Hvenær verður þessum vandræðapésa stungið inn???

 

Vilhjálmur Egilsson er einn að höfuðsmiðum Hrunsins.  Hann er maðurinn sem var andlit fjárglæframanna út á við, gaf þeim virðulegra yfirbragð.  Hann var eins konar blaðafulltrúi Bjarnabófanna enda ekki með grímu fyrir andlitinu.

Vilhjálmur talaði um hagvöxt og grósku þó skuldir þjóðar væru komnar í hæstu hæðir og efnahagslífið gekk fyrir erlendu lánsfé.

Hann laug.

 

Þegar spilaborgin féll, þá flaut Vilhjálmur ofaná, hann gat meira að segja komið Sjálfstæðisflokknum til að trúa að Hrunið hefði orðið vegna útþenslu ríkisins.  Líklegast er vandfundin ósennilegri skýring en honum tókst samt að koma kastljósinu frá ábyrgðarmönnum Hrunsins yfir á tvö veika stjórnmálmenn og einn á eftirlaunum uppá Svörtu loftum.

Og honum tókst að kæfa niður skynsamar raddir sem vildu að Íslendingar færu leið alheimsins í endurreisninni, færðu niður vexti og skattlegðu útstreymi braskkróna.

Eins og hann var hugmyndafræðingur útrásarinnar, þá varð hann hugmyndafræðingur Óberma Alþjóðagjaldeyrissjóðsins.  Bara heimskan í vaxtastefnu sjóðsins hefur kostað þjóðina hátt í 500 milljarða í vasa fjármagnseigenda.

 

Og hann er hugmyndafræðingur þess að láta almenning borga fjárkúgun breta.  Honum fannst sjálfsagt að skrifa upp á kröfu sem gat numið hátt í 1.000 milljarða ef allt færi á verri veginn.   Honum fannst það alltílagi því hann ætlaði ekki að borga, heldur velferðarkerfi landsmanna, en í staðinn áttu húsbændur hans aftur að fá aðgang að erlendu lánsfé í braskviðskipti sín.

Vilhjálmur grét þegar endurskoðaðir samningar fólu aðeins í sér 507 milljarða skuldbindingu, og þegar þjóðin felldi þann samning, þá grét hann ennþá meira.

Vonar samt milli grátkastanna, að þjóðin samþykki núna samning sem gæti þýtt jafnvel einn tíund þess sem hann vildi svo mjög samþykkja.

 

Og það er ennþá hlustað á þennan mann.

Ef einhver annar hefði reynt að stela 450 milljörðum af þjóð sinni, þá sæti hann ynni og þyrfti að treysta á framhaldslíf til að fá að sjá sólina aftur.

En þessi ástmögur auðmanna, maðurinn sem bar ekki á sér þjófagrímuna, hann valsar um eins og fínn maður, á meðan súpuþjófar og annað ógæfufólk fyllir fangelsin.

 

Frelsi Vilhjálms Egilssonar er staðfesting þess að auðmenn stjórna ennþá öllu á Íslandi.,

Kveðja að austan.

 

 

 

 

 

Ábyrgðin liggur hjá þjóðinni

Athugasemdir

[Elís Már Kjartansson, 20.2.2011 kl. 21:16]

Já hvatti hann líka ekki fólk til að taka lán í erlendri mynt eins og enginn væri morgundagurinn mig minnir það allavega þó svo ég fullyrði það ekki. Það er allavega mikil skítalykt af þessu skítseyði.

[Ómar Geirsson, 21.2.2011 kl. 01:25]

Blessaður Elís.

Ég held ekki, reyndar var hann einn af þeim örfáu sem stóð ístaðið gegn glórulausri vaxtastefnu Seðlabankans.

En í dag man ég aðeins það vonda um Vilhjálm.

Kveðja að austan.

[Elís Már Kjartansson, 21.2.2011 kl. 07:35]

Þessi ummæli eftir Vilhjálm fann ég á amx vefinum.

Undarlegur hræðsluáróður gegn erlendum lánum

„Mér finnst hræðsluáróður íslensku bankanna um að Íslendingar verði að hafa tekjur í erlendum myntum undarlegur því öll höfum við tekjur í íslenskum krónum sem fylgja erlendum myntum þegar til lengri tíma er litið.

Þær leiðbeiningar bankanna um að viðkomandi lántakandi verði að hafa tekjur í erlendum gjaldeyri til að geta tekið erlent lán eru að hluta til réttar, en byggjast á því að viðkomandi einstaklingur sé asni. Sá hinn sami hlýtur að geta stýrt fjármálum sínum og notfært sér í ofanálag lægri vexti í erlendum myntum en bjóðast hér heima.“

- Vilhjálmur Bjarnason, formaður Félags fjárfesta í viðtali við Morgunblaðið 19. febrúar 2007

 

 

 

 

 

[Elís Már Kjartansson, 21.2.2011 kl. 07:36]

Gleymdu þessu Ómar ég er að rugla þessu tveim Vilhjálmum saman afsakaðu bara þessi mistök mín annar er Bjarnasson og hinn Egilsson :)

[Ómar Geirsson, 21.2.2011 kl. 11:10]

Já Elís, en það er þarft að rifja upp gáfur Vilhjálms fjárfesta.

Hann vill staðfesta ICEsave, alla samninga sem fram hafa komið, alveg frá upphafi.  

Og það mun verða vitnað í hann í Baugsmilum og á Ruv.

Sannaðu til.

Kveðja að austan.