Á einhver til kol????

 

Er ekki allt í lagi að kynda undir svo flokkurinn sjóði????

Vissulega eru innan um ágætis fólk sem hlekkir pólitísks lýðskrums og undirmála halda föstu.

Það yrði gæfa þessa fólks að það syði uppúr og flokkurinn gufaði upp í himinhvolfin og sæist aldrei aftur.  Lýðskrumarar hyrfu líka því þeir eru eðlisléttir og rokgjarnir enda pólitísk vigt þeirra engin.

Eftir yrðu alvöru fólkið sem myndi móta lýðræðislegan jafnaðarflokk sem myndi bregðast við ákalli landsmanna um manneskjulegt þjóðfélag þar sem stofnanir þjóðfélagsins, hvort sem það er innan almannavalds eða á hinum almenna markaði, eins og til dæmis fjármálastofnanir, yrðu fyrir almenning, ekki örfá auðræningja.

Land þar sem fólk yrði ekki borið út úr húsum sínum eða hneppt í skuldaþrældóm siðlaus fjármálakerfis.

Þetta er fólkið sem á samleið með alvöru fólki VG eins og Lilju Mósesdóttir.

 

Kannski endar Leitin af Dólginum vel eftir allt saman.

Að alvöru vinstri og félagshyggjufólk taki yfir lýðskrumið og hendi skynlausum skepnum Alþjóðagjaldeyrissjóðsins út úr flokkum sínum.

Hver veit.

 

Á einhver til kol????

Kveðja að austan.

Samfylking við suðumark