Eru menn siðblindir, eða eru menn fífl???

 

Hvað er að fólki út í bæ sem fabúlerar um fjárkúgun breta???

Segir að ef þetta og hitt gerist, þá verði kostnaðurinn þessi eða hinn.

Ekki ætlar þetta fólk að borga, hvarflar ekki að því eina mínútu.

Það ætlar að láta aðra borga.

 

Þetta aumkunarverða fólk lætur eins og 60 milljarðar, það er ef allt gengur að óskum, að það séu einhverjir smápeningar.

Fyrir meintan 4 milljarða króna sparnað, ætlaði ríkisstjórnin að reka 960 manns í heilbrigðisgeiranum, loka sjúkrahúsum landsbyggðarinnar.

Og ríkisstjórnin sveltir bótaþega.

 

Samt er til fólk sem fabúlerar um samning við fjárkúgara.

Hvað fór úrskeiðis í uppeldi þess????

Kveðja að austan.

Gæti fengið meira greitt úr þrotabúinu

Athugasemdir

[Ari Jósepsson, 12.1.2011 kl. 18:22]

Já ég er alveg sammála þér Ómar.

[Kristján Hilmarsson, 12.1.2011 kl. 18:58]

Heilaþvotturinn er hafinn  í fjölmiðlunum:

http://www.mbl.is/frettir/innlent/2011/01/12/taepur_helmingur_vill_samthykkja_icesave/

http://www.mbl.is/frettir/innlent/2011/01/12/greida_tharf_26_1_milljard_vegna_icesave_i_ar/

http://www.mbl.is/frettir/innlent/2011/01/12/gaeti_fengid_meira_greitt_ur_throtabuinu/

MBKV

KH

[Ómar Geirsson, 12.1.2011 kl. 20:24]

Takk fyrir innlitið félagar.

Það er ekki örgrannt að núna sé þvottadagur á fjölmiðlum landsins, og sama afburða fréttamennska sýnd og var í aðdraganda bankahrunsins.

Aðeins raddir þeirra sem borguðu heyrðust, þá auðmanna, núna ESB.

En það sem slær mann mest er vanvirðingin fyrir stjórnarskrá og lögum landsins.  Menn ræða það eins og sjálfsagt mál að greiða fjárkúgun, að það sé svo og svo mikil áhætta að lifa í réttarsamfélagi.

Jafnvel orðið vitgrannur nær ekki lengur yfir fjölmiðlunga okkar.  

Kveðja að austan.

[Loftur Altice Þorsteinsson, 12.1.2011 kl. 23:23]

Er ekki hagkvæmt fyrir sjónvarpsstöðvarnar að geta endurnýtt viðtölin við vikapilta Steingríms ? Almenningi er boðið upp á sama graut í sömu skál og engar rúsínur.

Þetta eru aukunarverðir tilburðir hjá ríkisstjórninni, í ljósi þess að staða landsins er í dag allt önnur og betri en fyrir 12 mánuðum. Núna erum við með sigur-pálmann í höndunum, en Sossarnir vilja endilega verða síðastir allra. Núna ættum við að blása til sóknar gegn nýlenduveldunum en ekki jarma um áhættu sem hvergi er fyrir hendi.

Kvaðja austur.

[Ómar Geirsson, 13.1.2011 kl. 06:53]

Blessaður Loftur.

Það þurfa fleiri að bila en Sossarnir ef þetta á að renna í gegn.

En þegar ég leit yfir sviðið i gær, þá sýnist mér grasrótin halda, og þar vinnst slagurinn.

Góð hugmynd þetta með endurvinnsluna, gæti sparað stórfé.

Kveðja að austan.