Er hægt að ná lengra í lágkúru og rýtingsstungum????

 

ASÍ með Gylfa forseta í fararbroddi er eitt meginþrýstiaflið sem skýrir að Davíð Oddsson, þáverandi seðlabankastjóri, var kveðinn í kútinn innan Sjálfstæðisflokksins og Geir Harde fékk fyrirmæli að kalla á AGS.

Hvernig gat óvinsælasti maður landsins (eftir velheppnaða Barbabrellu Samfylkingarinnar sem næstum tókst að koma sinni ábyrgð á Hruninu yfir á Davíð) staðið gegn Samfylkingunni, ASÍ, Samtökum atvinnulífsins og ESB armi Sjálfstæðisflokksins undir forystu Þorgerðar Katrínar???

Hann gerði það nú samt í rúmar tvær vikur en fékk engan stuðning frá þjóðinni í andstöðu sinni gegn aðkomu  sjóðsins við að hlekkja íslensku þjóðina á skuldaárarnar.

Nema reyndar frá þeim Steingrími og Ögmundi, en það dugði ekki til.

 

Í dag sitja þeir Steingrímur og Ögmundur uppi með óráð sjóðsins og niðurbrot velferðarkerfisins.

Hverjir álykta þá ofanaf fjöllum eins og nýfætt barn með tandurhreina samvisku????  Jú Alþýðusamband Íslands, "ömurlegt með þetta bankahrun og nýfrjálshyggjuna" álykta þeir hissa.

Þeir minnast ekki á að Michael Hudson, einn af frægari hagfræðingum heims, varaði stjórnvöld eindregið við að láta sjóðinn hlekkja þjóðina í skuldaþrældóm vegna skulda fjármálakerfisins. 

Það eina sem þyrfti að gera væri að endurskipleggja fjármálakerfið, atvinnulífið stæði traustum fótum, erfitt en hægt án þrældóms.  

Í sama streng tók Josef Stiglitz, nóbelsverðlaunahafi í hagfræði, þegar hann benti á að óráð AGS gerðu kreppuna á Íslandi óviðráðanlega.  Báðir þessir hagfræðingar bentu á hvernig hægt væri að aðlaga ríkisútgjöld að tekjum án þess að leggja velferðarkerfið í rúst.

En nýfrjálshyggja Alþjóðagjaldeyrissjóðsins myndi örugglega gera það.

 

Þessi nýfrjálshyggja Alþjóðagjaldeyrissjóðsins, sem ASÍ gagnrýnir núna svo hart, hún er í boði Alþýðusambandsins, hún hefði ekki komið til landsins ef það hefði beitt sér gegn því.  Vegna þess að samtök atvinnulífsins voru í sárum vegna þess að allflestir forystumenn þess voru beintengdir útrásinni og útrásarvíkingum, og eftir Hrun var frekar spurning hvort þeir yrðu tafarlaust fangelsaðir, en að einhver tæki mark á þeim.

En það var tekið mark á Gylfa forseta og ráðum hans um að kalla á nýfrjálshyggju AGS.

 

Gylfi forseti og hans menn voru og eru líka eindregnir stuðningsmenn fjárkúgunar breta, sem kennd var við IcEsave.  Þeir studdu svikasamning Svavars Gestssonar fram í rauðan dauðann, og hörmuðu mjög þegar þjóðin felldi hann í þjóðaratkvæðagreiðslunni.

Í þessum svikasamningi voru níðþungar vaxtagreiðslur, á þessu ári hefðu þær verið upp á 50 milljarða króna, sem ríkið hefði þurft að skera niður aukreitis ef þjóðin hefði aftur farið að ráðum Gylfa forseta og samstarfsmanna hans hjá ASÍ.

Hvernig hefði fjárlagafrumvarpið verið ef þessir 50 milljarðar hefðu fallið á þjóðina á þessu ári, 35 milljarðar á því næsta, og svo koll af kolli.

Það hefði verðið í rúst, rjúkandi rúst, í stað þess að vera á leiðinni í rjúkandi rúst eins og nú er.   Á þessu er sá munur að ennþá er von um að snúa þróuninni við.

 

En ég veit hvað ASÍ hefði sagt. 

Sambandið hefði skammað stjórnvöld, sérstaklega þá Steingrím og Ögmund, fyrir nýfrjálshyggju og að rústa velferðarkerfinu.  Vegna þess að það eru engin takmörk fyrir lágkúru og rýtingsstungum þessara manna.

Engin.

Kveðja að austan.

 

 

 

Áhyggjur af stöðu velferðarkerfisins

Athugasemdir

[Hamarinn, 13.10.2010 kl. 21:33]

Þú segir nokkuð.

[Ómar Geirsson, 13.10.2010 kl. 21:41]

Jamm, ég segi nokk.

Samhengi hlutanna verða að munast. Ef þú býður þjóf og misyndismanni í heimsókn, þá skammar þú ekki nágranna þinn þó öllu sé stolið.  Sá sem fær sér ljón sem gæludýr, hann Gylfar þetta ekki á dánarbeðinu, og segir, en ég hélt að ljón væri grænmetisætur.

Og þú lætur ekki samþykkja ICEsave og heldur velferðarkerfinu á eftir.

Kveðja að austan.

[Njáll (IP-tala skráð) 13.10.2010 kl. 22:10]

Þarna eru níðingur, einfeldningur og psycopati samankomnir.
                (AGS, Gylfi, Steingrímur)

Flott partí.

[Ómar Geirsson, 13.10.2010 kl. 22:26]

Já, sjúkt er þetta.

Kveðja að austan.