Frá þessu ástandi forðaði forseti Íslands þjóðinni.

 

Hann forðaði henni frá óeirðum og innbyrðis átökum.  Og þjóðin kann honum þakkir fyrir.

Aðeins minnihlutahópurinn sem lýtur forræði Brusselvaldsins froðufellir.  Og vonast til að það vald sendi skriðdreka fjármálaþvingana til að lemja samlanda þeirra til hlýðni, líkt og Stúdeta Þjóðverjar báðu stjórnina í Berlín að gera á sínum tíma við samlanda þeirra í Tékkóslóvakíu.

 

En tími sjálftöku og gerræðis forréttindahópa í skjóli gjörspilltra stjórnmálamanna er senn á enda.

Í dag rís upp almenningur í  Arabalöndum, á morgun verður það almenningur á Írlandi, Grikklandi, Portúgal og hjálendum ESB í Austur Evrópu.

Ákallið er allsstaðar, rænið ykkur sjálf, við höfum fengið nóg.

 

Vitur maður á Bessastöðum sá íslenska þjóðin myndi aldrei loka sjúkrahúsum sínum eða eyðileggja menntun barna sinna vegna breskrar fjárkúgunar.  

Hann sá að það er aðeins tímaspursmál hvenær þrautpíndir skuldaþrælar myndu rísa upp á fætur sínar og lemja frá sér.

Hann sá að almenningur er búinn að fá nóg af gjörðum sjálftökuliðsins sem öllu ræður.

 

Og hann greip inní.

Þess vegna eru þessar fréttamyndir frá Trípólí, ekki Reykjavík.

 

Íslenskir stjórnmálamenn ættu að vera honum þakklátir.

Kveðja að austan.

 

Stjórnarbyggingar loga í Líbýu