Við látum ekki níðast á okkur.

 

Eru skilaboð aðgerðarhópa landsbyggðarinnar.

Tillögur þeirra Steingríms og Guðbjarts, sem reyndar báðir eru þingmenn landsbyggðarinnar, ganga ekki út á sparnað, heldur níðingsskap.

Þann níðingsskap að telja fólk á landsbyggðinni óæðri verur.

Auðtrúa ginningarfífl sem falli í stafi yfir mælsku foringjanna.

 

En þessi ályktun sýnir að það býr fólk á landsbyggðinni, ekki foringjahollar gungur Samfylkingarinnar og VinstriGrænna.

Í dag er leitun á svo aumu fólki að það styðji flokka sína í níðingsskapnum.  Einstaka formannsrolur svæðafélaga sem tauta að íhaldið hefði gert þetta líka.

Kannski tvær þrjár manneskjur, restin fyrirlítur ómennskuna.

 

Guðbjartur á hvergi athvarf nema hjá Sirrý eða öðrum Samfylkingarpésum Ruv.  Ærlegt fólk talar ekki við hann lengur.  Reyndar talar enginn við hann lengur, nema mútufé ESB.

 

Þess vegna er stjórnin fallin því enginn þingmaður vill fljúga sjálfsmorðsflugvélum AGS, að sprengja í loft upp velferðarkerfið að boði sjóðsins og láta um leið sitt pólitíska líf.

Spurningin er bara hver vill slíta.  

Þess vegna ákallaði Jóhanna stjórnarandstöðuna, bað hana um að enda þjáningar ríkisstjórnarinnar.

 

En frekar en að taka líf landsbyggðarinnar að boði AGS, þá ættu þingmenn hennar alvarlega að íhuga aðra valkosti.

Í því vali liggur þeirra manndómur.

 

Allt er betra en að vera ærulaust úrhrak sem samborgarar manns virða ekki viðlits.

Allt er betra en það hlutskipti.

Allt.

Kveðja að austan.

Samstaða um jafnan rétt til heilbrigðisþjónustu

Athugasemdir

[Elle_, 5.11.2010 kl. 22:31]

100 læknar eru flúnir úr landi, Ómar.  100 læknar af um líkl. 1000.  Og íslenskir læknar erlendis koma ekki aftur núna eftir nám.  Það er gríðarlega sorglegt.  Ætli hinir 100 flúnu læknar séu ekki líka tapaðir okkur?  Ofsalega langar mig að nota ljót orð, kalla næstum alla í stjórnarflokkunum andstyggilegum og illum nöfnum opinberlega: Sálarlausa óþokka og mannleysur.  

[Helga Kristjánsdóttir, 6.11.2010 kl. 01:03]

  Elle,við erum að hitna verulega.

[Ómar Geirsson, 6.11.2010 kl. 07:55]

Blessaðar stöllur.

Vísa í pistil minn um neyðina á Landsspítalanum.

Og á þá augljósu staðreynd að fólki er eiginlega gott sama, nöldrið er eins og nöldrið yfir sumarfrosti sem eyðilagði kartöfluuppskeruna, skítt en lítið við að gera.

Þess vegna er verið að gera okkur þetta, þess vegna heyrist aðeins í örfáum nöldrurum.

En viljir þú slá í gegn, komast inn í umræðuna, þá nöldrar þú yfir þeim sem nöldra, og sérstaklega yfir þeim sem eru óverðugir en fljóta með þegar fólk er að benda á neyðina.

Jafnvel að einhverjir af þeim tali pólsku.  Og að það sást til manns með nasistafána.

Þetta er svívirðan sem íslenska þjóðarsálin gleypir við, og smjattar á.

Ekki fréttir af einhverjum sérvitringum sem voga sér að mótmæla guði og AGS og stofna aðgerðarhópa um eitthvað svo ómerkilegt eins og að standa vörð um spítala krummaskuða.

Allra síst hvarflar það að venjulegu fólki á þessum stöðum að styðja slík mótmæli, nema þá einu sinni, það er kvótinn.

Svo er það áhyggjurnar af jólagjöfunum og verslunarferðum sem taka huga fólks.

Nei Helga, fólk er að kólna.

Kveðja að austan.