Bullið í Steingrími á sér engin takmörk.

 

Ekki þegar að kemur að því að verja auðrán og hryðjuverk.

Þetta er maðurinn sem er svo óforskammaður að skera niður framlög til sjúkrahúsa á Austurlandi um 56%, kallar það síðan forgangsröðun yfirmanna HSA að þeir skuli þurfa að afleggja þjónustu, ekki var það hans vilji, hann skar bara niður.

Þetta er maðurinn sem á sama tíma vildi afhenda bretum 507 milljarða í ICEsave, en fyrrum flokksformaður hans, Ólafur Ragnar Grímsson, eyðilagði þá tilraun hans.

Og núna lýgur hann því að ekki séu til dómsstólar í Bretlandi, allavega þá þýðir ekki að kæra glæp, nema hann sé alveg nýframinn.

 

Hvernig getur maðurinn bullað svona um breskt réttarfar.

Sé framin ólöglegt athæfi, fjárkúgun eða aðrir alvarlegir glæpir, eins og til dæmis ólögleg beiting hryðjuverkalaga, þá fyrnast þeir ekki á nokkrum misserum, glæpamenn sleppa ekki svo billega.

 

Og aumust er röksemd Steingríms, að fyrri ríkisstjórn hefði ekki vilja lögsækja.

Til hvers var hún hrakin frá völdum, til að Steingrímur gerði allt sem hún ákvað, og meira til????

 

Eru engin takmörk fyrir andlegum aumingjaskap VinstriGrænna, láta þeir bjóða sér hvað bull sem er.

Trúa þeir því kannski að það sé mannvonska forráðamanna Heilbrigðisstofnanna landsbyggðarinnar, sem ræður því að þjónusta er aflögð????

Eða það séu aðildarviðræður í gangi við ESB, ekki aðlögunarferli???

Eða Ísland eigi að borga bretum ólöglega ICEsave kúgun þeirra????

 

Hvar endar trúgirni hins venjulega manns og algjör aumingjaskapur tekur við????  Aumingjaskapur þess sem trúir öllu, bara svo hann þurfi ekki að horfast í augun á óhæfunni????

Ég segi bara eins og Geir Harde, guð hjálpi þessu auma fólki.

Ekki gerir það það sjálft.

 

Aumara fólk er ekki til.

Kveðja að austan.

 

 

 

Ekki líklegt að höfðað verði mál

Athugasemdir

[Jón Flón (IP-tala skráð) 20.11.2010 kl. 11:47]

Steingrímur er ekki leiðtogi. Honum er fyrirmunað að taka ákvarðanir því hann vill enga ábyrgð bera. Hann og Jóhanna vinkona hans sveigjast í allar áttir til að forðast vindinn og fyrir vikið erum við öll strand.

Mest er ég hissa á því hvað þessi ríkisstjórn helst saman. Hvers konar ofurlím var eiginlega notað? Ég þyrfti að eiga dollu af því rótsterka efni.

[Ómar Geirsson, 20.11.2010 kl. 12:55]

Límið heitir hræðsla við kjósendur, íblöndunarefnið er valdaþrá, draumurinn um völd.

En lím eitt og sér dugar ekki, nema enginn reynir að ná stjórninni sundur.  Þar með erum  við komin að megin vanda þjóðarinnar, stærsti stjórnarandstöðuflokkurinn, þessi sem er í lykilstöðum, hann notar þetta sama lím, þó án íblöndunarefna.

Stjórnin er það illskásta sem fjórflokkurinn getur boðið upp á, og þar með er stóra spurningin, til hvers fjórflokkur???????????

Kveðja að austan.

[Elle_, 20.11.2010 kl. 21:10]

Steingrímur er ótrúlega lyginn og svikull fyrir mann sem enn heldur völdum 1 + 1/2 ári eftir að lygarnar hófust, Ómar. 

Þú segir: Sé framin ólöglegt athæfi, fjárkúgun eða aðrir alvarlegir glæpir, eins og til dæmis ólögleg beiting hryðjuverkalaga, þá fyrnast þeir ekki á nokkrum misserum, glæpamenn sleppa ekki svo billega. 

Nei, ábyggilega ekki.  Samt fullyrti Steingrímur, bara ein af lygum hans, fyrir um 1 + 1/2 ári að fresturinn til að kæra vegna hryðjuverkalaganna hefði runnið út í jan, 09.

Hverju hefur maðurinn ekki logið?  Hvað hefur hann ekki svikið?  Hann er jafn hættulegur og slæmur og samfylkta liðið.  Það er ekki einu orði trúandi sem kemur frá þessum hættulega stjórnmálamanni.

Hví er hann í VG?  Hví ekki í Samfylkingunni??  Ætlar VG í alvöru að vera svo nautheimskur hópur að leyfa Árna Þór, Birni Val og Steingrími að eyðileggja flokkinn?  

[Ómar Geirsson, 20.11.2010 kl. 23:21]

Blessuð Elle, þetta fólk er slegið blindu.

Og Steingrímur greyið er bara aumur þjónn auðvaldsins, segir aðeins það sem húsbændur hans vilja.

Og þeir vilja ekki láta lögsækja sjálfa sig.

En Elle, ljónið urraði í Reykjavikurbréfinu, vildi ekki vera Bjarni ef hann ætlar að svíkja.  Þá fær hann að kynnast hvar Davíð keypti ölið.

Og bretum mun ekki takast að þagga þetta mál niður, eins og svo mörg önnur þegar þeir réðu öllum fjölmiðlum landsins, fyrir utan vini þínum, Silfuragli.  

Hvar væri heimurinn ef ekki hefði fæðst Steingeitur???

Kveðja að austan.

[Elle_, 21.11.2010 kl. 00:38]

Ómar þó, RUV Egillinn gæti aldei orðið minn vinur og það veistu.  Og þó þú vitir það, verð ég nú samt að taka af allan vafa í opinberum pistli.  Hann ætti að vera farinn úr RUV með sitt Evrópulið fyrir langa, langa löngu.  Og fordóma um öfga gegn öllum sem vilja ekki ICESAVE.  Öfgamaður sjálfur. 

Nokkuð viss um að Bjarni muni svíkja, hann er of 50/50 í öllu.  Og þó fólk ljúgi um Davíð og kenni honum um alla glæpi Samfylkingarinnar úr fyrri stjórnum og öll óveður landsins, hefur hann verið fjári sterkur gegn ICESAVE.  Honum mun ábyggilega verða þakkað seinna.  

[Ómar Geirsson, 21.11.2010 kl. 01:23]

Elle mín, samband þitt við Egil er farið að minn á ástir samlyndra hjóna, fyrrverandi reyndar.  Maðurinn sem gaf okkur Lipietz, Hudson og Benedikt Sigurðsson, honum má fyrirgefa margt.  Það er með hann eins og Davíð, þegar þessir tímar verða gerðir upp, þá mun hann batna með aldrinum.

Svo nenni ég aldrei að forskeyta með fjand-.

Bjarna verður ekki kalt á öxlunum, það eitt er víst.  En íhaldið er svo flókið, að það hálfa væri nóg.  Einu sinni hefði það verið nóg að fá ályktun vinnuveitanda, og þá myndu allir gagga með, en eftir Hrun, þá gerði grasrótin uppreisn.  Jakkafataliðið var svo vitlaust, að það hélt að það gæti vanmetið Styrmi, og gert lítið úr Davíð.  En það breytir því ekki að þetta er samt flokkur atvinnurekenda, og það veit Bjarni vel.  

Honum er því viss vorkunn, og guð má vita hvað hann hugsar innst inni, en maður í hans stöðu má eiginlega ekki láta slíkt stjórna sér.  Það þarf að sjatla og sætta, klappa þessum, ekki styggja hinn.

Alveg þar til hann verður stór, og tekur af skarið.  Þá veðja ég á að hann reki Pétur á dyr, marki stefnu sem höfðar til millistéttarinnar, og nái að festa fastan stuðningsmannakjarna í sessi.  Þá þorir hann gegn ICEsave og AGS, en ef hann heldur áfram að vera lítill dekurdrengur, þá mun hann hljóta þann dóm sögunnar að vera formaðurinn sem var alltaf í vasa einhvers.

Ótrúlegt að svona skeiðastrákar skuli ekki finna hjá sér löngun til að standa á eigin fótum.  Hugmyndafræðin gegn AGS og helför heimilanna er öll að finna hjá klassískum frjálslyndum hagfræðingum sem væru allir í Sjálfstæðisflokknum, ef þeir væru innlendir.  Og Jón Daníelsson, sem Sigmundur tók hús á, hann er MR-ingur, þaðan koma aðeins eðalbláir menn, þó þeir hugsanlega snobbi fyrir jafnaðareitthvað, þá er blóðið samt blátt.

Og Ben Bernanke er íhaldsmaður af gamla skólanum, þó Davíð sé ekki ennþá búinn að fatta það, enda ekki ennþá búinn að losa sig alfarið við eitrið úr Friedman.  Fyrst að Bush gat þegið ráð hans, þá ættu Sjálfstæðismenn að geta það líka.

Rekið AGS úr landi, stefnt bretum fyrir dóm, losað um skuldakreppu heimila og fyrirtækja, og notað peningaprentun sem brú milli skuldara og skuldaeiganda, og látið síðan landsmenn í friði við að skapa hér nýtt hagkerfi, laust við sjálftöku og auðrán, sem nóta bene bitnaði harðast á kjósendum Sjálfstæðisflokksins.

Það er nefnilega mikill misskilningur hægri manna að þeir eigi að sleikja upp auðmenn, slíkir hugsa aðeins um sinn rass, og frjáls markaður, og frjáls viðskipti er það fyrsta sem slíkir kónar koma fyrir kattarnef, enda hugmyndafræði þeirra ausin úr sama brunni og hjá félaga Stalín, brunni þeirrar heimsku að láta það stóra kæfa hið smá og allan þann fjölbreytileika sem því fylgir.

Það er þessi blinda, eða forheimska Sjálfstæðismanna, sem er meginskýring þess að núverandi stjórn situr, þeir halda að AGS sé stofnun kapítalista, sjá ekki að hún þjónar aðeins ræningjum.

Og eyðir líkt og illvígur engisprettufaraldur.

Kannski ættu Davíð og Styrmir að gagnrýna ríkisstjórnina minna og spá frekar í af hverju þeir hafa ekki blásið til orrustu gegn ræningjum frelsis og eignum þessarar þjóðar.  Við hvað eru þeir hræddir????

Að Jónas gamli Haralz skrifi grein og skýri frá því hvernig AGS var einu sinni fyrir langa löngu, eins og það væri ekki ennþá búið að finna upp tölvur og feisbók?

Nei vandi þessarar þjóðar stafar af kjúklingahætti gömlu mannanna sem hafa ekkert þarfara við líf sitt að gera en að fórna því fyrir framtíð barna og barnabarna sinna.  Það þýðir ekki endalaust að skella skuldina á þá sem hafa ekki tekið út þroska, eða þá sem eru blindaðir af valdagræðgi, þeir eru ekki upphaf og endir eins eða neins, nema að þeim sé leyft það.

Og það er kjarni málsins.

Bið að heilsa Elle, vonandi gengur mér betur að þegja í næstu viku.

Kveðja að austan.