Á að hita upp tunnurnar???

Munum að bræðraþjóðir okkar studdu allar sem ein, nema fólkið, fjárkúgun breta í ICEsave.  Munum öll þau viðtöl sem hafa verið tekin við forsætisráðherra Noregs, Danmerkur og Svíþjóðar þar sem þeir segja að Íslendingar geti ekki skorast undan að standa við skuldbindingar sínar samkvæmt EES samningnum.

Og þar með afhjúpuðu þeir bæði vanþekkingu sína og illvilja.

Munum hvað sagði í fréttum Ruv 29.07.10

"Engin ríkisábyrgð er á bankainnistæðum á Evrópska efnahagssvæðinu. Svo segir í svari frá Michel Barnier, yfirmanni innrimarkaðsmála hjá framkvæmdastjórn Evrópusambandsins til norska fréttamiðilsins ABC Nyheter"

Samkvæmt lögum allra réttaríkja þá varðar svona stuðningur við fjárkúgun við lög, þetta er glæpsamlegt athæfi.

Og þessum mönnum ætla íslenskir skattgreiðendur að gefa að éta í kvöld á sama tíma og það á að loka sjúkrahúsum á landsbyggðinni. 

 

Munum að hin svokallaða bræðraaðstoð var skilyrt fjárkúgun breta og undir handleiðslu AGS.  Hin meintu lán voru ekki fyrir íslenskan almenning heldur fyrir auðmenn svo til væri nægur gjaldeyrir fyrir þá að skipta ránskrónum sínum í erlenda mynt.

En almenningi var síðan ætlað að borga gjaldeyrislánin.

Að kalla þetta aðstoð er eins og að kalla það aðstoð þegar glæpflokkar herja á flóttamannabúðir Súdans, stela hjálpargögnum, en náðarsamlegast selja þau til fórnarlamba á uppsprengdu verði, og taka börn og konur í þrælkun sem greiðslu.

Skuldaþrældómur var inntak hinnar norrænu bræðraaðstoðar.

 

Og mér býður við að þurfa að hlusta á mærðarfull þakkarorð Samfylkingarpésa sem fá seint þakkað illviljann.

Væri ekki einhver þarna í Reykjavík til í að tunna svo mærðin heyrist ekki fyrir tunnuslætti frelsisins.

Því þar sem eru tunnur, þar býr frjáls taktur.

Eitthvað sem hinir norrænu Eurokratar munu aldrei skilja, en hafa gott af að hlusta á.

Gerum það fyrir þá.

Kveðja að austan.

Þing Norðurlandaráðs hefst í dag