Veruleikafirrtur lögmaður gjammar.

 

Látið starf mitt og minna í friði.

Allar kreppur eru okkar vertíð.

Og meðan svona gjamm er í umræðunni, þá blæðir þjóðinni út.

 

Skammist ykkar Mbl. menn að birta svona gjamm á meðan þið hafið aldrei séð sóma ykkar að birta skrif og röksemdir manna eins og Marínó Njálssonar sem hefur hrakið órök blóðsuga lið fyrir lið.

Hver borgar ykkur kaup???

Ætlið þið að reka blað án þjóðar???

Kveðja að austan.

Brynjar: Hættið að gefa óraunhæfar væntingar

Athugasemdir

[Ólafur Guðmundsson, 11.10.2010 kl. 16:07]

Úff, þetta kemur úr hörðustu átt!!!

Ég er ekki frá því að Marinó sé fastur penni á mbl.is. Ég veit ekki hvað það eru margar greinar frá honum bara í dag.

[Ómar Geirsson, 11.10.2010 kl. 16:15]

Nú er það.

Hvar eru þær hér á fréttasíðunni????

Kveðja að austan.

PS.  Ertu lögmaður sem óttast að missa spón úr aski ef blóðmjólkun almennings verður ekki stöðvuð???

[Vendetta, 11.10.2010 kl. 16:16]

Brynjar er einn af lélegustu lögmönnum á Íslandi, og er þá mikið sagt. Sem verjandi venjulegs fólks fyrir rétti er hann alveg áhugalaus, en þegar Baugsmafían fóðraði vasa hans um árið, þá barðist hann fyrir þann glæðalýð með klóm og kjafti.

Og ummæli hans hafa sýnt það, að hjarta hans slær ennþá fyrir auðmennina og fjármálafyrirtækin.

[Ólafur Guðmundsson, 11.10.2010 kl. 16:27]

http://www.mbl.is/mm/frettir/innlent/2010/10/11/segir_bankana_bera_sig_of_vel/

http://www.mbl.is/mm/frettir/innlent/2010/10/11/hh_37_prosent_lana_i_skilum/

http://www.mbl.is/mm/frettir/innlent/2010/10/11/skuldavandi_heimilanna_raeddur/

Marinó er oft talsmaður „Hagsmunasamtaka“ heimilanna. Hve margar greinar og fréttir komu um áðurnefndan Brynjar.

[Ómar Geirsson, 11.10.2010 kl. 16:37]

Blessaður Ólafur, Mbl.is fær pínuafsökunarbeiðni vegna tengilsins á grein HH.

En röksemdarfærslur Marínós hafa ekki birst þar þó annað slagið fái hann tvær þrjár setningar við einhverja frétt.  En það er passað vel upp á að finna sérvitringana sem vita ekkert hvað þeir eru að segja.  Síðan þurfa áhugasamir að fara á bloggið hans Marínós og finna staðreyndir málsins.

Þetta var til dæmis tilfellið þegar dómur Hæstaréttar var sagður ógna fjármálakerfinu.

Brynjar er fastagestur hér á Mbl.is, þó hann sé á launum hjá Exista.  Kalla það lágt lagst að ná höggstað á þjóðina með því að draga fram skrif á Exista vefnum, en sumir vita ekki hvaðan fæðan kemur, hvort hún komi frá þeim sem eiga hagsmuna að gæta að viðhalda blóðmjólkuninni, eða þeim sem kallast almenningur og eru 99% Íslendinga.

En batnandi manni er best að lifa, og Mbl.is má þó eiga sína yfirbót.

Kveðja að austan.

[Ólafur Als, 11.10.2010 kl. 17:12]

Það er vel hægt að vera ósammála Brynjari án upphrópana, Ómar. Mér sýnist maðurinn beina kastljósinu að fjölmörgu, sem vert er að hafa í huga. Eins má segja um Marínó, hann hefur fært mörg ágæt rök fyrir sínu máli. Það sem upp úr stendur í umræðunni allri er sú þögn sem er um afskriftir á lánasöfnum bankanna og hve yfirvöld hafa verið ómarkviss í sínum aðgerðum, eða öllu heldur aðgerðaleysi.

[Ómar Geirsson, 11.10.2010 kl. 17:23]

Jamm, það má Ólafur, en ég er ekki í skapi til þess.

Missti það skap eftir að ég las þetta blogg.

http://www.pressan.is/spjallidmedsolva/LesaSpjallidMedSolva/framdi-sjalfsmord-vegna-naudungarsolu

Þú mátt hafa þitt geð fyrir mér, en í mínum huga er tími blóðsuga lokið.

Kveðja að austan.

[Elle_, 11.10.2010 kl. 17:48]

Hann var illskiljanlegur í fréttinni:

Brynjar Nielsson, formaður Lögmannafélags Íslands, segir að hætta verði að gefa almenningi óraunhæfar væntingar um almennar niðurfellingar á skuldum á kostnað annarra.

Kostnað hverra??  Við erum að tala um oftöku banka og fjármálafyrirtækja af lánþegum.  Og verður að skila þýfinu.  

Það verður að Það er því mikill misskilningur hjá mörgum fjölmiðlamönnum, stjórnmálamönnum og forsvarsmönnum allra þessara skuldarafélaga að með afskriftum lánastofnana á skuldum fyrirtækja sé verið að velta skuldunum yfir á almenning.

Nú, þarna er EKKI verið að velta neinu yfir á almenning.  Þannig að leiðrétting/niðurfærsla á skuldum almennings mun ekki heldur koma niður á öllum almenningi/ríkinu.  

[Ómar Geirsson, 11.10.2010 kl. 17:52]

Blessuð Elle.

Ég hélt að ég hefði skilið hann mjög vel.  Það má ekki grípa til almennra aðgerða fram hjá gjaldþrotalögunum því þá er það á kostnað lögmanna.  Þess vegna tala ég um blóðsugur, er það ekki????

En takk fyrir innlitið, var bara að jóka.  Gott að fleiri veki athygli á aumum málflutningi Brynjars.

Kveðja að austan.

[Elle_, 11.10.2010 kl. 18:13]

Ómar, næst ef e-r heldur fram að ÞEIR SJÁLFIR muni þurfa að borga fyrir að oftöku banka og fjármálafyrirtækja sé skilað, getum við vísað í orð formanns Lögmannafélgsins.  Hann sagði það beinum orðum að það væri EKKI verið að velta niðurfellingu á skuldum yfir á almenning (ríkið).  Sama gildir fyrir niðurfellingu fyrir hinn almenna mann.  Hann skaut sig í fótinn í vörn sinni fyrir bankana og ríkisstjórnina. 

[Ómar Geirsson, 11.10.2010 kl. 18:30]

Jamm, hann ætti að halda sig við rjúpurnar.

kveðja,

[Sigurður M Grétarsson, 11.10.2010 kl. 19:01]

Nei Elle. Þarna ert þú að misskilja Brynjar. Seinni setningin, sem þú vitnar í hjá honum á aðeins við um skuldir, sem eru felldar niður hjá fyrirtækjum, sem ekki geta greitt sínar skuldir. Það næst oft meira fé inn með því að fella niður hluta skulda fyrirtækja þannig að þau geti haldið áfram rekstir og náð þannig inn áframhaldandi tekjum heldur en að gera þau gjaldþrota. Hann er því ekki að halda því fram að almenn skuldaniðurfelling sé ekki á kostnað annarra. Hann er þvert á móti að segja það í fyrri setningunni, sem þú vitnar í að almenn skuldaniðurfelling sé á kostnað annarra og þar fer hann með rétt mál.

Ómar. Hvað Marinó varðar þá er hann einn af svokölluðum "forsíðubloggurum" hjá Mbl.is og því birtast tengingar inn á greinar hans oft á forsíðunni. Það er því ekki hægt að segja að ekki sé vitnað í hann. Það er hins vegar rangt hjá þér að hann hafi "hrakið órök blóðsuga lið fyrir lið". Hann hefur reyndar komið með föst rök fyrir máli sínu en hefur farið með rangt mál í veigamiklum atriðum og þar með komist að kolrangri niðurstöðu. Síðan þolir hann ekki betur að bullið í honum sé leiðrétt á bloggíðu sinni en svo að hann lokaði meðal annars á mig eftir að ég hafði ítrekað bent á það á hans bloggsíðu hvað væri rangt í því, sem hann var að halda fram. Þar hefur verið af nógu að taka.

Svo ég taki nokkur dæmi um bullið í Marinó. Reyndar er þetta sama bullið og Hagsmunasamtök heimilanna eru að breiða út.

Afskriftir af lánasöfnum gömlu bankanna við sölu þeirra til nýju bankanna gefa ekki færi á að fara út í flata niðurfærslu skulda án þess að einhver annar þurfi að greiða fyrir það. Þessar afskriftir eru til að mæta óhjákvæmilegum afskriftum vegna þeirra lántaka, sem ekki geta greitt sínar skuldir í topp. Það er ekkert, sem bendir til þess að meira muni nást inn fyrir þessi lánasöfn en þau voru keypt á miðað við að innheimta upp í topp. Svo kom fram í fréttum að kaupverð þessara lánasafna séu með endurskoðunarákvæði árið 2012 og að verðið, sem greitt var fyrir lánasöfnin á síðasta ári sé miðað við það mat á lágmarksinnheimtum eins og þær voru metnar á sínum tíma og ef mat árið 2012 gerir ráð fyrir meiri innheimtum þá þurfi nýju bankarnir að greiða meira fyrir lánasöfnin. Þetta ákvæði ætti að sýna öllum mönnum með lágmarksskynsemi að ekki mun neitt vera eftir til að veita afslætti til þeirra, sem geta greitt sín lán en samt hefur Marinó og HH haldið því áfram að fullyrða að hægt sé að nota þessar afskriftir til að fjármagna flata niðurfellingu lána. Þvílíkt kjaftæði. Allir, sem hafa einhvern snefil af þekkingu á því hvernig lánasöfn eru verðmetinn við sölu vita að niðurfærslur slíkra lánasafna gefa ekkerft tækifæri til flatrar lækkunar skulda allra lántaka sem skulda í slíku lánasafni.

Einnig hefur Marinó og HH haldið því fram að Alþingi hafi vald til að ákveða flatar afskriftir lána. Svo er einfaldlega ekki því Alþingi hefur ekki vald til að setja lög, sem ekki standast stjórnarskránna. Slík lög væru brot á eignarréttarákvæði stjórnarskrárinnar. Vissulega koma rök um forsendubrest þar á móti en það er lagalegt úrlausnarefni en ekki pólitískt að kveða á um það. Það getur því engin annar en Hæstiréttur ákveðið lækkun skulda á grundvelli forsendubrests. Ef Alþingi setti slík lög án undanfarandi dóms hjá Hæstarétti þá fara lánveitendur einfaldlega í mál við ríkið á grundvelli eingaréttarákvæðis stjórnasrskrárinnar og ef þeir vinna það mál þá lendir það á ríkissjóði að greiða tap lánveitanda vegna laga um niðurfellingu skulda.

Ég gæti haldið lengi áfram að nefna dæmi um bull, sem frá Marinó og HH hafa komið í gegnum tíðina. Þessi samtök hafa lítið annað gert frá stofnun en að hamra á leiðum, sem eru ekki færar ásamt því að níða skóinn af öllum þeim aðgerðum, sem stjórnvöld hafa þó verið að grípa til af veikum mætti og þar með valda því að margir, sem hefðu getað haft mikið gagn af því að notfæra sér þau úrræði hafa ekki verið að gera það sjálfum sér til tjóns og jafnvel í sumum tilfellum til mikils tjóns.

Ef HH hefðu raunverulega haft áhuga á að leysa vanda, sem flestra heimila í vanda hefðu þau starfað með stjórnvöldum að því að hanna raunhæfar leiðir til að takast á við skuldavanda heimilanna í stað þess að öskra á ófærar leiðir ásamt því að níða allt það, sem stjórnvöld hafa verið að gera þá væri staðan væntanlega mun betri í dag heldur en hún er. Þegar HH og Marinó hafa til viðbótar verið að bera fram blekkingar um að þarna sé um færar leiðir að og vekja þannig falskar vonir hjá fólki um að slík lausn sé handan við hornið þá hafa þessir aðilar verið hreinlega að valda skemmdarverkum á tilraunum til að leysa vanda þessa hóps.

Hvað varðar oftekna hækkun lána eins og Elle Ericsson talar um þá er það líka úrlausnarefni fyrir dómstóla en ekki Alþingi að skera úr um hvort svo sé eða ekki. Lántakar verða því að fara í mál við lánveitendur. Nýleg lög um hópmálsókn auðveldar það verk. Þau lög eru reyndar allt of seint komin og átel ég stjórnvöld fyrir að hafa ekki komið fram með þau í árslok 2008 eða ársbyrjun 2009. Það að koma fram með þau í árslok 2010 er til skammar. Það er hins vegar ekkert við því að gera og nú er bara fyrir þá, sem skulda verðtryggð lán að nýta sér þau nú þegar þau eru loks komin.

[Kristján Hilmarsson, 11.10.2010 kl. 19:35]

 Hm ! þegar maður les nánar pistil Brynjars á pressan.is og einnig innlegg Sig.M. Grétarss. (vandað ekki hægt að segja annað) hér á undan, er mikið fræðilegt og fínt á báðum stöðum í hefðbundnum stíl, en og ég meina EN!!! það er bara ekki tími fyrir það hefðbundna núna, Brynjar fer aftur tilbaka til 1980 og "misgengis" áranna á eftir, sem hann kallar svo, þetta hef ég líka nefnt áður sem eitt af fórnarlömbum þess brjálæðis sem þá skeði og margir misstu allt sitt og meira til, en ég hef líka sagt að það er ekki sambærilegt í umfangi á við ástandið núna, að ekki sé talað um hvað við (almenningur) vitum í dag um þetta hvernig gífurlegum fjármunum er sífellt "stolið" frá almenningi og flutt til fjárglæframanna í skjóli kosinna fulltrúa fyrrnefnds almennings.

Þar með fellur þessi tilvísun í stjórnarskrána hjá Sig. M. Grétarss. um sjálfa sig, því í henni eru skýr ákvæði um það hvernig kjörnir fulltrúar þjóðarinnar eiga starfa henni í hag en ekki eingöngu fyrir fjárglæframenn, nærliggjandi að spyrja nú hvort ykkur finnist það atriði hafi verið uppfyllt.??

Tími fínu orðanna og fagmannsruglsins er liðinn, þau sem meirihluti þjóðarinnar batt sitt traust til í síðustu kosningum, brugðust og geta einungis komist skammarlaust frá því með því að söðla um og hætta öllu ESB aðlögunarferli í bili, segja upp AGS samkomulaginu (samkomulag eða hitt þó heldur), byrja á því stoppa útburð á fólki meðan úrlausna er leitað og/eða "pilla" sig og fara frá, flóknara er þetta ekki.

MBKV að utan en með hugann heima

KH

[Elle_, 11.10.2010 kl. 19:40]

Sigurður, ég er þarna að benda á mismununina sem hefur viðgengist í bönkunum milli hins almenna manns og fyrirtækja.  Veltist kostnaðurinn EKKI yfir á almenning/ríkið þegar felldar eru niður skuldir fyrirtækja, eins og lögmaðurinn heldur fram - og þú tekur undir það - hvers vegna gildir ekki það sama um hin almenna mann sem er í erfiðleikum?  Hinn almenni skuldari hefur EKKI verið að fá neitt niðurfellt.  Lögmaðurinn, og hann er ekki fyrstur um það, talar um niðurfelldar skuldir fyrir lífvænleg fyrirtæki.  Menn sem skulda eru líka lífvænlegir, Sigurður.  

[Ómar Geirsson, 11.10.2010 kl. 23:42]

Blessaður Sigurður,  ég er líka á forsíðu Mbl.is, þó ég tali um óða hunda..  Forsíðan þar er lókalheimur bloggara og kemur fréttaflutningi ekkert við. 

Annars máttu eiga þessi rök þín við Marínó, hann er ekki að lesa spjall okkar, þannig að ég legg til að þú fáir þér dulnefni og takir hann í bakaríið á heimslóðum.  En þegar ég las debat ykkur, þá man ég nú ekki til þess að þú hafir bakað hann, og mig minnir líka að þér hætti til að missa stjórnina á orðum þínum.  Og ......

Svona get ég endalaust haldið áfram Sigurður, því ég er ekki að þessu til að rökræða málin, þú misstir af þeim tíma, það er um það bil ár síðan ég samdi minn svanasöng þar sem ég ákallaði vit og mennsku góðra manna.  En þú komst kurteislega inn, og ég er ekki í skapi til að vera leiðinlegur.  

Ég skil alveg hvað þú ert að fara, en ég er ekki sammála forsendum þínum miðað við það ástand sem er í dag.  Kristján útskýrir sjónarmið mín alveg ágætlega, tími rökræðunnar er liðinn.  Þjóðin veðjaði á þau sjónarmið sem þú heldur fram, og þau hafa ekki dugað til að bregðast við ástandinu.  Ég á mörg blogg úr fortíð minni þar sem ég varaði við hvað myndi gerast, við þeirri ólgu og sundurlyndi sem myndi grafa um sig.  Það sama gerði fullt af þyngri mönnum en ég er og það er ekki þannig að spámennirnir hafi gengið einir um eyðimörkina og hver um sig fengið þessa hugljómun, við lásum bara rétt i ástandið og þjóðin vildi ekki hlusta.

Sigurður ég fór á toppinn á Moggablogginu um daginn, óþekktur maður austan af fjörðum sem er ekki húsum hæfum sökum orðbragða.  Þó bakkar mig enginn upp, ég á rætur í andstöðunni, en blogga mjög harkalega gegn ofsóknaræði hennar, ég skamma VG og Samfó, en í næsta bloggi er ég farinn að herja á úrræðaleysi íhaldsins eða framsóknar, og ég skamma reglulega álæðismenn.  Þannig séð einn á móti öllum, eða einn með öllum, allt eftir því hvernig á málið er litið.  

Og ég tala um Útburð, en legg samt ekki til leiðir ofbeldis eða stjórnarbyltingar, því ég trúi að sátt og samlyndi, eins öfugsnúið og það hljómar miðað við herskáa stíl minn, sem hina einu leið sem þjóðinni er fær.  

En vegna ICEsave hættunnar hef ég alltaf bloggað gegn stjórninni.  Án þess að taka nokkurn tímann þátt í starfi sem gæti fellt hana.  En hvernig heldur þú að ég gæti beitt penna mínum, ef ég styddi eitthvað raunhæft, ekki loftkastala.  Og ég myndi veðja á þá ólgu sem er í þjóðfélaginu, ef ég hef vit til að ögra öllum, en samt náð topp 10 á blogginu hvenær sem mig langar til, hvað ef ég hefði notað vitið til að bylta, til að ljá öðrum þá hvatningu að skipuleggja sig í einbeittum vilja til að hafa grundvallaráhrif á umræðuna, og til að virkja óánægjuna???  

Forsendurnar eru augljósar,  það er ekkert sem segir að ég og mínir, sem erum með verðtryggð lán, að við eigum að koma skríðandi til stjórnvalda og biðja um úrbætur, við erum nógu mörg til að sækja þær.  Og miðað við framferði bankanna og afskriftarvilja þeirra gagnvart auðmönnum, þá er létt mál að fókusa fólki gegn þeim, og gegn stjórnvöldum sem virka ráðalaus, vilja örugglega vel, en ná ekki að tækla ástandið.  

Þetta er hin raunveruleg hætta við ástandið Sigurður, og þú mátt þakka fyrir að það sé til skynsamt fólk eins og Marínó sem hafa haldið uppi málefnalegu andófi gegn ríkjandi ástandi.  Því það er nóg af fólki þarna úti sem hefur vit og skipulagshæfileika til að gera út á ástandið.  

Það er svo einfalt að hleypa öllu hér í bál og brand, að það hálfa væri nóg.  Og þá myndi fólk taka sér réttinn, ekki biðja um hann.  

Hrunið var fordæmalaust og það krefst fordæmalausra aðgerða að bjarga þjóðinni.  Hennar lán er ennþá að hér hafa ekki komið fram einstaklingar sem hafa áhuga á eigin völdum án þess að spá í afleiðingarnar af því valdabrölti.  Þrátt fyrir allt eru allir að reyna sitt besta en ógæfan var að AGS er ekki sama stofnun og hún var fyrir valdatöku Chicago skólans og hinnar grímulaus alþjóðavæðingar.  Ráð AGS virka ekki, enda hefur sjóðurinn sjálfur beðist afsökunar á heimsku sinni og vanhæfni.  En sagst hafa lært, en dæmin í núverandi kreppu sína að svo er ekki.  

Vegna þess að stefna hans skapar byltingarástand þegar skuldum fjármálakerfis er velt af fullum þunga á almenning.  Og stefna um afnám ríkisrekinnar velferðar er minnihluta stefna sem vekur aðeins andúð og úlfúð.  Líkt og við sjáum hér á landi, Lettlandi og víðar.  

Hefði vitiborið fólk stýrt sjóðnum, þá værum við ekki í þessu debati núna í sitthvorri fylkingunni.  

En ég er ekki að fara gera byltingu, tækist það sjálf sagt ekki, en ástandið á eftir að versna, og ef menn málamiðlanna ná ekki árangri, hvað þá??????????????

Ekki það að ég viti svarið, en ég hef bent þér á hættur.   Orðið "ég" kemur oft fyrir í þessar tölu minni, en það er vegna þess að ég setti mér markmið fyrir ári síðan um mjög hvassan málflutning sem ég vildi að yrði lesinn þegar til átaka kæmi.  Mitt markmið var að fella ríkisstjórnina, og ég tel það hafa gengið eftir, það er það tókst að magna upp svo mikla andstöðu að máttarstólpar þjóðfélagsins, háskólahagfræðiríkissjónvarpsfjölmiðlaspunakokkar ríkisstjórnarinnar höfðu ekkert í hana að gera.  Það sjá allir að stjórnin er dauð.  Ég vissi hvernig átti að fara að þessu, náði markmiðum mínum, og ég veit alveg hvernig á að fara að hinu.  Og það er fullt af fólki sem veit það sama.

En ég blaðra svona því ég er hættur.  Morgundagurinn er minn svanasöngur.  Nenni ekki að taka þátt í að sparka í hræið.  Er svo síðan svo sérvitur að það sem ég skrifa frá hjartanu, ekki eftir lögmáli áróðursins, að á það er ekki hlustað og því algjör tímasóun hjá mér að halda þessum skrifum áfram.  Aðeins ein ástæða að ég held síðunni opinni, hún er hugsanleg ICEsave svik, annars gerist það sem gerist án þess að ég skipti mér af því.

En mundu að sýna HH virðingu, það eru einmitt þeir sem eru eina von yfirstéttarinnar um að almenningur bylti henni ekki.  Og þið skuluð næra þá von á þann besta hátt sem ykkur er mögulegt.  Það er fullt af mönnum þarna úti sem vita hvernig á að skipuleggja andóf og byltingar, og þeir munu vakna af dvala sínum ef hinar sögulegu sættir HH og  ríkisstjórnarinnar mistekst.

Sigurður, mínir spádómar hafa gengið eftir fram að þessu, og ég fullyrði að þessi muni gera það líka.  Það eru menn eins og þú sem geta skipt þar sköpum, hættið að hamast gegn þjóðinni, því annars náið þið aldrei að brúa bilið, og þið munir falla niður gjána og andstaða þjóðarinnar gleypa ykkur.

Takk fyrir spjallið, megi þér takast að sjá ljósið áður en það verður of seint.

Kveðja að austan.

[Hjörleifur Harðarson (IP-tala skráð) 12.10.2010 kl. 10:15]

svona í tilefni af þessari spræku um ræðu sem upp er sprottinn frá höfuð manni löfræðinga hér á landi ... þá langar mig að velta einu upp... sem hann segir.

fyrir einstaklinga " Uppgjör hjá því fólki þarf að fara fram og afskrifa sem útaf stendur."

fyrir fyrirtæki "Það greiðir enginn meira en hann getur og það sem útaf stendur er því afskrifað."

Ég hef oft lent í vandræðum með peninga mál og oft þurft að semja við lögfræðinga. Aldrei hef ég þó heyrt neinn orða það eða semja um skuld á

þessum forsemdum sem eru nefndar eru í þessari grein .. og þá sérstaklega " Það greiðir enginn meira en hann getur."

Ef staðreyndin er þessi að engin greiði meira en hann getur hvers vegna er þá svona erfitt að semja við lögfræðinga.

jú það er vegna þess að þeir vilja alltaf fá allt en ekki bara það sem hægt er eða raunhæft er.

en bara varð að velta upp ...lögfræðingar lol ..ættu að fara í uppistand frekar en réttarsali

[Ómar Geirsson, 12.10.2010 kl. 11:23]

Blessaður Hjörleifur.

Ef þú bætir við orðum hans um leiðir gjaldþrotalaga, þá ert þú kominn með samhengið.  

Og þó Grettir hafi verið sterkur, þá held ég að hann hafi aldrei lagt í 70.000, en það ætlar Brynjar sér.

Margur er mikill í sinni er óhætt að segja.

Kveðja að austan.

[Sigurður M Grétarsson, 16.10.2010 kl. 03:08]

Elle Ericsson. Það gildir það sama um fyrirtæki og einstaklinga. Það að fella niður skulir, sem skuldari getur hvort eð er ekki greitt kostar ekki neitt. Það að fella niður skuldir, sem skuldari getur greitt kostar hins vegar þá upphæð, sem felld er niður. Ég hef aldrei haldið öðru fram og það geiri Brynjar heldur ekki í þessu viðtali.

Ómar. Það varst þú, sem byrjaðir að nefna Marinó en ekki ég. Staðreyndin er sú að hann hefur frá upphafi haldið því fram að hægt væri að nota afskriftir lána milli gömlu bankanna og þeirra nýju til að lækka skuldir yfir línuna. Það er einfaldlega rangt því þessar afskriftir námu einungis þeim upphæðum, sem menn höfðu áætlað að töpuðust vegna skuldara, sem ekki geta greitt sínar skuldir. Það er því ekkert, sem bendir til annars en að þær fari að fulli í það og því stendur ekkert eftir til annarra nota.

Það er útilokað fyrir stjórnvöld að ná sáttum við HH meðan þau hvika ekki frá kröfu um aðgerðir af hálfu stjórnvalda, sem þau hafa ekki möguleika á að framkvæma.