Þá var kátt í höllinni,

 

Hvort er Steingrímur að hæða Bjarna, eða er þetta einlægur fögnuður???

Svona, "ég hafði alltaf rétt fyrir mér" fögnuður.

Eða er þetta bretavinafagnaður, líkt og sögunni um týnda soninn???'

Loksins samþykktir þú ICEsave Bjarni minn.

 

Persónulega held ég að þetta sé bæði, það er Steingrímur er augljóslega að draga dár að Bjarna og flokkshollum Sjálfstæðismönnum, sem þurfa að éta ofaní sig alla sína gagnrýni í tvö ár.

Raunveruleikinn er sá að þeir sömdu um ICEsave við Alþjóðagjaldeyrissjóðinn, og núna kannast þeir við sinn samning.  Og þar með hljóta þeir að kannast við allt annað sem þeir sömdu við AGS, skatthækkanir, niðurskurðinn, svikin við heimili landsins.

Það var ekki þannig að Steingrímur hafi fundið upp á þessum ósköpum, þetta var allt klappað og klárt þegar hann tók við af Árna Matt.

 

En fögnuður Steingríms er líka einlægur.

Andstaða Sjálfstæðisflokksins við ICEsave fjárkúgunina hefði fellt ríkisstjórnina.

Það hefur lengi verið ljóst að Bjarni og hans fólk í forystu Sjálfstæðisflokksins hefur ekki haft nokkurn áhuga á að stjórna landinu, núverandi ríkisstjórn er þeirra valkostur.

Eða hvað er betra en að sjá vinstri flokkanna framfylgja stefnu Alþjóðagjaldeyrissjóðsins???

Þetta veit Steingrímur, en hefur átt erfitt með að sanna.

Núna er sönnunin komin, Bjarni og hirðin hans kaus ríkisstjórnina fram yfir þjóðina, samþykkt ICEsave samningsins er staðfesting þess.

 

Það hefur oft verið minna kátt í höllinni, en samt talinn fögnuður.

Dagurinn í dag er stór dagur fyrir breta og krónubraskara.  Þeir munu fá sitt.   Allur efi er úr sögunni.

Fjórflokkurinn brást ekki.

 

Þjóðin er svo seinna tíma vandamál.

Kveðja að austan.

 

 

 

 

Fagnar afstöðu sjálfstæðismanna

Athugasemdir

[Bless bless Sjálfstæðisflokkur. (IP-tala skráð) 2.2.2011 kl. 21:47]

Það sést langar leiðir á þessum manni, Bjarna, að hann er ekki maður, heldur bara lítill drengur, sem hefur með góðri leiðsögn og í krafti einhvers annars en sjálfs síns komist þangað sem hann er. Það er sorglegt að einhver hefur greinilega sleppt af honum hendinni, eða litli drengurinn heldur virkilega hann að hann sé orðinn fullorðinn, því nú rasar hann um ráð fram í stjórnleysi og tekur heimskulegar og óupplýstar ákvarðanir eins og óupplýstur skrýll.

Þetta er sorglegt Bjarni minn. Þeir sem halda of fljótt þeir séu orðnir eitthvað sem þeir eru ekki, þeir verða aldrei það sem þeir vilja verða. Og nú ert þú dæmdur til að vera alltaf lítill drengur, nema þú látir af þessari heimskulegu og and-mannúðlegu ákvörðun þinni. Afríka er að deyja út af þjóðarskuldum! Þú ert orðinn samábyrgur gömlu nýlendunum og hefur brugðist deyjandi börnum! Icesave var ætlað að verða fordæmisgefandi máli sem myndi leiða Afríku út úr skuldum sínum líka. Þið hafið svikið allt mannkynið. Ég kýs ykkur ekki meir. Guð blessi Afríku!