Stjórnmálamennirnir komu okkur á hausinn með fullkomnum...

3.11.2010 | 11:41

Stjórnmálamennirnir komu okkur á hausinn með fullkomnum afglapahætti.

Og þeir siga innheimtulögfræðingum á fólk.

Það er engin tilviljun að eini maðurinn sem þorði að segja að það mætti ekkert gera fyrir skuldara, var Brynjar Níelsson formaður lögmanna.

Efnislega sagði hann, sorrý ykkar tjón að vera svo vitlaus að kjósa yfir ykkur afglapa. En engin skuldaaðlögun er lögleg nema hún fari í gegnum gjaldþrotameðferð.

Það er okkur, innheimtulögfræðingana og dómstóla.

Í dag fara hundruð milljóna frá fólk í erfiðleikum, frá fórnarlömbum Hrunsins, í vasa lögfræðinga. Þær fara ekki í að greiða kröfur, ekki til að kaupa mat handa börnum, þau fara í vasa manna sem hagnast á ógæfu annarra.

Þessir menn gera út heilan stjórnmálaflokk sem bar meginþungan af Hruninu og fékk núna nýlega auglýsingastofu til að skapa fyrir sig 22.000 ný störf.

Á pappírnum.

Og þessi flotti auglýsingapappír var hafður til að fela eina nöturlega staðreynd, að höfuðsmiður Hrunsins, tæki hag innheimtulögfræðinga fram yfir alla aðra í þessu þjóðfélagi.

En á síðustu stundu fékk auglýsingahönnuður þeirra þó komið inni einni silkibót, svo ég vitni í formann flokksins.

"og þeim sem missa heimili sitt gert kleift að endurleigja það gegn hóflegri greiðslu og njóta kaupréttar á húsnæðinu í allt að fimm ár. "

Fyrst var auðmönnum leyft að ræna fólkið, síðan er forsendulaus verð og gengistrygging látin hækka lán fólks upp úr öllu valdi svo allt eigið fé þess þurrkast út, og þá, og þá

fær fólk að leigja sínum fyrri íbúð, með skuldahalann á bakinu.

Þvílík silkibót, þvílík náð og miskunn sem Hrunverjar finna fyrir.

En svona þarf þetta ekki að vera.

Hæfustu hagfræðingar bentu strax skjólstæðingum innheimtulögmanna á Alþingi á að það væri miklu hagkvæmara fyrir þjóðfélagið og kröfuhafa að fólki væri gert kleyft að borga skuldir sína og halda heimilum sínu.

Og þeir bentu á leiðir til þess.

En mútufé ESB kæfði alla þá umræðu, vissulega var henni haldið lifandi í bloggheimum, en almenningur les ekki blogg.

Almenningur treystir mútufénu og hlustar á síbylju skjólstæðinga innheimtulögfræðinga um að það sé ekki í mannanna valdi að breyta mannannaverkum.

En almenningur finnur samt að eitthvað sé að, þó mútuféð láti sem allt sé í himnalagi og flytji okkur meira að segja fréttir af norrænum vinum sem dásama hina íslensku endurreisn.

Buddan trúir nefnilega ekki mútufé, hún trúir ekki auglýsingapésum, hún tekur bara mark á cassi.

Og það er uppurið á flestum heimilum.

Spurningin er því einföld, er afglapaháttur forsenda þess að þjóðinni sé stýrt?

Það er vill þjóðin bara afglapa í vasa innheimtulögfræðinga????

Já og náttúrlega leppa AGS í VG og þá sem auðmenn keyptu í prófkjörum Samfylkingarinnar, en það fólk gerir hvort sem er ekkert, meira að segja spurning hvort þetta sé fólk yfir höfuð.

En sleppum útidúrum, kjarninn er sá, viljum við þetta, hver svo sem skýringin er???

Ef ekki þá ætlar fólk að tunna Alþingi heim á morgun.

Hvað tekur við????

Ja, það má guð vita, ef hann þá veit það.

En ekki afglapar í vasa innheimtulögfræðinga, það er þó byrjun einhverrar endurreisnar.

Tekst þetta??

Veit ekki, veit ekki hvað mikið að fólki býr á Íslandi.

En þetta er það sem fólk ætlar að gera á morgun.

Kveðja að austan.

Austurvöllur 4. nóvember · 14:00 – 23:30

http://www.svipan.is/?p=15561