Öfugmælakonungurinn tjáir sig.

Árni Páll Árnason er maðurinn sem sagði á þingi þá dimmu daga í nóvember 2008, þegar fjárkúgun breta var fyrst rædd á Alþingi Íslendinga, að íslenska þjóðin væri í ábyrgð fyrir ICEsave reikninga Landsbankans, samkvæmt EES samningnum.

Hann sagði ekki af sér þegar fulltrúi Framkvæmdarstjórnar ESB tilkynnti að svo væri ekki.

 

Árni Páll er einn af þeim mönnum sem fóru mikinn í fjölmiðlum og á Alþingi við að sannfæra landsmenn um hinn efnahagslega frostavetur sem yrði ef Íslendingar samþykktu ekki Svavarssamninginn.  

Það gekk ekki eftir því raunveruleikinn er alltaf öfugur við lífsreynsluheim Árna Páls Árnasonar.

 

Núna segir öfugmælakonungurinn að atvinnuleysið muni aukast ef við notum ekki skattfé landsmenn í að greiða breska fjárkúgun.

Samkvæmt Svavars samningnum átti að greiða bretum 60 milljarða í vexti á þessu ári.  Samkvæmt samkomulaginu við AGS þá varð þeim vöxtum ekki velt á framtíðina, ríkissjóður yrði að skera niður á móti til að jafnvægi næðist í ríkisfjármálum.

Fjármálaráðherra vildi láta reka 960 starfsmenn í heilbrigðiskerfinu til að ná fram áætluðum 4 milljarða króna sparnaði.  Ekki af illvilja, hann var að reyna að uppfylla kröfur AGS.

 

Til að ná 60 milljarða viðbótarsparnaði hefði hann þurft að segja upp tæplega 14.000 ríkisstarfsmönnum í viðbót.  Þetta kallar Árni Páll að minnka atvinnuleysi.

Þess má geta að þar að auki hefði þurft að hækka tryggingargjald til að mæta atvinnuleysisbótum.  Það ásamt öðrum samdrætti vegna niðurskurðar ríkisins hefði þýtt fjöldauppsagnir í einkageiranum, nú eða þá miklar launlækkanir.  Sem hefðu svo aftur skapað samdrátt.

 

Það er þessi vítahringur skatthækkana, niðurskurðar sem leiðir til samdráttar sem aftur kallar á meiri niðurskurð og skatthækkanir sem Nóbelsverðlaunahafar í hagfræði hafa varað ríkisstjórnir Vesturlanda við.   

Niðurstaðan er fjöldaatvinnuleysi.

En íslenski öfugmælakonungurinn kallar það leiðina til hagvaxtar.

 

Og það finnst svo vitgrannt fjölmiðlafólk, að það ræðir við svona vitleysinga um alvöru mál.  

Það er ekki von þó fólk svelti á Íslandi í dag, og almenningur er að kikna undan skuldum sínum.

 

Ráðamenn okkar eru ekki í þessum heimi.

Kveðja að austan.

 

 

 

 

 

 

 

 

Ekki stórvægileg áföll heldur kyrrstaða

Athugasemdir

[Sveinn Úlfarsson (IP-tala skráð) 21.2.2011 kl. 10:54]

Heill og sæll Ómar,

ég er þér hjartanlega sammála, held að þessir menn séu ekki með öllum mjalla eins og sagt var í gamladaga. Þessi svokallaði "velferðarmálaráðherra" hefur gert meira ógagn fyrir velferðina hér á landi en nokkur annar ráðherra velferðarmála, já jafnvel enn meira ógagn en Jóhanna Sigurðardóttir þegar hún var félagsmálaráðherra og rústaði íbúðalánasjóði.

Meðalmennskan og vanþekkingin er í slíkum hæðum hjá þessari ríkisstjórn að ef þjóðin með forsetann í broddi fylkingar væri ekki búin að taka fram fyrir hendurnar á þessum kjánum þá værum við öll á vonar völ og löngu orðin gjaldþrota þjóð.

[Þór (IP-tala skráð) 21.2.2011 kl. 11:23]

Nú tapaði Árni Páll jarðsambandinu í þessu máli eins og svo oft áður.

Þvaðrar um það í einni setningu að ekki eigi að vera með hræðsluáróður og kemur svo með dómsdagsspá í þeirri næstu.

Ótrúlegt hvað stjórnvöldum eru mislagðar hendur í þessu máli og hvernig ráðherrar og þingmenn stjórnarflokkana ná með bulli að spana þjóðina upp á móti sjálfum sér og þinginu.

Af hverju lagið Árni Páll ekki fram einhver rök í málinu?

Af hverju lagði Árni Páll ekki fram einhverjar staðreindir?

Hans mat að við eigum að sætta okkur við þennan samning er ekki nóg. Það verða að koma einhver rök fyrir því að við eigum að taka á okkur þessar skuldbindingar.

[Ómar Geirsson, 21.2.2011 kl. 11:43]

Blessaðir félagar.

Sveinn, ég hef eiginlega meiri áhyggjur, að orð Árna Páls skuli verða frétt.  Að það eina sem hann skuli ekki vera spurður að, af hverju á að trúa þér núna????

Af hverju hefur þú betri dómgreind á þennan samning en þann fyrri????

Eða eins og Þór segir, hvar eru rökin???  Það þekkja allir frasana.

Ég held nefnilega að mesta gjáin í dag sé á milli fjölmiðla og þjóðar.   

Eiga fjölmiðlamenn ekki börn, enga vini eða ættingja??? 

Það mætti halda að þeir væru allir ættaðir frá Mars.

Kveðja að austan.