Jæja, alltaf finnst fólk án æru.

 

Skyldi hún hafa verið tekin og sett í pant fyrir krónubréfum í eigu Seðlabanka Evrópu??

En einelti er ljótt, og aðeins fólk án æru tekur þátt í því.

Skiptir engu þó ærulaust fólk á þingi sem lætur bera út þúsundir samlanda sinna, biður um eltið.

Allir sem þessu máli koma ótilneyddir munu aðeins uppskera fyrirlitningu, og skrifi þeir ævisögu, þá mun ákæra Landsdóms á hendur krabbameinssjúklingi og þátttaka þeirra i þeirri skömm, ekki vera neðanmáls, hún mun vera í týnda kaflanum sem aldrei verður birtur.

Skammist ykkar.

Kveðja að austan.

Sigríður og Helgi saksóknarar

Athugasemdir

[Grímur (IP-tala skráð) 7.10.2010 kl. 10:14]

 Er þetta ekki sami saksóknari og lét sækja mann til Noregs og lögsækja hann vegna niðrandi skrifa hans um svertingja?

[Ómar Geirsson, 7.10.2010 kl. 10:38]

Veit ekki.

Kannski átti að þvo honum um munninn með sápu.

Kveðja að austan.

[Loftur Altice Þorsteinsson, 7.10.2010 kl. 10:44]

 

Sigríður J. Friðjónsdóttir og Helgi Magnús Gunnarsson er heiðarlegt fólk með langa reynslu af störfum saksóknara. Varla eru betri kostir fyrir hendi, til að tryggja að öll atriði málsins verði full-rannsökuð. Mikilvægt er að öll rannsóknargögn verði opinberuð og að réttarhöldin fari fram fyrir opnum tjöldum – krefjast verður þess að sjónvarpað verði frá öllum fundum Landsdóms.

 

Varla leikur vafi á að Geir H. Haarde mun fá þungan dóm, en sanngjarnan og í samræmi við sekt. Að niðurstöðu fenginni, mun liggja ljóst fyrir að öll Hrunstjórnin er stórlega sek og mun sæta ákærum fyrir Landsdómi. Um langa framtíð munu réttarhöldin verða valda-aðlinum aðvörun og refsivöndur laganna verða Alþingismönnum sem Grýlu-vöndurinn hefur lengi verið Hjólasveinunum.

 

Ég minni á, að Jóhanna Sigurðardóttir og Össur Skarphéðinsson verða í hópi sakborninga fyrir Landsdómi. Varla verður dvöl þeirra á ráðherrastólunum löng, eftir að þau eru orðnir dæmdir sakamenn. Það er auðvitað í fangelsi sem þessi hjú eru best geymd. Dvöl þeirra þar verður varanleg, því að eftir er að dæma þau fyrir öll glæpaverkin og landráðin, í Icesave-stjórninni. Landsmenn sjá nú fram á bjartari daga, þegar hreinsað hefur verið til, með landráðadómum yfir Sossa-stóðinu.  

 

 

[Ólafur Ingi Hrólfsson, 7.10.2010 kl. 11:04]

Loftur - það er einn maður dreginn fyrir Landsdóm -

Þar sem nefndi hafði lokið störfum hefði ég haldið að þingið myndi tilnefna saksóknara.

Þau verða alltaf undarlegri og undarlegri vinnubrögð þessarar nefndar.

Og enn undarlegri er dómur Lofts yfir Geir -

Undarlegur maður Loftur.

Bestu kveðjur austur

[Guðmundur (IP-tala skráð) 7.10.2010 kl. 11:16]

Afhverju er verið að blanda sjúkdómi Geirs í málið? Er það til að valda meðaumkvun? Er það vegna þess að líkur eru til þess að maðurinn verði dæmdur sekur og þetta verði ein leiðin til varnar?

[Ómar Geirsson, 7.10.2010 kl. 11:21]

Blessaðir félagar.

Einelti er ljótt.

Og það er ljótt að taka þátt í því.

Og Loftur, það er mikið af heiðarlegu góðu gegnu fólki búið að afsala sér æru sinni síðustu misserin.  Nærtækast er allt það mæta fólk sem hefur sagt með hryggðarsvip, "við verðum að greiða ICEsave, undan því verður ekki vikist", vitandi að það muni aldrei greiða krónu en þeir sem þurfa á velferðinni að halda muni blæða.  Þetta eru rithöfundar, listamenn, hagfræðingar, háskólamenn, fjölmiðlamenn, stjórnmálamenn auk manna hjá verklýðshreyfingunni og hjá atvinnurekendum.

Það að vera góður og gegn, og vammlaus fram að þessu, breytir engu þegar fólk tekur þátt í verknaði sem er ekki verjandi.

Einelti er alltaf ljótt.

Kveðja að austan.

PS. Það er alltaf undarlegt að þora gegn straumnum Ólafur, það er tilviljun að straumurinn og Loftur fari sömu leiðina í þessu máli.  Og ógæfa Geirs var að hlusta á meginstraumana þegar hann þáði ráð.  Hefði betur farið í kennslustund hjá Lofti um eðli gjaldmiðla.  Þá hefði landinu kannski ekki verið kolsiglt með heimskulegustu hagfræðikenningu síðustu aldar, hávaxtastefnunni.

[Ómar Geirsson, 7.10.2010 kl. 11:38]

Blessaður Guðmundur.

Það er aðeins verið að benda á hvað háan garð menn ráðast.  Menn sem telja sig vita betur í dag, þeir hljóta hafa þá vitað betur á meðan þjóðarskútan stefndi á skerjagarðinn.  En enginn af þeim þorði þá gegn skipstjóranum, enda þá maður við heila heilsu.

Núna ætlar þetta lið að ákæra fyrrverandi ráðherra, sem auk þess að vera fyrrverandi, er sjúkur maður.  Ákæra fyrir afglöp, sem eru ef rétt er, á ábyrgð þeirra líka.

Ef það er hægt að komast lægra, þá þætti mér vænt um að heyra það dæmi.

En spurning þín væri eðlileg ef ég hefði haldið uppi málsvörn fyrir Geir, ef hann hefði verið ákærður fyrir brot á lögum og verið dreginn fyrir dóm.  Þessi pólitíska ákæra fyrir Landsdómi á ekkert skylt við slíkt, hún er gróflega misnotkun sekra manna og kvenna, sem eru að reyna að slá ryk í augun á þjóðinni, í þeirri von að umræðan um sekt þess fari í þann farveg að klína öllu sem miður fór á Geir,  á lögunum Landsdóm sem voru hugsuð til að takast á við lögbrot framkvæmdavaldsins, þegar að venjulegum aðferðum verður ekki beitt.  Þess vegna dreg ég fram veikindi hans til að undirstrika lágkúruna í málsmeðferð.  

Pólitík Geirs var röng, en lýðræðislega kosin, engin þvingun eða lögbrot áttu sér stað, hún einfaldlega endaði illa.  Hún á ekki frekar erindi fyrir Landsdóm en núverandi stjórnarstefna, sem er ill og hefur einbeittan vilja til að koma öllu hér á heljarþröm.  Þó hún sé því miklu meir tengd ásetningi en afskiptaleysisstefna Geir Harde, þá á ekki að gera upp pólitík með ákæruvaldi þess meirihluta sem situr hverju sinni.  Jafnvel þó allir sem ákæri séu með tandurhreina samvisku.  

Af hverju ekki???

Jú, það er ávísun á skálmöld, og ekki bjóðandi neinu þjóðfélagi, allra síst því sem þarf að vinna sig út úr miklum erfiðleikum.

Og ef þú vilt réttlæti Guðmundur, þá skaltu styðja þá sem vilja réttlæti.  Réttlæti er að bæta þeim skaðann sem urðu fyrir tjóni af völdum Hrunsins eftir þeim mætti sem almannavaldi ræður yfir.

Pólitískur hráskinsleikur er aldrei réttlæti, en notadrjúgur þeim sem illt hyggja og Útburð styðja.

Kveðja að  austan.

[Loftur Altice Þorsteinsson, 7.10.2010 kl. 11:44]

Það er rangt Ólafur ,að einn maður sé í raun ákærður fyrir Landsdómi, þótt svo sé formlega. Fyrir þjóðinni verða þessi réttarhöld haldin yfir allri Hrunstjórninni og jafnframt yfir núverandi valdstjórn. Eftir að Geir hefur verið dæmdur, liggur sekt alls stjórnmála-aðalsins ljós fyrir. Þeir verða gripnir hvar sem til þeirra næst, enda eftirmál gerða þeirra ekki minni en Njálsbrenna var á sínum tíma. Sérstaklega verður mikill fögnuður þegar Sturla Böðvarsson verður dæmdur, þótt ekki hljóti hann dóma fyrir sín verstu afbrot.

Það er rétt að Alþingi velur saksóknara og varasaksóknara, auk 5 manna saksóknarnefndar úr hópi þingmanna. Einhver verður að leggja fram tillögu um þetta fólk og eðlilegt er að Þingmannanefndin gerið það, öll eða meirihluti hennar. Borist hafa fréttir af, að Unnur Brá Konráðsdóttir og Ragnheiður Ríkharðsdóttir hafi sagt sig frá störfum nefndarinnar. Þeirra er varla sárt saknað, því að EKKERT liggur eftir þær í nefndinni – þær skiluðu ENGU áliti !