efast ég um dómgreind þeirra. Það ætti kannski einhver mætur maður að segja forstjóranum að leita til annarra banka en þessa evrópska fjárfestingabanka til að fá lán fyrir Búðarhálsvirkjun - þegar það lán er komið (frá öðrum en pólitískum banka) lætur hann kannski af stuðningi við Icesave III?

Takk annars fyrir skemmtilegt blogg :-)

[Ómar Geirsson, 1.3.2011 kl. 10:45]

Er það Helgi, hvað er þá Ragnheiður að blanda pólitík í málið???

Staðreyndin er sú að einkaaðilar hefðu ekki ráðist í neina af stóriðjuvirkjunum undanfarinna ára, á þeim verðum sem opinberu fyrirtækin hafa gert.  Stóriðjustefnan á Íslandi er ein af birtingarmynd ríkiskapítalisma Stalíns, sem ranglega hefur verið kennd við sósíal eitthvað.

Annar gagnrýnisþáttur er að almannaveitur eru lagðar undir í áhætturekstri, áhætturekstri sem menn ná ekki landi með ef eitthvað óvænt kemur upp á.  

Þess vegna gagnrýna bæði markaðssinnar íslensku stóriðjustefnuna, og samfélagssinnar, þó forsendur gagnrýninnar séu ólíkar.

Hvað Ross Beaty varðar, þá er hann ekki erlendur fjárfestir, hann er kúlulánaþegi, hvort sem hann er leppur íslensku auðmannanna eða fjárfestir á sömu forsendunum og mennirnir sem reyndu að eyðileggja Manchester United.  Skiptir engu máli, ein af forsendum velmegunar og heilbrigðs markaðskerfis, er að losa sig við svona afætur.

Skaðinn sem þær hafa valdið heimsbyggðinni er þvílíkur að ekki er víst að víð fáum tækifæri til að bæta úr.  Því þjófnaði, arðráni, þrælahaldi fylgja alltaf uppreisnir og upplausn samfélaga.  Átök og stríð.

Telur þú Helgi að við höfum efni á slíku á 21. öldinni???

Þetta blogg Helgi er alltaf út frá sömu forsendunum, "látið okkur hinn venjulega mann í friði með líf okkar og samfélag".  Hvort sem ófriðurinn kemur frá rænandi stjórnvöldum, eða rænandi auðmönnum.  Það mótar afstöðu mína gegn ICEsave, og það mótar afstöðu mína gegn kúlulánaþegum heimsins.

En burt séð frá þessu öllu, sem púkinn í mér hefur alltaf jafn gaman að skrifa um, þá er Helguvíkurævintýrið opinber framkvæmd.  Það var hið opinbera sem gaf leyfið án þess að orka væri virkjunartæk á viðunandi verðum.  Og það er hið opinbera sem knúði Orkuveiturnar, á Suðurnesnum og í Reykjavík, til að semja um að útvega orku á tapverðum.

Og það á að framkvæma og hugsa svo.

Hugarfar sem kom okkur á heljarþröm, og gegnsýrir allan málflutning Ragnheiðar í þeirri grein sem ég var að gagnrýna.

Hvað varða Hörð, þá er hann mætur fagmaður.  Í viðtali sem Mogginn tók við hann, þá benti hann á að það væru engin risaverkefni í pípunum, af þeirri einni ástæðu, að þau væru ekki til staðar.  Með öðrum orðum þá sagði hann að þeir stjórnmálamenn væru fífl sem ætluðu að rífa þjóðina upp úr kreppuhjólförunum með risaframkvæmdum í stóriðju, þeir vissu ekkert um hvað þeir væru að tala.

Það lá líka í orðum hans að arðsamur rekstur fær lán.  Þess vegna beitti hann sér fyrir endurskoðun á þeirri heimsku að tengja raforkuverð við álverð, eitthvað sem var bein ávísun á gjaldþrot.  Og hann hefur skipulega unnið að endurfjármögnun fyrirtækisins. 

Hann minntist ekkert á ICEsave.

Það gerir hann aðeins þegar húsbændur hans í stjórnarráðinu krefja hann um bull.  Og það skín út úr honum að hann sé nauðbeygður að bulla, að það sé innifalið í ráðningu hans.  En orð eru orð, athafnir eru athafnir.

Athafnir Harðar Arnarssonar mæla gegn ICEsave.  ICEsave lækkar lánstraust ríkissjóðs og hækkar þar með vaxtaálag Landsvirkjunar.

En það má bara ekki segja það, opinberlega.

Kveðja að austan.