Er Björk svona auðtrúa???

 

Eða myndi hún sóma sér við skákborð stjórnmálanna????

Það vita það allir, líka þeir vitgrönnustu, en reyndar spurning um þá VinstriGrænu sem láta LSD neytendur virka veruleikatengda, að Jóhanna og Steingrímur voru aðeins að baða sig í frægðarljóma söngstjörnunnar, og kunnu því ekki við að vera upptekin á fundi.  

Og fyrst þau komu til dyra, þá urðu þau að segja eitthvað sem virkaði ekki mjög móðgandi, erlenda pressan fylgdist jú með.

En þau meintu ekkert með þessu, hafi Steingrímur haft nokkurn áhuga að stöðva Magma ferlið, þá hefði hann gert það þegar hann gat, og hafði öll völd til.  

Það er ekki flókið að tilkynna að skúffufyrirtæki er ekki fyrirtæki, og slíkir viðskiptahættir eru eitur útrásarinnar sem verður að afeitra.

 

En Steingrímur fór í göngutúr upp í fjöll, og kom af fjöllum, ári seinna þegar salan á Magma var frágengin.

 

Og finnst einhverjum líklegt, að Björk, þessi klóka viðskiptakona, að hún trúi hverju sem er???

Að hún trúi fólki með svartan blett á tungunni og lygamerki á tánum????

Ég tel að þeir sem trúi því, séu mjög auðtrúa.

 

Það blasir við að Björk er að nýta þá stöðu sem fagurgalinn í þeim Steingrími og Jóhönnu olli, þau gáfu jú í skyn að þau vildu halda í auðlindir þjóðarinnar.

Og það eina sem Björk er að gera, er að hún bætir aðeins í.

Segir það sem er augljóst ef þetta fólk hefði meint það sem það sagði.

Og hún veit eins og er, að það er fjandanum erfiðara fyrir þau að snúa sér út úr því.

Á meðan er málið í umræðunni, og kemur mjög illa út fyrir vinstri stjórnina, og þá sérstaklega VinstriGræna sem eru í frjálsu falli í skoðanakönnunum.

 

Björk veit hvað hún er að gera.

Kveðja að austan.

 

 

 

 

Vilji til að láta sölu á HS Orku ganga til baka

Athugasemdir

[Jón Logi (IP-tala skráð) 23.1.2011 kl. 08:14]

Og svo má ekki gleyma Ómari.....

[Ómar Geirsson, 23.1.2011 kl. 11:27]

Góður.

Kveðja að austan.

[Kristján Hilmarsson, 23.1.2011 kl. 14:40]

Listafólk sem blandar sér í samfélagsumræðu og stjórmál, gera það gjarnan á svoldið draumórakenndan hátt (ekki misskilja mig, það er oftast af hinu góða) en ég held að Björk sé, eins og þú segir með "fulla fimm" í þessu máli og sé með raunsætt mat á Jóhönnu og Steingrími, en hún keyrir þetta með sínum stíl og eins og hún kann best, og ekki spillir fyrir að góði gamli (sem ég vel að kalla 5. landvættinn) Ómar Ragnarsson er með í för.

MBKV að utan en með hugann heima

KH

[Ómar Geirsson, 23.1.2011 kl. 19:11]

Blessaður Kristján.

Í Nurnberg réttarhöldunum var maður, sem bar af sér góðan þokka, dæmdur fyrir aðild að þjóðarmorði.

Það skipti engu máli þó hann segðist alla tíð hafa verið á móti gyðingaofsóknum, hann var jú ráðherra í ríkisstjórn sem hafði það á stefnuskrá sinni að útrýma þeim.  En hann átti málsbætur, og slapp því úr grjótinu áður en hann varð ellidauður.

Nafni minn Ragnarsson er í svipuðu sporum, nema það hefur ekki ennþá komið til uppgjörs við ríkisstjórn  AGS, en það er ekki nóg að segjast vera á móti virkjunum og stóriðjubrjálæði, og nota síðan karma sitt til að styðja þá ríkisstjórn sem hefur sitt meginstefnumál að skuldsetja þjóðina í ICEsave, svo hægt sé að virkja allt sem virkjanlegt er, og meira til því inní efnahagsáætlun ríkisstjórnarinnar er álver sem á að fá orku frá Krýsuvíkursvæðinu, sem ennþá á eftir að rannsaka.

Það er leiðinlegt að segja þetta, en svikin við þjóðina eru mjög víðtæk hjá því fólki sem ég bara ómælda virðingu fyrir.

Er annars sammála þér með þetta um 5. landvættinn, jafnvel yfirlandvætt.

En það er hún Björk, margir halda að hún sé einföld, því tungutak hennar er litríkt, hugsanir hennar litríkar, hún tjáir sig í litum og draumum, ekki eftir beinni röklínu.  En fáir spá í hvað hún er öflug viðskiptakona, hún hefur byggt upp mikið veldi, þar sem hún er sú sem tekur lokaákvörðun.

Björk veit hvað hún er að gera.

En ég skal játa að ég veit ekki hvað hún er að gera.

Þekki hana ekki.

Kveðja að austan.

[Kristján Hilmarsson, 23.1.2011 kl. 21:53]

Nú datt ég aðeins af "truntunni" Ómar ! varðandi nafna þinn Ragnarsson,  ekki er hann í ríkisstjórninni, né heldur eindreginn stuðningsmaður hennar, nema ég hafi misst af einhverju nýlega ??? en það að ég hafi trú á því að hann sé Björk og því sem hún er að gera núna betri en enginn, þýðir alls ekki að ég hafi verið né muni ætíð vera honum sammála.

En varðandi söngkonuna baráttuglöðu, verðum við bara að bíða og sjá, og Ísland þarf kannski bæði 5. og 6. landvættinn, jafnvel fleiri

Kv. KH

[Ómar Geirsson, 23.1.2011 kl. 23:06]

Kristján, lestu bloggið hans, það vinsælasta hér á Moggabloggi.

Þá nærðu truntunni þinni aftur.,

Nafni minn er eindreginn stuðningsmaður núverandi ríkisstjórnar, skuldaþrældóms AGS og ICEsave nauðungarinnar.

En satt best að segja þá veit ég ekki hvort hann upplifir það sjálfur.

Þú þarft ekki að halda að ég sé að hjóla í mann eins og hann að gamni mínu.  Hvað þá mann sem ég lagði til í öðru hverju bloggi, fyrsta árið eftir Hrun, að hann yrði umhverfisráðherra í þjóðstjórninni sem yrði gera það sem þyrfti að gera, að verja þjóð sína og endurreisa landið.

Og burt séð frá öllu hinu, þá myndi ég alveg vilja hafa hann sem umhverfisráðherra í dag, og lagði það til hér einhvers staðar í andmælum að hann hefði átt að fá þá viðurkenningu á afmæli sínu, að vera ráðinn umhverfisráðherra fyrir lífstíð, í stað þess að kenna umhverfisdag við afmæli hans.

Sagði eitthvað á þá leið, að þjóð sem þyldi ekki sálina hans Ómars Ragnarssonar, að það væri þjóð sem ætti alvarlega að hugsa sinn gang.

En af hverju hann styður ríkisstjórnina, AGS og ICEsave, spurðu hann sjálfan að því, ekki mig.

En sá sem styður þann ófögnuð, hann styður um leið virkjun hverrar sprænu, hvorki ríkisstjórnin eða AGS hafa farið leynt með það.

Kveðja að austan.