Mun hann geð í sér að umgangast samherja sína???

 

Þá sem sögðu að hann mætti ekki ákæra, því hann hefði verið svo mikill afglapi að hann hafi ekkert vitað.

Hvorki af stærð bankakerfisins, að hann væri yfirmaður Fjármálaeftirlitsins, og hann liti aldrei í blöð, nema þá til að lesa sínar eigin greinar.

Þetta var vörnin sem nokkrir meintir samherjar hans sögðu frá í fréttum Ruv, og öðrum þáttum þessarar fyrrum virðulegu stofnunar sem telur í dag sitt eina hlutverk að sjá til þess að auðræningjar klári verk sitt og steli öllu því sem eftir var að stela og selji síðan þjóð sína í skuldahlekki ICEsave.

Hann Björgvin greyið vissi ekkert, hann var eitthvað svo utangátta, að hann vissi ekki neitt kallanginn, eða var það strákgreyið, man það ekki.

Önnur eins lítilsvirðing hefur aldrei heyrst á íslensku máli, ekki nema kannski þegar Skarphéðni var núið skeggleysi föður síns um nasir. 

Vissulega veit ég að Björgvin neyðist á þing því hann hefur marga munna að metta, og ábyrgur faðir syndir um í forafeni svika og svívirðinga til að geta séð þeim farborða, ef ekkert annað er í boði.

En að umgangast fólk eins og Skúla Helga eða Ólínu Þorvarðar sem niðurlægðu hann opinberlega þannig að ekki verður betur gert, það er eitthvað sem ég trúi ekki upp á Björgvin að óreyndu. 

Jafnvel Sveppi þekkir sín takmörk í ógeðsdrykkjum.

 

Eftir helgi mun þjóðin sjá hvort eitthvað sé hæft í þeim ávirðingum sem á hann eru bornar.

Ég spái því að hýenur Samfylkingarinnar séu ekki búnar að bíta úr nálinni með hælbit sitt og róg.  Það eru takmörk fyrir öllu sem menn niðurlægja sig fyrir flokk sinn.

Eða hvað??????

Kveðja að austan.

 

 

 

 

Björgvin kemur aftur inn á þing

Athugasemdir

[Jónas Jónasson, 30.9.2010 kl. 07:02]

Í þetta fara skattarnir okkar! að halda úti allskonar AULUM sem hrokast á milli partýja, ferðast um heiminn, éta á öllum dýrustu veitingastöðunum, aka um á lúxusbifreiðum og mæta svo í kosningarnar með bros á vör og lofa hverju sem er til að fá að halda áfram. ÍSLENDINGAR ERU FLESTIR BARA PÍNULITLIR HÁLFVITAR OG HALDA AÐ ÞEIR SÉU SAMT MESTIR OG BESTIR Í ÖLLU!

[Ómar Geirsson, 30.9.2010 kl. 07:50]

Takk fyrir innlitið Jónas.

Kveðja að austan.