Ég lifi í draumi og trúi að ennþá sé 2009.

 

Þetta er nýjasti dægurlaga texti ICEsave ríkisstórnar Íslands, hún heldur að hún sé stödd í tímalykkju, sem lætur mislukkaðar gjörðir hennar endataka sig, á þann veg, að fyrri misstök sé hægt að bæta, án þess að þau telji í raunveruleikanum.

Það er hugsanlegur möguleiki, að núverandi samningur bretaþjóna sé hagstæðari en sá fyrri, sem var sá besti sem val var á.  Það er ef marka mátti þeirra fyrri orð.

En þá átti að leggja hann fram, og fá dóm þjóðarinnar á þann samning, ekki þann samning, upp á 507 milljarða sem var sá besti í heimi sem völ var á, en var óvart felldur hjá hinni illa upplýstri þjóð.

 

Það var ekki gert, 507 milljarða samningurinn var lagður fram.  Og var felldur.

Í millitíðinni hefur ESB lýst því yfir að krafa breta er ólögleg, styðjist ekki við lög og reglur ESB.  

Til hvers er þá verið að semja????

Jú, það er vegna hótana breta segja samningsmenn, en geta ekki útskýrt það nánar.

Hjá þjóðum sem spilling er útbreidd, líkt og í Russía, þá þekkja menn svona rök.  Það er vísað í eitthvað, eins og til dæmis álfa eða jólasvein, en raunveruleikinn er sá, að menn sem bulla, þeir verða ríkari á eftir.

Þess vegna til dæmis, rannsakar ríkissaksóknari Rússlands gjörðir auðmanna í tíð Jeltsíns, hann sá ekki rökin, en hann sá ofurríka menn.

Er þetta skýring þess að örfáir menn ætla að semja við breta um að gefa þeim skattpening Íslendinga í nokkur ár???  Fá þeir í staðinn sumarhús og rífleg eftirlaun, í eitthvað hlýtur þjófnaðurinn af fara, og þetta er ekki í fyrsta sinn sem auðtrúa vinstrimenn fjármagna mútur leiðtoga sinna.

Hvað fá men eins og Einar Kárason og Guðni Th fyrir sinn snúð að ljúga skuldinni upp á samlanda sína??'  Fá þeir tilnefningu til hinna íslensku bókmenntaverðlauna??  Eða fá þeir útgáfusamning hjá ESB, jafnvel í Oxford????

 

Það eru alltaf skýringar þegar menn borga fram hjá lögum.

 

En svo er hin stóra, að fólk trúi að það sé ennþá 2009, að þeir viti ekki að ESB hafi afgreitt kröfu breta sem fjárkúgun.  Og þeir viti ekki að ICEsave sé á ábyrgð breskra og hollenskra stjórnvalda.

Að þeir séu að gera þetta allt í góðri trú.

Að þetta sé svona hópdáleiðsla sem breski dávaldurinn sem kom til landsins, hafi framkvæmt á íslenskum vinstrimönnum sem horfa á Stöð 2, kostuð af Jón og öðrum íslenskum auðmönnum.

Hver veit skýringu þess að heilbirgt fólk þráir að eyða ævi sinni í dýflissum landráðamanna, í stað þess að halda heilög jól með fjölskyldu sinni og ættingjum.

 

Kannski er ég að bulla, það er ekki 2010, heldur 2008, og ég hafi ekki lesið lög og reglur ESB, og trúi því að ríkið sé í ábyrgð fyrir ICEsave.

Eða kannski er ég padda á höfði Kafka, og þetta er allt bull.

 

Kannski sögðu íslenskir vinstrimenn Nei við ICEsave.

Og það er hið sanna í málinu.

Kveðja að austan.

 

 

 

 

Icesave-samningur í dag?

Athugasemdir

[Sveinn Úlfarsson (IP-tala skráð) 7.12.2010 kl. 13:07]

Hvar er stjórnarandstaðan, af hverju er Atlanefndin ekki farin að funda og taka saman lögbrot ICEsave stjórnarinnar. Eina spurningin er hvort ákæra eigi Gylfa Magnússon fyrir landsdómi með þeim Jóhönnu og Steingrími eða hvort það tilheyrir Hæðstarétti þar sem hann er ekki ráðherra lengur en skv. meðhöndlun á Geir Haarde tilheyrir Gylfi líka landsdómi.

Endilega spara peninga og taka þetta allt í einni bunu.

[Jón Flón (IP-tala skráð) 7.12.2010 kl. 13:54]

Þetta er allt komið í tóma helvítis vitleysu, enda stefnir lestarstjórinn okkur öllum hröðustu leið í áttina að stærsta slysi sem vestrænt samfélag mun nokkurn tíma kynnast. Innleiðingu í ESB.

Það er sorglegt að verið sé að sóa peningum í þessar vitleysur báðar - Icesave og ESB - á meðan við hér heima erum að hætta að greiða heimaþjónustu fyrir langveik börn. Sjá menn virkilega ekki brjálæðið í þessu? Erum við öll komin með Stokkhólmsheilkenni?

[Ómar Geirsson, 7.12.2010 kl. 14:31]

Blessaður Flón Jón, ekki ég, ég held sönsum, og einhverjir aðrir sem lesa þetta blogg, oftar en einu sinni.

Og það dugar, það þarf ekki nema einn að kæra glæpinn, þá taka dómsstólar við.

Þess vegna verður enginn ICEsave samningur, þeir sem eru svo vitlausir að semja, þeir eiga vísa vist á Hrauninu.

Flóknara er það nú ekki.

Kveðja að austan.

[Ómar Geirsson, 7.12.2010 kl. 14:36]

Blessaður Sveinn.

Ekki örvænta, þetta fer allt vel.  Lög og regla er okkar og óregla og svik eru þeirra.

Þó stjórnarandstaðan sé í hlekkjum vinnuveitanda og Péturs Blöndal, þá eru þau ekki þjóðin, enda finnst varla sá maður sem treystir þeim.

Kannski er aumingjahátturinn í ICEsave skýringin, flokkar sem eiga fulltrúa í svikanefndinni, geta ekki þvegið hendur sínar af svikum, svo einfalt er það.

En réttarríkið hefur ekki svikið, og það er það eina sem skiptir máli.

Kveðja að austan.

[Kristján Hilmarsson, 7.12.2010 kl. 14:44]

það hlýtur að þurfa að samþykkja þenna "frábæra" nýja samning um Icesave, fyrst á alþingi (gera að lögum) og svo þarf forsetinn að skrifa undir, og þá kemur að "Indefence" eins og síðast, og þaðan væntanlega að fólkinu í landinu, eða eru allir bara á kafi í jólabakstrinum ?

Kallið mig draumóramann, en get ekki séð að fólkið í landinu með forsetanum, samþykki þetta sama hvað.

MBKV að utan en með hugann heima

KH

[Ómar Geirsson, 7.12.2010 kl. 15:05]

Blessaður Kristján, af öllum mönnum, þá átt þú ekki að mæta og móðga mig, ég tel mig vita að þú lesir mig, áður en þú sendir innslög.

Það skiptir engu hver samþykkir hvað, nema fyrir menn eins og mig, sem bíða með puttann á gikknum því ég þarf samning áður en ég kæri fyrir landráð.

Lögin banna alla ICEsave samninga, þeim skortir alla tilvísun í lög.  Það má ekki samþykkja ríkisútgjöld að geðþótta með tilvísun í eitthvað huglægt mat um hugsanlega hættu eða hugsanlegan ávinning.

Vísi stjórnvöld ekki í lög Evrópusambandsins, þá fellur samningurinn um sjálf sig.  Og það þarf ekki nema einn mann til að kæra.

Ástæða þess að ég vil samning er einföld, ég vil draga þetta fólk fyrir dóm, sem barðist fyrir Svavarssamningnum með þeim rökum að ekkert betra væri í stöðunni.  Það var ekki að ráðstafa sínum peningum, það var að ráðstafa almannapeningum, og um þá ráðstöfun gilda skýr lög.

Elle kom með þarft innslag á Þjóðarheiðurspistil hinum nýjasta þar um.

Kristján, trúðu þinni heilbrigðu skynsemi, ráðamenn geta ekki gert það sem þeim sýnist, stangist það við lög og rétt.

Hinsvegar má vera að þú þurfir að kaupa farseðil heim til gamla landsins núna um hátíðirnar, ef ríkisstjórnin reynir að fremja stjórnarbyltingu, og afnemur stjórnarskrána.  Það er hin raunveruleg hætta, ekki að Hæstiréttur með Jón Steinar í fararbroddi dæmi eins og Leppur.

Ef stjórnvöld rjúfa lög og rétt, þá þurfa allir góðir menn að mæta, og vera tilbúnir að verja lýðréttindi fólks með blóði sínu.  Dvöl í Norge er engin afsökun.

Gjör rétt, hindra órétt, það er málið.

Kveðja að austan.

[Kristján Hilmarsson, 7.12.2010 kl. 22:43]

Sæll Ómar minn ! það var nú það síðasta sem ég ætlaði, að móðga þig :( ég skal reyna að muna að setja kaldhæðni táknið næst þegar ég er að kaldhæðnast.

Ég alveg eins og þú treysti ekki þeim sem með "valdið" fara í augnablikinu, þessvegna er vonin bundin við forsetann og fólkið, sem fara með (raunverulega) valdið, það er það sem ræður hvort ég kem aftur til gamla landsins eða ekki.

MBKV að utan en með hugann heima

KH 

[Ómar Geirsson, 7.12.2010 kl. 22:56]

Blessaður Kristján, var aðeins að gantast, var að hnykkja á að samningurinn stæðist ekki lög.

Athugasemdirnar eru yfirleitt hápólitískar hjá mér, þurfa að styrkja boðskapinn.

En það dugar sem sagt að við, ég og þú förum í mál, þess vegna þarftu að vera tilbúinn að fara heim ef byltingin byrjar eftir áramót.

Verði ICEsave samþykkt, og þvingað í gegnum þing og staðfest, þá hefur valdsstéttin sagt sig úr lögum við þjóðina.  Og er þar með rétt og griðlaus.

Og núna er ég ekki að gantast, allavega ekki það síðasta.

Kveðja út og góða nótt.

Ómar

[Kristján Hilmarsson, 8.12.2010 kl. 13:35]

Ég reiknaði nú með því félagi ;) en eru þeir eiginlega ekki búnir að fremja afbrotið ?, þó það hafi verið bremsað af forsetanum og síðan stöðvað alfarið af fólkinu ?? hmmm. kannski ekki, ef ég t.d. sest ölvaður undir stýri og ÆTLA að aka af stað, en svo kemur einhver með meira vit í kollinum og dregur mig út úr bílnum, þá var eiginlega ekkert afbrot framið, en þeir sem á horfðu bera líklega ekki mikið traust til mín eftirá.

En það eru ekki allir sem kunna að skammast sín.

MBKV að utan til austurlandsins.

KH

[Ómar Geirsson, 8.12.2010 kl. 13:51]

Blessaður Kristján.

Samlíking þín náði kjarna málsins, það var ekki afbrot framið.

Þess vegna hangi ég hérna púkinn og fitna á öllum ICEsave fréttum, mér yrði ekki lítið skemmt ef þeir stigu skrefið og semdu, og það alvörusamning, sem hugsanlega hefði verið hægt að plata þjóðina inná á sínum tíma.

En það er bara of seint núna.  Esb hefur kveðið skýrt á um lögleysuna og staðfest rök okkar höfnunarmanna.  Allar heimsendaspár hafa ekki gengið eftir, og til hvers þá???

Jú, það eina sem stendur út úr, er sönnun þess hvurslags afglapaháttur réði för þegar Svavar kom heim með samning sinn, og þing og ráðherrar áttu að samþykkja hann óséðan.

Þá fullyrti fjármálaráðherra, þá fullyrti forsætisráðherra, þá fullyrti samninganefndin, að ekki væri betri samningur mögulegur.  Vissulega var hægt að færa sterk rök fyrir það þau höfðu rangt fyrir sér, en að leiða líkur að einhverju, er ekki sama og sanna.

Eina sönnunin er að koma núna, að þeir sjálfir skrifi upp á miklu betri samning.

Og hvað hefur þá breyst????????

"Nú er kátt í höllinni" syngja menn um allar trissur, ég er einn af þeim, og það er ekki út af jólaanda, mér er skemmt að það sé sannað að ég hafði rétt fyrir mér allan tímann.

Þetta eru og voru landráð Kristján.

Og þeir munu gjalda þess.

Kveðja að austan.