Stuðningsmenn ICEsave og AGS skunda á fund???

 

Hvert skyldu umræðuefnið vera??

Hvernig á að drýgja mat með leðurskóm af þjóðlegum sið??

Hvernig á að nota fjallagrös til lækninga???

Eða þraukum við færibönd verksmiðja með bros á vör???

 

Munum að þetta fólk vill koma svo miklum skuldum á þjóð sína að um 60% af tekjum ríkissjóðs mun fara í vextir og afborganir.

Slíkt skuldahlutfall hefur aðeins einu sinni áður verið lagt á siðaða þjóð.

Í Argentínu og þar var stór hluti þjóðarinnar farinn að treysta á öskuhauga sér til framfærslu.

 

Er það draumur AGS fundarins????

Kveðja að austan.

Þjóðfundur er hafinn

Athugasemdir

[Þorsteinn H. Gunnarsson, 6.11.2010 kl. 11:17]

,,Munum að þetta fólk vill koma svo miklum skuldum á þjóð sína að um 60% af tekjum ríkissjóðs mun fara í vextir og afborganir" segir færsluhöfundur.

Hvernig hægt  sé að draga þessa ályktun að sé yfir lýstur ásetningur þjóðfundarfulltrúa skil ég nú ekki. Eftir því sem ég best veit þá eru þjóðfundarfulltrúar valdir úr þjóðskrá með slembiúrtaki þ.e. samkvæmt lögmáli tilviljunar, sem er ein grein stærðfræði.

Þjóðfundarfulltrúar koma þarna með óbundnar hendur. Þarna eru væntanlega blanda af fólki sem er flokksbundið og óflokksbundið og með ýmsar skoðanir og sjónarmið.

Ég sé ekki að þú ,Ómar, hafir nokkrar forsendur til að draga þessar ályktanir af ásetningi þjóðfundarfulltrúa að þeir ætli að undirrita eitthvert skuldabréf þarna. Þú gefur þér það að þjóðfundarfulltrúar upp til hópa séu handbendi einhverra sérgreinda afla í þjóðfélaginu sem þú hafir einn einhverja vitneskju um.

Það haf nú margar hetjulegar færslur verið færðar af þér, en þessi ber nú af í málatilbúnaði.

Ég skora á þig að biðja þjóðfundarfulltrúa afsökunar á þessari færslu þinni, því að það er mat mitt að athuguðu máli, að þú farir með rangt mál hér og gerir þjóðfundarfulltrúum um skoðanir sem hvergi liggur fyrir að þeir hafi og tillögur þar að lútandi hafa hvergi verið afgreiddar af þjóðfundinum og munu ekki vera til afgreiðslu.

Góðar stundir og eigðu góðan dag.

Kveðja úr Reykjavík fundarstaði Þjóðfundar.

[Ómar Geirsson, 6.11.2010 kl. 14:19]

Blessaður Þorsteinn.

Vissulega mátti færslan vera nákvæmari, gafst ekki tími til þess, sem og hitt að þetta er hugsað sem þriggja pistla sería, og þá ætti allt að komast til skila.  Eða þá í athugasemdarkerfin, ef hlutirnir æxlast þannig.

Það er vissulega rétt hjá þér að það er lítil sanngirni í að fá stimpil út af félagsskapnum.  Ætli þekktasta dæmið um slíka ósanngirni hafi ekki verið þegar Hamsun var sendur á geðsjúkrahús vegna fundar hans við Hitler um bókmenntir, sem, svo ég haldi öllu til haga, var reyndar líka hugsaður hjá Hamsun um að biða þjóð sinni griða.

En félagsskapurinn var ekki æskilegur í augum samlanda hans, og því fór sem fór.

Eins er það þegar maður fer á útifund þekktra öfgamanna, til dæmis nýnasista, þá er yfirleitt ályktað að maður sé annað hvort nassagrey, eða hallur undir málstaðinn.  Þarf samt ekki að vera.

Um þetta er ekki deilt og jafnvel þú ættir að skilja.

Málið er ívið flóknara þegar maður álpast á fund, skipulögðum af óhæfufólki, þar sem markmiðið er að láta einhvern góðan eða fagran málstað breiða yfir þau óhæfuverk sem óhæfufólkið er að vinna að.

Dæmi um þetta er til dæmis þegar glæpamaðurinn í hverfinu sem heldur öllu mannlífi í heljargreipum,  boðar til blaðamannafundar til að monta sig af nýju félagsmiðstöðinni sinni, sem hann reyndar í hjáverkum ætlar að nota sem miðstöð dópdreifingar.

Annað dæmi er þekktasta dæmi mannkynssögunnar um slíka misnotkun, Olympíuleikarnir 1936 þar sem sönnuðum skepnum var afhent hugsjón leikanna til að skeina sér á.

Hvar þessi þjóðfundur kemst á skalann, veit ég ekki.  Hef heldur ekki hugmynd um hvað fundagestir eru að hugsa, mér er nákvæmlega sama, ég veit hverjir eru gestgjafarnir.

Gestgjafarnir eru fólk sem opinberlega hefur barist fyrir föðurlandssvikum í ICEsave deilunni  og þjóðargjaldþroti.  Mig dugar að vita það.

Og þeir sem vilja ekki láta dæma sig eftir félagsskapnum, skulu forðast hann.

Og takk, dagurinn er góður, hér er sólin eins og hún fegurst getur orðið á haustin.

Kveðja að austan.

[Þorsteinn H. Gunnarsson, 6.11.2010 kl. 15:09]

Ég er að fara á bíó með barnabarni mínum og er að flýta mér. Ég skil á ákveðin veg hvað þú ert að hugsa og þarf að velta því fyrir mér.

Þú getur á meðan rabbað við þjóðfundargesti í gegn um bloggið.

KV, ÞHG

[Ómar Geirsson, 6.11.2010 kl. 15:47]

Skemmtu þér vel Þorsteinn.

Ég rabba við þá á minn hátt, með mínu nefi, eins og ég hef alltaf gert.

Kveðjur suður.

[Vilhjálmur Árnason (IP-tala skráð) 6.11.2010 kl. 16:06]

Ég skil ekki elsku vinur að austan.  Viltu hjálpa mér að skilja þessa færslu.

 Hverjir eru "þetta" fólk.    Og kvernig tengist það Isesave. Þegar 80 % kjósenda sem fóru á kjörstað kaus gegn Icesave. 

 Ertu að tala um íslendinga versus Neskaupstað eða er eitthvað ú jöfnunni sem ég veit ekki um...

Með ósk um hjálp að sunnan.   Engin illindi bara útskýringar á hvert þú ert að fara með þessu.

[Ómar Geirsson, 6.11.2010 kl. 16:52]

Blessaður Vilhjálmur, það er ekki hægt að segja allt í örpistlum, maður verður líka að reikna með tengingu fólks.

Skotspónninn er fólkið sem stendur að þjóðfundinum í vinnu hjá ríkisstjórninni.  Fólkið sem talar um jákvæðni og samstöðu á tímum þar sem þjóðin ferst ef hún snýst ekki til varnar.

Og til að hindra að þjóðin verji hendur sínar, þá eru svona skrípasamkomu skipulagðar, hópefli þar sem þátttakendur stinga hausnum í sandinn og láta eins og allt sé í lagi.  Og þeir sem mæta í halelúja kórinn eru í besta falli meðvirkir, og eiga þá kannski smá útskýringu skilið um að ég lýt ekki á þá sem beina skúrka í málinu, en allflestir hafa tekið afstöðu.

Afstöðu að styðja fjárkúgun breta, að styðja ógnartök AGS, að styðja skuldaþrælkun meðbræðra sinna.  En á móti fá þeir fallegt skjal um lýðræði og hópefli.

Þú spyrð mig um Vilhjálmur hvernig hægt sé að tengja svona þegar 80 % þjóðarinnar kaus gegn ICESave, þá spyr ég þig einmitt af því sama.  Hvernig gátu 80% þjóðarinnar kosið gegn ICEsave en látið leppa breta óáreitta í stjórnarráðinu.

Það er eins og Norðmenn hefðu hrakið Þjóðverja úr landi, en leyft stjórn Kvislings að standa.

En íbúar Sarajevó notuðu ekki hópefli og góðan anda til að losna við leyniskyttur Serba, þeir skutu þá.

Kveðja að austan.