Það kostar 220 milljarða að leiðrétta Hrunskuldirnar.

 

Þetta er upphæð sem fellur til á löngum tíma því flest verðtryggð húsnæðislán eru til 40 ára.

Þetta segir Steingrímur að þjóðin hafi ekki efni á.

Eins og að það fylgir því enginn kostnaður að viðhalda hér þrælaþjóðfélagi.  Eins og mannslíf og ómældar þjáningar hafi ekki á sér verðmiða.

Setjum þessa upphæð í samhengi.  

Útgreiðsla úr peningamarkaðssjóðum, var hún ekki upp á svipaða upphæð???

Óþarfa lán frá AGS uppá 800 milljarða, kosta þau ekki eitthvað í vexti????

Og hvað með ICEsave.  Ólögleg fjárkúgun sem bretar þora ekki með fyrir dómstóla en treysta á samvinnuþýða vinnumenn sína í stjórnkerfi og hjá verkalýðshreyfingunni til að knýja hana í gegn á móti vilja þjóðarinnar.

Var ekki ICEsave samningur þeirra Jóhönnu og Steingríms upp á 507 milljarða með vöxtum, sem átti að vera búið að greiða fyrir 2021.  Ekki er það langur tími.

Hefði samningurinn farið í gegn, þá hefði Útburðurinn þurft að taka 50 milljarða til viðbótar út úr velferðinni, bara til að geta mætt ICEsave skuldbindingunni.

Þessir peningar voru til reiðu, það vantaði ekki en að kosta til 220 milljarða sem falla til á mjög löngum tíma, það gat Útburðurinn ekki.

Vegna þess að þetta fólk vinnur ekki fyrir þjóðina.  

Þau eru vinnumenn andskotans sem með verkum sínum leggja drög að landeyðingu.  

Og það eru engin rök í málinu að þetta hafi allt verið einhverjum öðrum að kenna.

Þessi einhver annar er ekki ráðherra í ríkisstjórn Íslands.

Þar eru bara Útburðir.

Kveðja að austan.

Aðgerðirnar kosta 200 milljarða