Hún vann hjá Landsbankanum.

 

Við að bera út fólk.

Æ, bara djók.  Hún vann við koma skuldum Björgúlfs og Björgúlfs á þjóð sína.

Nei, rangt, líklegast vann hún við að útfæra áhlaup auðmanna á íslenskt hagkerfi.

Ha, var það líka rangt, hvað gerði hún þá að sér????

Eru ekki fangelsin fyrir stórglæpamenn????

Ég bara spyr.

Var þetta eftir allt saman veik manneskja sem þurfti samhjálp okkar.

Og er hana að finna í fangelsum landsins???

Ja, margt er skrýtið í kýrhausum VinstriGrænna og Samfylkingarinnar.  

Þeirra réttlæti er ekki allra.

Kveðja að austan.

Síbrotakona úrskurðuð í gæsluvarðhald

Athugasemdir

[corvus corax, 27.10.2010 kl. 13:47]

Næstum því alveg rétt hjá þér, það er ALLT skrýtið í kýrhausum vinstriglærra og smáfylkingarinnar. Var að heyra áðan að það eigi að hvetja þá sem þurfa að sækja sér matargjafir til hjálparsamtaka, að fjölmenna í mötuneyti alþingis á daginn því þar munu víst ekki vera skornar við nögl veitingarnar ...og að sjálfsögðu á kostnað þjóðarinnar.

[Ómar Geirsson, 27.10.2010 kl. 13:53]

Blessaður Corvus.

Það er ekki mat að allt sé skrýtið í kýrhausnum, það er faktur.

Og um það deilum við ekki, smekksatriði hvort það sé margt eða allt, eða jafnvel sumt.  

En það sem er skrýtið, það er þess eðlis að ekki þarf að spyrja að hinu, og því segi ég enn og aftur.

Aum er aumingjastjórn.

Fleiri orð þarf ekki.

Kveðja að austan.

[Nanna Katrín Kristjánsdóttir, 27.10.2010 kl. 15:24]

Þumalfingursreglan virðist vera þessi; Ef þú ætlar að brjóta af þér skaltu gera það almennilega ef þú vilt komast upp það. Það er betra að gjaldfella eigin þjóð en að stela súkkulaði í 10-11.

[Ómar Geirsson, 27.10.2010 kl. 15:38]

Blessuð Nanna.

Eitthvað svoleiðis vildi ég sagt hafa, en notaði hæðnina til að flytja þau boð.  

Þetta er svo augljóst, en fólk hlustar á Spegil og Egil, á alla þá sem skildu ekki að auðránsþjóðfélagið gat ekki gengið til lengdar, því rán er jú rán, en núna skilja þeir ekki að það sé hægt að byggja upp nýtt og betra þjóðfélag, þar sem allir eru með.  

Líka veikir og sjúkir, eins og þessi kona.

Nei, auðrán skal það vera, AGS er kominn til að vera og skuldaþrældómur skal kallast efnahagsstjórn.  Og við trúum alltaf þeim sem ljúga í þágu auðmanna.

Og setjum veikt fólk á Hraunið, í stað þess að veita því læknishjálp.

Kveðja að austan.

[Atli (IP-tala skráð) 29.10.2010 kl. 08:17]

Eigum við ekki að fara varlega í að færa vg og samfylkingu dómsvaldið líka, það er ekki eins og Steingrímur og Jóhanna hafi elst við þessa konu sjálf

[Ómar Geirsson, 29.10.2010 kl. 08:47]

Blessaður Atli.

Nei, það gerðu þau vissulega ekki, en sá sem náði völdum eftir Hrun samfélags, með því fyrirheiti að byggja upp nýtt og betra, en notar síðan völd sín til að endurreisa það gamla, með öllu sínu ranglæti og mannvonsku, hann er sekur um glæp svo ég vitni í Eirík Haukson.

Og fyrir þann glæp á að útskúfa þau, það er ekkert verra en að svíkja réttmætar vonir fólks.

Það er stríð í gangi, þúsunda ára gamalt stríð, milli mennsku og ómennsku, það vill svo til að ein orrusta er núna háð í landi okkar.  Í stríði er lítil miskunn sýnd á vígvellinum, en þeir sem aðhyllast mennskuna, þeir sýna miskunn eftir að sigur hefur unnist.

Láta sér jafnvel sannleikann og fyrirgefningabeiðni duga.

Því miður hafa fordæðin ekki ennþá verið lögð að velli, leppar þeirra eru það öflugir.  Á meðan þurfa lepparnir að sætta sig við að ólyktin af húsbændum þeirra sé rugluð saman við þeirra eigin skítalykt.

Og uppskera svona tengingu.

Kveðja að austan.