Þjóðin skal greiða skuldir óreiðumanna!!

 

Segir forysta Sjálfstæðisflokksins, og framdi sitt pólitíska sjálfsmorð.

Það þarf ekki bara að lesa bloggin sem tengjast þessari frétt, þeir einu sem gleðjast eru þekktir stuðningsmenn breta.  Allir flokksmenn sem tjá sig, skilja ekki þessa afstöðu, hún er svo algjörlega á skjön við stefnu flokksins sem Davíð Oddsson orðaði svo vel.

"Við greiðum ekki skuldir óreiðumanna.".

Stefna sem er lykillinn af endurreisn þjóðarinnar.

Stefna sem almenningur um alla Evrópu bergmálar.

"Við sættum okkur ekki við að fjármálakerfið komi óreiðuskuldum sínum yfir á okkur, við fórnum ekki heilsugæslu og menntun barna okkur svo auðmenn geti baðað sig í peningum en við þrælum okkur út fyrir skuldir þeirra.".

 

Það er ótrúlegur barnaskapur að halda að flokksmenn gleypi við svona Órökum að núverandi samningur sé einhver sigur staðfestu þingmanna flokksins.  Og að tala um áhættu við málssókn.

Af hverju skyldu bretar fallast á lægri vexti á kúgun sinni eða gefa eftir með einhver formsatriði???  Það skyldi þó ekki vera að þeir viti eins og er að krafa þeirra er ólögleg og enginn dómsstóll tæki mark á henni.

Vissulega má reyna telja fólki í trú um að þeir hafi alltí einu fengið samviskubit og vilja koma til móts við íslensk stjórnvöld, en þeir sem trúa því, eru ekki stuðningsmenn Sjálfstæðisflokksins, þeir eru allir í Samfylkingunni.   

Það finnst enginn nógu vitlaus í Sjálfstæðisflokknum til að gleypa við svona bulli.

 

Og ótrúlegt að flokksforystan skuli reyna slíkt.

Dagar hennar eru senn á enda.

 

Og Sjálfstæðisflokkurinn verður ekki lengur þriðja hjólið undir vagni ríkisstjórnarinnar.

Kveðja að austan.

 

 

 

 

 

 

 

 

 

Þjónar hagsmunum að ljúka Icesave

Athugasemdir

[Jóna Kolbrún Garðarsdóttir, 3.2.2011 kl. 01:07]

Heyr, heyr

[Júlíus Björnsson, 3.2.2011 kl. 16:30]

UK getur sjálfri sér umkennt að hafa leyft þessi útibú í kjölfar Alþjóðlegrar endurskoðunar á veðsöfnum Íslands  2004 , þegar komi í ljós að þau voru nánast 100% byggð á "subprime lending". "langtíma hámarks áhættuvaxta kröfu" .

Útibúin voru leið til að ná í "cash" sennilega til að hygla Bresku lánadrottnum bankanna, meðan innherjar hér heima tæmdu kerfið að innan.

Óþjóðhollusta séreignar fjármálgeirans hér og 100% subprime lending, bendir til að þeir hafi verið notaðir sem milliliðir fyrir stærri banka í EU sem neyðast til, vegna regluverks í þeirra ríkjum að halda "subprime lending" í lámarki. 

Fyrir daga séreignarokurbankanna voru Ríkisbankarnir með svona milliliða okrara hér.

Þetta hefur alltaf verið stundað í alþjóðafjármálaheiminum. Factor er eitt [felu]nafn yfir þess einstaklinga eða fjölskyldur.    

Öryggir Regluverks bankar lán í gegnum áhættu fjárfestingabanka og banka í vanþroskuðum ríkjum, sem skilja ekki að áhætta af langtíma bréfum á alþjóðamörkuðum vex með hækkandi vaxtakröfu. Alþjóðamúrinn á öruggum langtíma lánum er 2,0% almenn raunvaxta krafa og hefur aldrei verið brotinn í sögunni.  Hinsvegar hrynja sjóðirnir sem stefna ofar undantekninga laust. Sérfræðingar hér hljóta að vera með skammtíma áhættu þráhyggju.

Þeir sem hafa vita á veðlánastarfsemi vita hvað ég á við og eru þá sammála.  

Yfir Verðtrygging hér um 1983 hefur greinlega ruglað allan fjármálgeirann hér í framhaldi. 

http://juliusbearsson.blog.is/blog/juliusbearsson/entry/1139380/

Íslendingar skilja ekki lengu hvað veð merkti hér um 1967 þegar ég fékk fyrstu fræðslu um veðskuldir og lánastarfsemi: 6 ára gamall.  Þessi merking gildir ennþá í öðrum þroskuðum fjáramál ríkjum.

[Casado (IP-tala skráð) 3.2.2011 kl. 20:17]

Bjarni Ben er búinn að rústa sjálfstæðisflokknum.

[Jakobína Ingunn Ólafsdóttir, 3.2.2011 kl. 20:25]

Tek undir þetta

[Árni Gunnarsson, 3.2.2011 kl. 20:50]

Og það versta er að Ólafur R. mun ekki vísa þessu til þjóðarinnar.

En það næstversta að þó hann gerði það þá myndu kjósendur heykjast á að fella lögin.

[Sigurður I B Guðmundsson, 3.2.2011 kl. 21:31]

Og Björgólfarnir ganga lausir eins og ekkert hafi gerst.

[Eggert Guðmundsson, 3.2.2011 kl. 22:30]

Er ekki tími kominn til að Sjálfstæðismenn og aðrir "Eiðsvarnir" þjónar, sem styðja Icesave samninginn, gefi þjóðinni ,skýrt og skorinort, svar með hvernig þeir meta "kalt hagsmuni Íslenskrar þjóðar, með því að samþykkja þennan samning sem enga stoð á í lögum siðmenntaðra þjóða. Ég vil að þeir leggi þetta kalda hagsmunamat á borðstokk þjóðarinnar.

Hvers vegna spyr ég.  Ég vil fá að vita hvað hangir á spýtunni. Hvers vegna vilja þessir "Eiðsvörnu " þjónar, þjóðarinnar  láta "herra sína "hina íslensku þjóð borga skuldir einkafyrirtækis. Einkafyrirtækis sem gamlaði á móti henni. 

Ég vil líka fá skýrt svar frá "Eiðsvörnum" þjónum okkar, hvers vegna þeir noti ekki sömu fjármuni og borgi frekar skuldir heimilanna, sem þessi einkafyrirtæki  (bankar) stökkbreyttu með sínu athæfi og um leiddi að hruni hagkerfis íslensku þjóðarinnar.

Ég vil fá skýrt svar um "kalt" mat okkar "þjóna" á hagsmunum heimilanna á móti  "köldu" mati þeirra að betra sé að greiða Bretum og Hollendingum.

Hvar er forgangur þessara "Eiðsvörnu" þjóna. Það vil ég fá að vita.

Er hann hjá Bretum og Hollendingum eða er hann hjá þeirri þjóð sem kaus þá til að gæta hagsmuna sinna? 

Í sama svari óska ég eftir leiðbeiningum frá okkar "þjónum" hvernig við eigum að stuðla að uppeldi okkar ungu kynslóðar, og leiðbeiningum umhvernig "heilaþvott" við eigum að beita til að að fá þau til að skilja samhengið í gjörðum "kosinna þjóna" okkar og því "kalda" hagsmunmati þeirra að þau þurfi að greiða skuldir sem ekki er skilt að gera samkvæmt alþjólegum lögu siðmenntaðra þjóða.

Einnig vil ég fá svar og leiðbeiningar frá  þessum "þjónum" okkar, hvernig við eigum að reyna að réttlæta þetta fyrir okkur sjálfum, þ.e. gagnvart stolti og staðfestu íslenskrar þjóðar,  í þeirri grýttri leið  að brjóta af sér klýfjar kúgunar og ná til sjálfstæðis.  

Ég þarf leiðbeiningar við til að  snúa mér og  samþykkja önnur "gildi" sem mér voru kennd í uppeldi mínu. Ég þarf á hjálp að halda til þess að fá sjálfan mig til að greiða upp skuldir "skúrka"sem hafa reynt að knésetja mig og mína. 

Kosnir "þjónar" mínir verða að koma með skýringar, sem skýra  "skýrt og skorinort" á hreinni Íslensku, hvað mér og mínum er fyrir bestu.  

Fyrr en þessar skýringar liggja fyrir, þá mun ég hafa fulla skömm á þeim einsköku "þjónum" mínum sem vilja leggja þessar " ósekju"byrgðar  á mig og mína fjölskyldu, sem og aðrar íslenskar fjölskyldur.

[Ómar Geirsson, 4.2.2011 kl. 08:55]

Takk fyrir innlitið kæra fólk.

Árni, ég óttast hvorugt.

Ólafur er hlæjandi á Bessastöðum, og mun launa fyrrum samherjum sínum ófrægingarherferð sína með því að vísa málinu til þjóðarinnar.  

Hann mun ekki segja margt, annað en öllum verður ljóst að sjálfstæð þjóð greiðir ekki þrælasamning.

Og þjóðin mun segja Nei, það er ljóst núna.  

Ég hafði áhyggjur af flokkshestum flokksins, ef þeir hefðu beygt sig undir vilja flokksforystunnar, þá voru meiri líkur en minni að áróðursvélin hefði bugað þjóðina.

En Bjarni er einangraður með ákvörðun sína, segir allt sem segja þarf að eina hrósið sem hann fær, er frá Steingrími Joð og blaðafulltrúa Jóns Ásgeirs á Fréttablaðinu.

Það eina sem gæti skemmt fyrir er gamli ágreiningur okkar í Andstöðunni við flokkinn, vissulega er margt sem við viljum ræða, og gera upp.  En það þarf að manna skotgrafirnar með því liði sem er tiltækt.

Verði það gert, þá mun þjóðin fella líka þennan svikasamning.

Kveðja að austan.

[Ómar Geirsson, 4.2.2011 kl. 08:58]

Tekk Eggert fyrir þitt sanna innslag.

Þetta er akkúrat kjarni málsins, það er ekki siðleg hegðun að fórna þjóð sinni á altari fjárkúgara.

Þú ættir að birta það sem blogggrein við einhverja frétt þar sem Bjarni reynir að réttlæta óhæfu sína.  Þennan bardaga verðið þið hægri menn að há.

Kveðja að austan.