Þorsteinn Pálsson er einn af hugmyndafræðingum Hrunsins.

8.10.2010 | 15:15

Þorsteinn Pálsson er einn af hugmyndafræðingum Hrunsins.

Vilji menn gera upp Hrunið, þá er hann fremstu meðal jafningja á sakamannbekk.

Það er menn eins og hann sem dásömuðu hagræðinguna í kvótakerfinu sem byggðist á ofurskuldsetningu og er ekki sjálfbær.

Það er menn eins og hann sem vilja ofurskuldsetja þjóðarbúið vegna virkjana sem munu ekki ná að skapa nema um það vil 1% af landsmönnum vinnu þegar fabrikkurnar eru risnar, en skuldirnar svipta þjóðina efnahagslegu sjálfstæði sínu.

Það voru menn eins og hann sem börðust hart gegn þeim sem vildu koma böndum á bankana.

Það voru menn eins og hann sem dásömuðu hagræðinguna sem fólst í að allt atvinnulíf var komið á hendur örfáum auðhringum, með þeim rökum að hagkvæmi stærðarinnar væri það sem gerði þjóðir ríkar. Sú hagkvæmni er öll gjaldþrota en samt hefur hann notað penna sinn í ótalgreinum til að ýta undir þau viðhorf bankanna að endurfjármagna þessa ofureiningar sem drápu allt kvikt í kringum sig og gátu síðan ekki greitt krónu að skuldum sínum.

Það er menn eins og Þorsteinn Pálsson sem börðust fyrir auðmannskapítalisma sem kom öllu hér í þrot. Sem olli venjulegum atvinnurekendum meira tjóni en lærimeistarar Stalíns gátu nokkru sinni.

Og þegar það þjóðfélag sem hann barðist fyrir, féll, þá er lausn Þorsteins Pálssonar, skuldaþrældómur þjóðarinnar. Hann vill að aldraðir og öryrkjar borgi ICEsave, en ekki hefur hann mandóm til að leggja fram ofureftirlaun sín.

Það er menn eins og hann sem vilja skuldaklafa almennings á meðan þeir þiggja veislur auðmanna, og ríflegar þóknanir þeirra.

Ef Geir Harde er sekur um eitthvað, þá var það að berjast ekki gegn hinum illa anda sem hér sveif um grundir. Sem lagði þetta þjóðfélag í rúst.

Sé Geir sekur, þá má margfalda sekt hugmyndafræðinga Hrunsins með 100 og dugar það varla til.

Og það aumingjalegasta við þetta er að allt tal hans um evru byggist á lygi. Evran er í dag hin dauða hönd Evrópu. Hefðum við Íslendingar haft hana, þá væri þjóðfélagið búið að vera.

En hugmyndafræðingar dauðans telja slíkt þjóna sínum markmiðum.

Það kallast algjör sigur auðmanna yfir almenningi.

Skuldaþrældómur sem engin leið er úr.

En það má Þorsteinn Pálsson eiga, að hann leynir ekki skoðunum sínum. Þeir sem sjá fram á Hrun byggða sinna, ættu að lesa greinar hans í Fréttablaðinu.

Þar geta þeir lesið réttlætingu þeirrar hugmyndafræði.

Það þarf jú að borga ICEsave segir Þorsteinn.

Og hann er ekki á stofnun.

Kveðja að austan.